News

ppf vs fd interest rate, PPF Vs Bank FD: పీపీఎఫ్‌తో పోలిస్తే బ్యాంకుల్లోనే ఎక్కువ వడ్డీలా..? వివరాలు ఇక్కడ తెలుసుకోండి! – ppf vs bank fd which scheme offers more returns and what are the benefits


PPF Vs Bank FD: పీపీఎఫ్, బ్యాంకు ఎఫ్‌డీలు ఈ రెండింటి గురించి చాలా మందికి తెలుసుంటాయి. ఈ రెండూ కూడా ప్రజలు తమ డబ్బులను దాచుకునేందుకు ఉన్న ఉత్తమమైన సాధనాలు. పీపీఎఫ్ ప్రభుత్వానికి చెందిన స్కీమ్ అయితే.. బ్యాంకు ఎఫ్‌డీలు ప్రభుత్వ, ప్రైవేట్ రంగ బ్యాంకులకు చెందినవి. ఈ రెండింట్లో కూడా ఆకర్షణీయమైన వడ్డీ ఆదాయాలను ప్రజలు పొందొచ్చు. ఇటీవలే దేశీయంగా ద్రవ్యోల్బణం భారీగా పెరుగుతుండటంతో.. రిజర్వు బ్యాంకు ఆఫ్ ఇండియా చాలా వేగంగా తన పాలసీ రేట్లను పెంచుతోంది. దీంతో రుణాలపై, డిపాజిట్లపై బ్యాంకులలో వడ్డీ రేట్లుపెరుగుతున్నాయి. ప్రభుత్వ రంగ దిగ్గజం ఎస్‌బీఐ నుంచి ప్రైవేట్ రంగ బ్యాంకు హెచ్‌డీఎఫ్‌సీ వరకు ప్రతి ఒక్కటి తమ ఫిక్స్‌డ్ డిపాజిట్ల వడ్డీ రేట్లను పెంచుతున్నాయి. ప్రతి రోజూ ఏదో ఒక బ్యాంకు తమ వడ్డీ రేట్లను సమీక్షిస్తూ ఉంది. అయితే ప్రస్తుతం పబ్లిక్ ప్రావిడెంట్ ఫండ్‌(PPF)లో డబ్బులు ఎక్కువ వస్తున్నాయా..? బ్యాంకులలో ఎక్కువ వడ్డీ ఆదాయాలను పొందవచ్చో మనం ఒకసారి చూద్దాం..

పీపీఎఫ్ చిన్న పొదుపు పథకం. దీని వడ్డీ రేట్లను ప్రభుత్వం ప్రతి మూడు నెలలకు ఒకసారి సమీక్షిస్తుంది. అయితే గత కొన్ని నెలలుగా పీపీఎఫ్ వడ్డీ రేట్లను ప్రభుత్వం పెంచలేదు. ఈ రేట్లు చాలా కాలంగా యథాతథంగా ఉన్నాయి. కానీ బ్యాంకులలో మాత్రం ఫిక్స్‌డ్ డిపాజిట్ల వడ్డీ రేట్లు ఈ మధ్యన బాగా పెరుగుతున్నాయి. ఆర్‌బీఐ రెపో రేటును పెంచిన ప్రతిసారి కూడా ఈ రేట్లు పెరుగుతున్నాయి. మే 2022 నుంచి 190 బేసిస్ పాయింట్ల మేర రెపో రేటు పెరిగింది.

పీపీఎఫ్ రిటర్నులు..
పీపీఎఫ్ వడ్డీ రేటు ప్రస్తుతం 7.1 శాతంగా ఉంది. పీపీఎఫ్ పెట్టుబడులకు ప్రభుత్వ గ్యారెంటీ ఉంటుంది. పన్నుల పరంగా చూసుకుంటే.. మూడు రకాల ప్రయోజనాలను ఈ స్కీమ్ నుంచి పొందొచ్చు. ఈఈఈ కేటగిరీ కింద ఈ స్కీమ్ ఉంది. పెట్టుబడికి, అక్యూరల్‌కి, విత్ డ్రాయల్‌కి దేనికి కూడా మీరు పన్నును కట్టాల్సినవసరం లేదు. ఈఈఈ రూల్ కింద, పీపీఎఫ్ అకౌంట్‌హోల్డర్లు ఏడాదికి రూ.1.5 లక్షల వరకు ఆదాయపు పన్ను మినహాయింపులను పొందవచ్చు. ఆదాయపు పన్ను చట్టం 1961 సెక్షన్ 80సీ కింద ఈ స్కీమ్‌ ద్వారా వచ్చే వడ్డీలకు కూడా ఎలాంటి పన్ను లేదు. ఎలాంటి ట్యాక్స్ లేకండా ఈ స్కీమ్ మెచ్యూర్ మొత్తాన్ని విత్ డ్రా చేసుకోవచ్చు.

