News

pawan kalyan, Janasena: ఇటు బీజేపీ.. అటు టీడీపీ.. పవన్ కళ్యాణ్ దారెటు? – political heat in andhra pradesh with pawan kalyan comments


Summary: జనసేన అధినేత పవన్ కళ్యాణ్.. తెలంగాణలోని కొండగట్టు వద్ద కీలక వ్యాఖ్యలు చేశారు. ఆయన చేసిన కామెంట్స్ ఇప్పుడు ఆంధ్రప్రదేశ్‌లో పొలిటికల్ హీట్ పెంచాయి. ముఖ్యంగా పొత్తులపై కొత్త చర్చ మొదలైంది. ‘ఏపీలో బీజేపీతో ప్రస్తుతం పొత్తులో ఉన్నాం. మా పొత్తు ఇంకా కొనసాగుతుంది. బీజేపీతో కలిసే ఉన్నాం.. ఉంటాం.. కాదంటే కొత్త వాళ్లతో పోతాం. పొత్తులపై ఎన్నికలకు వారం రోజుల ముందు క్లారిటీ వస్తుంది’ అని పవన్ కళ్యాణ్ వ్యాఖ్యానించారు. ఈ కామెంట్స్‌పై బీజేపీ నేతలు, ఇతర పార్టీల నేతలు రకరకాలుగా స్పందిస్తున్నారు.

’30 ఏళ్లుగా బీజేపీని ఎదగకుండా తెలుగుదేశం పార్టీ అడ్డుకుంటోంది. మేము జనసేనతో కలిసే ఉన్నాం. జాతీయ భావంతో జనసేన పని చేస్తోంది. కాబట్టి మేము జనసేనతో ఉన్నాం. టీడీపీ, వైఎస్సార్సీపీకి మేము సమ దూరంలో ఉన్నాం. మా పొత్తు జనసేనతోనే ఉంటుంది. మేము ఎన్నికలకు కూడా జనసేనతోనే కలిసి వెళ్తాం. వేరే పార్టీలతో కలిసి వెళ్లే ప్రసక్తే లేదు. బీజేపీ-జనసేన పొత్తు గురించి మీడియాలో అనవసర చర్చ చేస్తున్నారు. మేము కచ్చితంగా ఏపీలో బీజేపీ బలోపేతం కోసమే పని చేస్తాం’ అని బీజేపీ రాజ్యసభ సభ్యులు జీవీఎల్ నరసింహా రావు వ్యాఖ్యానించారు.

‘మంగళవారం జరిగింది బీజేపీ అంతర్గత వ్యవహారం. అది వాళ్ల రాజకీయ తీర్మానం. దానికి జనసేనకు ఎలాంటి సంబంధం లేదు. పొత్తులకు ఇది సమయం కాదు. ఇప్పుడు ఎలాంటి ఎన్నికలు లేవు. పొత్తులు ఎన్నికల సమయంలో ఉంటాయి. మేము ఇద్దరం పొత్తులో ఉన్నామని ఇరు పార్టీల నేతలం చెబుతున్నాం. పవన్ కళ్యాణ్ తాజాగా మాట్లాడిన సందర్భం వేరు. అధికార పార్టీ వ్యతిరేక ఓటు చీలనివ్వం అని పవన్ చెప్పారు. అందుకే వివిధ రకాల ప్రణాళికలు రూపొందిస్తున్నాం. ప్రస్తుతానికి మేము బీజేపీతోనే ఉన్నాం’ అని జనసేన నేత శివశంకర్ వ్యాఖ్యానించారు.

‘ప్రతిపక్ష పార్టీలు అన్ని కలవాలి.. కలిసి ఎన్నికల్లో పోటీ చేయాలి.. అధికార పార్టీ వ్యతిరేక ఓట్లు చీలనివ్వం అని పవన్ కళ్యాణ్ పదే పదే చెబుతున్నారు. ఈ విషయంలో పవన్ కళ్యాణ్‌కు క్లారిటీ ఉంది. బీజేపీకి క్లారిటీ ఉంది. టీడీపీ, వైసీపీ మినహా.. మిగతా పార్టీలతో కలుస్తామని బీజేపీ స్పష్టంగా చెబుతోంది. ఈ సమయంలో పొత్తుల గురించి మాట్లాడటం తొందర పాటు అవుతుంది. ఎన్నికల ముందు అందరూ కలవాలని పవన్ కోరిక కావచ్చు. కానీ.. బీజేపీ స్టాండ్ ప్రకారం అది కుదరకపోవచ్చు’ అని సీపీఐ రాష్ట్ర కార్యదర్శి రామకృష్ణ వ్యాఖ్యానించారు.

‘మంగళవారం బీజేపీ కార్యవర్గ సమావేశం జరిగింది. బీజేపీ పొత్తు జనంతో.. జనసేనతో మాత్రమే. జనసేన ఆలోచనలు మాతో కలిసే ఉన్నాయి. వేరే పార్టీతో కలిసి నడిచే ప్రసక్తే లేదు. ఎప్పుడూ ఎవ్వరితో కలిసే పోటీ చేయాలని వేరే పార్టీలు చూస్తున్నాయి. మాకు అలాంటి అవసరం లేదు. ఏపీలో బీజేపీకి బంగారు భవిష్యత్తు ఉంటుంది. ఎంతసేపూ బీజేపీ-జనసేన మధ్య విషపు చుక్క వేయాలని చూస్తున్నారు. బీజేపీ, జనసేన విడిపోతే.. వేరే పార్టీలు పవన్ కళ్యాణ్‌తో పొత్తు పెట్టుకోవచ్చని తాపత్రయపడుతున్నాయి’ అని బీజేపీ నేత భానుప్రకాశ్ రెడ్డి ఆరోపించారు.

‘ఏపీలో రాజకీయ పార్టీలు ప్రజల గురించి ఆలోచించడం లేదు. పొత్తుల గురించి ఆలోచిస్తున్నాయి. వాళ్లే వాళ్ల బలహీనతను బయట పెట్టుకుంటున్నారు. జనసేనకు ఒక సిద్ధాంతం లేదు. ప్రజల గురించి ఆలోచన లేదు. ఒకరికి ఓటు లేదు.. ఇంకొకరికి సీటు లేదు.. వీళ్ల గురించి ఇంతసేపు చర్చ ఎందుకు. జనసేనకు రాజకీయ పరిపక్వత లేదు. బీజేపీ వాళ్లేమో జనసేనతో ఉన్నాం అని అంటున్నారు. కానీ.. జనసేన పార్టీనేమో ఆప్షన్లు అంటోంది. నిజంగా ఈ రెండు పార్టీల మధ్య పొత్తు ఉంటే.. మంగళవారం జరిగిన కార్యవర్గ సమావేశంలో రాజకీయ తీర్మానం ఎందుకు ప్రవేశపెట్టలేదు’ అని వైఎస్సార్సీపీ ఎమ్మెల్యే మల్లాది విష్ణు ప్రశ్నించారు.

కొండగట్టులో పవన్‌ కళ్యాణ్.. వారాహికి పూజ, అభిమానుల్లో జోష్

Advertisement

Related Articles

Back to top button