News

prabhas, Adi Purush: టెన్షన్‌లో ‘ఆది పురుష్’ మేకర్స్.. ఏకంగా రూ.100 కోట్లు ఖర్చు – producers of adi purush investing rs 100 crores to re do vfx work


డార్లింగ్ ప్రభాస్ (Prabhas) ఫ్యాన్స్ బయటకు చెప్పలేని అసహనంతో ఉన్నారు. బాహుబలి (Bahubali)తో పాన్ ఇండియా రేంజ్‌లో బాక్సాఫీస్ రికార్డులను కొల్లగొట్టి పాన్ ఇండియా స్టార్‌గా ప్రభాస్ ఎదిగిన సంగతి తెలిసిందే. ఆ తర్వాత వచ్చిన సామో (Saaho), రాధే శ్యామ్ (Radhe Shyam) ఆ రేంజ్ హిట్స్ కాకపోవటం వారిని ఎంతో బాధపెడుతుంది. అయితే అభిమానం కదా.. ఆయన తదుపరి సినిమా కోసం ఆసక్తిగా వెయిట్ చేస్తున్నారు. ఈ కమ్రంలో ‘ఆది పురుష్’ (Adi Purush) సినిమాపై మంచి హోప్స్ పెట్టుకున్నారు. రొటీన్ సినిమాలకు భిన్నంగా ప్రభాస్ రాముడిగా కనిపిస్తారని అందరూ భావించారు. అయితే సినిమా టీజర్ చూసిన ప్రేక్షకులే కాదు, ఫ్యాన్స్ సైతం షాకయ్యారు. ఆది పురుష్ సినిమాపై అప్పటి వరకు ఉన్న అంచనాలు ఒక్కసారిగా డ్రాప్ కావటంతో సినిమాను సంక్రాంతి (sankranthi 2023) రేసు నుంచి తప్పించేశారు.

‘ఆది పురుష్’ సినిమా మేకింగ్‌పై, డైరెక్టర్ ఓం రౌత్‌ (Om Raut)పై అందరూ మండిపడుతున్నారు. దీంతో మేకర్స్ తప్పులను సరిదిద్దుకునే ప్రయత్నంలో ఉన్నారని టాక్. అయితే సినిమా అంతా అయిపోయింది. ఇప్పుడు కరెక్షన్స్ చేయటం అనేది నిర్మాతలకు కొత్త టెన్షన్‌ని తెచ్చి పెడుతున్నాయి. అవేంటంటే..ఆది పురుష్ టీజర్ చూసిన వారందరూ సైఫ్ అలీ ఖాన్ (Saif ali Khan) లుక్, రామ సైన్యంపై విమర్శలు చేశారు. దీంతో పాటు సినిమాలోని ఇతర లోపాలను కరెక్ట్ చేయడానికి మేకర్స్ రెడీ అయ్యారు. దీని కోసం మళ్లీ వి.ఎఫ్.ఎక్స్ కోసం ఏకంగా వంద కోట్ల రూపాయలను ఖర్చు చేయాలట. ఇది తలకు మించిన భారమే అయినా నెగిటివిటీ తప్పించుకోవాలంటే తప్పేలా లేదని భావిస్తున్నట్లు సినీ సర్కిల్స్‌లో వార్తలు చక్కర్లు కొడుతున్నాయి.

వి.ఎఫ్.ఎక్స్ పనులను మళ్లీ చేయడానికి నిర్ణయించుకోవటంతో ఆది పురుష్ సినిమా రిలీజ్ మరింత ఆలస్యం కానుంది. సక్రాంతి రేసు నుంచి తప్పుకున్న మూవీని వచ్చే ఏడాది వేసవిలో విడుదల చేస్తారని వార్తలు వినిపించాయి. కానీ ప్రస్తుతం వస్తున్న సమాచారం మేరకు ఆది పురుష్ రిలీజ్ మరింత ఆలస్యం అవుతుందంటున్నారు. రామాయణంను త్రీడీ మోషన్ క్యాప్చర్ టెక్నాలజీలో రూపొందిస్తున్నారు.

Related Articles

Back to top button