Also Read : నాయర్‌ని ముంచేసిన నైకా షేర్లు.. ఆమెకు కోట్లాది రూపాయలు హాంఫట్, అయ్యో ఎంత పనైంది!

ఎఫ్‌డీ రిటర్నులు..
గత కొన్ని నెలలుగా అన్ని బ్యాంకులు తమ ఫిక్స్‌డ్ డిపాజిట్ల వడ్డీ రేట్లను పెంచుతున్నాయి. అంతకుముందుతో పోలిస్తే.. ఫిక్స్‌డ్ డిపాజిట్లు ఆకర్షణీయంగా మారాయి. ఈ వారంలో పీఎన్‌బీ, హెచ్‌డీఎఫ్‌సీ బ్యాంకు, ఫెడరల్ బ్యాంకు తమ ఎఫ్‌డీ వడ్డీ రేట్లను పెంచాయి. హెచ్‌డీఎఫ్‌సీ ఈ నెలలో రెండోసారి వడ్డీ రేట్లను పెంచింది. అయితే పన్నుల పరంగా చూసుకుంటే.. ఆదాయపు పన్ను చట్టం 1961 కింద, ఎఫ్‌డీలపై పొందే వడ్డీలను ఇతర వనరుల నుంచి వచ్చే ఆదాయంగా పరిగణించి పన్నులు విధిస్తారు. ఎఫ్‌డీ వడ్డీ రేటు ప్రయోజనాలను మీ స్థూల వార్షికాదాయం కలిపి పన్ను లయబులిటీని లెక్కిస్తారు. దీనికి సంబంధించిన పన్ను చట్టాలు వర్తిస్తాయి.

పీపీఎఫ్ వడ్డీ రేటు 7.1 శాతంగా ఉంటే.. బ్యాంకులలో ఫిక్స్‌డ్ డిపాజిట్ల వడ్డీ రేట్లు ఒక్కో దానిలో ఒక్కో విధంగా ఉన్నాయి. హెచ్‌డీఎఫ్‌సీ 2 ఏళ్ల ఒక్క రోజు నుంచి మూడేళ్లలో మెచ్యూర్ అయ్యే తన ఫిక్స్‌డ్ డిపాజిట్లపై 6.25 శాతం వరకు వడ్డీ రేటును అందిస్తుంది. అలాగే పీఎన్‌బీ 600 రోజుల్లో మెచ్యూర్ అయ్యే ఫిక్స్‌డ్ డిపాజిట్‌పై 7 శాతం వరకు వడ్డీని ఆఫర్ చేస్తుంది. ఫెడరల్ బ్యాంకు ఎఫ్‌డీ వడ్డీ రేటు 7.5 శాతం వరకు ఉంది. ఇలా ఒక్కో బ్యాంకు ఒక్కో విధంగా ఆఫర్ చేస్తుంది. పీపీఎఫ్‌తో పోలిస్తే బ్యాంకులలోనే ప్రస్తుతం అత్యధిక వడ్డీ రేటు ప్రయోజనాలు లభిస్తున్నాయి. కానీ పన్ను పరంగా చూసుకుంటే.. పీపీఎఫ్ ఉత్తమమైన సాధనం. పన్నులను మినహాయిస్తే బ్యాంకు ఎఫ్‌డీలలో ఎక్కువ రిటర్నులను పొందొచ్చు.

Also Read : ఐసీఐసీఐ బ్యాంకు అదిరిపోయే ప్రకటన.. నేటి నుంచే మీకు లాభం, ఒకే నెలలో రెండుసార్లు..!

Advertisement

Related Articles

Back to top button