Baahubali 2 – Pathaan: చాలా రోజుల త‌ర్వాత బాలీవుడ్ జ‌నాల‌కు కాస్త ప్ర‌శాంతంగా నిద్రపోయే అవకాశం వ‌చ్చింది. ఎందుకంటే ఈ మ‌ధ్య కాలంలో మ‌న సౌత్ సినిమాల హ‌వా బాలీవుడ్‌లో ఓ రేంజ్‌లో పెరిగిపోయింది. వారి సినిమాలేమో డిజాస్ట‌ర్ అవుతుంటే మ‌న సినిమాలు మాత్రం అక్క‌డ బ్లాక్ బ‌స్ట‌ర్స్ అవుతున్నాయి. ఇది చాలా మందికి మింగుడుప‌డ‌లేదు. అయితే ఏం చేయలేక చూస్తుండిపోవాల్సిన ప‌రిస్థితి. అయితే ఈ ప‌రిస్థితికి ‘పఠాన్’ బ్రేక్ ఇచ్చింది. జ‌న‌వ‌రి 25న విడుద‌లైన ఈ చిత్రం వ‌సూళ్ల ప‌రంగా దుమ్ముదులిపింది.
ఈ వ‌సూళ్ల‌తో బాలీవుడ్‌లో హ‌య్య‌స్ట్ గ్రాసర్‌గా నిలిచింది ‘పఠాన్’. హిందీ, తెలుగు, తమిళ భాషల్లో ఇండియాలో ఈ చిత్రం రూ.640కోట్ల‌ను రాబ‌ట్టింది. అలాగే ఓవ‌ర్‌సీస్‌లో రూ.386 కోట్ల‌ను రాబ‌ట్టింది. 37 రోజుల‌కుగానూ ప్ర‌పంచ వ్యాప్తంగా మూడు భాషల్లో ‘పఠాన్’ చిత్రం రూ.1026 కోట్లు గ్రాస్ క‌లెక్ష‌న్స్‌ను రాబ‌ట్టుకుంది. పఠాన్ విడుద‌ల రోజు నుంచి సరికొత్త రికార్డుల‌ను తెర తీసింది. తాజాగా ‘పఠాన్’ మూవీ బాలీవుడ్‌లో ఓ సరికొత్త రికార్డ్ క్రియేట్ చేసింది. ఇప్ప‌టి వ‌ర‌కు బాహుబ‌లి 2 హిందీలో గ్రాస్ వ‌సూళ్ల ప‌రంగా నెంబ‌ర్ వ‌న్ స్థానంలో ఉండింది. దాన్ని ‘పఠాన్’ మూవీ క్రాస్ చేసింది. బాహుబ‌లి 2 హిందీ వెర్ష‌న్ రూ.510.99 కోట్ల‌ను సాధించింది. దీన్ని పఠాన్ రూ.511 కోట్ల‌ను క్రాస్ చేసింది.
దీంతో హిందీ వెర్ష‌న్‌లో టాప్ మూవీస్ లిస్టులో పఠాన్ మొద‌టి స్థానాన్ని ద‌క్కించుకోగా, రెండో స్థానంలో బాహుబ‌లి 2, మూడో స్థానంలో కె.జి.య‌ఫ్ 2, నాలుగుఓ స్థానంలో దబాంగ్‌ సినిమాలు నిలిచాయి. ఈ సినిమా సాధించిన లేటెస్ట్ రికార్డ్‌పై ద‌ర్శ‌కుడు సిద్ధార్థ్ ఆనంద్ ఆనందాన్ని వ్య‌క్తం చేశారు. చాలా గ‌ర్వ‌ప‌డే క్ష‌ణాలివి అంటూ కామెంట్ చేశారు. ఈయ‌న డైరెక్ష‌న్‌లో య‌ష్ రాజ్ ఫిలింస్ నిర్మించిన ‘పఠాన్’ చిత్రంలో షారూఖ్ ఖాన్ టైటిల్ పాత్ర‌లో న‌టిస్తే.. ఆయ‌న‌కు జోడీగా దీపికా ప‌దుకొనె న‌టించింది. జాన్ అబ్ర‌హం విల‌న్‌గా న‌టిస్తే.. కండ‌ల వీరుడు స‌ల్మాన్ ఖాన్, గెస్ట్ అప్పియ‌రెన్స్ ఇచ్చారు.
- Read latest Tollywood updates and Telugu News
