News

Olatech Solutions Share Price,IT Stock: 6 నెల్లలోనే రెట్టింపు లాభం.. ఇప్పుడు ఉచితంగా 17 షేర్లు.. ఈ స్టాక్ మీ దగ్గరుందా మరి! – it stock olatech solutions ltd given multibagger returns board announces bonus shares


IT Stock: స్మాల్ క్యాప్ కేటగిరికి చెందిన ఐటీ స్టాక్ ఓలా టెక్ సొల్యూషన్స్ లిమిటెడ్ (Olatech Solutions Ltd) తమ ఇన్వెస్టర్లకు మల్టీబ్యాగర్ రిటర్న్స్ అందించింది. అలాగే నవంబర్ 20వ తేదీన ఎక్స్-బోనస్ ట్రేడ్ చేయనుంది. కంపెనీ తమ వాటాదారులకు 17:20 రేషియోలో బోనస్ షేర్లు అందించేందుకు ఆమోదం తెలిపింది. దీని ప్రకారం 20 షేర్లు కలిగి ఉన్న షేర్ హోల్డర్లకు అదనంగా మరో 17 షేర్లు బోనస్ గా లభిస్తాయి. దానికి సంబంధించి నవంబర్ 20, 2023ని రికార్డ్ తేదీగా కంపెనీ ప్రకటించింది. అంటే సోమవారం రోజున కంపెనీ షేర్లను కలిగి ఉన్న వారికి మాత్రమే ఈ ఆఫర్ వర్తిస్తుంది.

ఓలాటెక్ సొల్యూషన్స్ ఐటీ సెక్టార్ కి చెందిన పబ్లిక్ లిమిటెడ్ కంపెనీ. ఈ కంపెనీ ఎన్ఓసీ టూల్స్, నెట్ వర్క్ మోనిటరింగ్, మ్యానేజ్మెంట్ & అనలిటిక్స్, ఏఏఏ సొల్యూషన్స్, డేటా సెంటర్ ఇన్ఫ్రాస్ట్రక్చర్ మేనేజ్మెంట్, ఈఆర్పీ, సీఆర్ఎం, డిజిటల్ మార్కెటింగ్ సొల్యూషన్స్ అండ్ ఎస్ఈఓ, యాడ్ వర్డ్స్, వెబ్ డెవలప్మెంట్, మీడియా బైయింగ్ వంటి సాఫ్ట్ వేర్ సొల్యూషన్స్ ను అందిస్తుంది. ఈ కంపెనీని 2014 సంవత్సరంలో ప్రారంభించారు. ప్రస్తుతం ఈ కంపెనీ ముంబై కేంద్రంగా సేవలందిస్తోంది.

గత శుక్రవారం ట్రేడింగ్ సెషన్ లో 5 శాతం లాభపడి అప్పర్ సర్క్యూట్ కొట్టింది ఈ కంపెనీ షేరు. 52 వారాల గరిష్ఠ స్థాయిని తాకింది. అలాగే ఈ కంపెనీ షేరు ధర గత 6 నెలల్లో చూసుకుంటే ఏకంగా 166 శాతం లాభపడి మల్టీబ్యాగర్ రిటర్న్స్ అందించింది. అంటే ఆరు నెలల క్రితం రూ.1 లక్ష పెట్టి షేర్లు కొనుగోలు చేస్తే ఇప్పుడు వాటి విలువ రూ.2.66 లక్షలకుపైగా ఉంటుంది. కంపెనీ ఎక్స్చేంజ్ ఫైలింగ్ ప్రకారం.. 17:20 రేషియోలో బోనస్ షేర్లు జారీ చేసేందుకు కంపెనీ బోర్డు సిఫార్స్ చేసింది. రికార్డు తేదీ నాటికి ఎవరైతే రూ.10 ముఖ విలువ కలిగిన 20 ఈక్విటీ షేర్ల తమ డీమ్యాట్ ఖాతాలో కలిగి ఉంటారో వారికి అదనంగా రూ. 10 ముఖ విలువ కలిగిన 17 బోనస్ షేర్ల లభిస్తాయి.

శుక్రవారంతో ముగిసిన ట్రేడింగ్ సెషన్ లో ఓలా టెక్ సొల్యూషన్స్ లిమిటెడ్ షేరు రూ. 239.60 వద్ద స్థిరపడింది. ఈ షేరు 52 వారాల గరిష్ఠ ధర రూ. 239.60 గా ఉండగా.. 52 వారాల కనిష్ఠ ధర రూ. 75 వద్ద ఉంది. గత వారం రోజుల్లో చూసుకుంటే ఈ షేరు సుమారు 30 శాతం రిటర్న్స్ అందించింది. గత నెల రోజుల్లో ఈ షేరు సుమారు 40 శాతం లాభాన్ని ఇచ్చింది. అదే విధంగా గత ఆరు నెలల్లో ఈ షేరు సుమారు 166 శాతం రిటర్న్స్ ఇవ్వగా.. ఇక గత ఏడాదిలో 133 శాతం లాభాన్ని ఇచ్చింది. గత ఐదు ఏళ్లలో సుమారు 285 శాతం లాభాన్ని తమ వాటాదారులకు అందించింది.

  • Read Latest Business News and Telugu News

Multibagger: ఒక షేరుకు 2 షేర్లు బోనస్.. 6 నెలల్లో 234 శాతం లాభం.. లక్షకు రూ.3.34 లక్షలు ఇచ్చిన స్టాక్! Multibagger: నెలలో డబుల్.. లక్షకు రూ.2 లక్షలు.. 5 రోజులుగా అప్పర్ సర్క్యూట్‌ కొట్టిన షేరు! Stock Split: ఒక్క షేరుకు 10 షేర్లు ఉచితం.. 6 నెలల్లో 121 శాతం లాభం.. ఈ స్టాక్‌పై మీరూ ఓ లుక్కేయండి!

Related Articles

Back to top button