News

peddireddy ramachandra reddy, ఏపీలో విద్యుత్ ప్రమాదాలకు చెక్.. అధికారులకు మంత్రి పెద్దిరెడ్డి ఆదేశాలు – minister peddireddy ramachandra reddy review meeting with officers


ఏపీలో విద్యుత్ ప్రమాదాలను అరికట్టేందుకు మంత్రి పెద్దిరెడ్డి రామచంద్రారెడ్డి అధికారులతో సమీక్ష నిర్వహించారు. ఈ సందర్భంగా అభివృద్ధి చెందిన దేశాల్లో ఉన్న విధానాలపై అధ్యయనం చేయాలన్నారు.

 

ఆంధ్రప్రదేశ్‌లో ఇటీవల విద్యుత్ ప్రమాదాలు చోటు చేసుకున్న నేపథ్యంలో రాష్ట్ర ఇంధన శాఖ మంత్రి పెద్దిరెడ్డి రామచంద్రారెడ్డి ఆదివారం అధికారులతో టెలీ కాన్ఫరెన్స్‌ నిర్వహించారు. ఈ సందర్భంగా మంత్రి పెద్దిరెడ్డి రామచంద్రారెడ్డి మాట్లాడుతూ.. రాష్ట్రంలో సాధ్యమైనంత మేరకు విద్యుత్‌ ప్రమాదాలను నివారించే వ్యవస్థను రూపొందించాల్సిన ఆవశ్యకత ఎంతైనా ఉందన్నారు. రాష్ట్రంలో విద్యుత్‌ ప్రమాదాల నివారణకు అన్ని స్థాయిల్లో కట్టుదిట్టమైన భద్రతా వ్యవస్థను రూపొందించాలని విద్యుత్‌ సంస్థలను ఆదేశించామన్నారు.

అభివృద్ధి చెందిన దేశాల్లో ఉన్న విద్యుత్‌ భద్రతా వ్యవస్థలను అధ్యయనం చేసి తగిన కార్యాచరణ ప్రణాళిక రూపొందించి సమర్పించాలని అధికారులను ఆదేశించినట్లు మంత్రి పెద్దిరెడ్డి రామచంద్రారెడ్డి చెప్పారు. అలాగే విద్యుత్‌ ప్రమాదాల నివారణపై ప్రజల్లో అవగాహన కల్పించేందుకు పెద్దఎత్తున ప్రచార కార్యక్రమాలు నిర్వహించాలని సూచించారు.

అభివృద్ధి చెందిన దేశాల్లో ఉన్న విద్యుత్‌ భద్రతా వ్యవస్థలను అధ్యయనం చేయాలని అధికారులను మంత్రి పెద్దిరెడ్డి రామచంద్రారెడ్డి సూచించారు. వీటి ఆధారంగా స్థానిక అవసరాలకు తగినట్లు కట్టదిట్టమైన భద్రతా వ్యవస్థను రూపొందించాలన్నారు. ఇందులో ప్రజలను కూడా భాగస్వాములను చేయాల్సిన అవసరం ఉందన్నారు. తద్వారా విద్యుత్‌ ప్రమాదాలపై ప్రజల్లో పెద్దఎత్తున అవగాహన కలిగించవచ్చన్నారు. ఇందుకోసం రాష్ట్రవ్యాప్తంగా విద్యుత్‌ సబ్‌ స్టేషన్ల కమిటీ సమావేశాలు నిర్వహించాలని సూచించారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button