News

oil price down, Cooking Oil: సామాన్యులకు ఊరట.. వంట నూనె ధరలు లీటరుకు రూ.12 తగ్గింపు? – edible oil price to reduce by upto rs 12 after makers decided to cut retail prices


Oil Prices: సామాన్యులకు తీపికబురు. వంట నూనె ధరలు మరింత తగ్గనున్నాయి. రానున్న రోజుల్లో ఎడిబుల్ ఆయిల్ రేట్లు ఇంకా తగ్గుతాయని ఆర్‌బీఐ గవర్నర్ శక్తికాంత్ దాస్ కూడా వెల్లడించారు. కేంద్ర ప్రభుత్వం ఇప్పటికే ఆయిల్ ఉత్పత్తిదారుల‌తో సమావేశం నిర్వహించింది. ఇందులో వంట రూనె ధరలను విక్రయించే కంపెనీలు ఆయిల్ రేట్లను లీటరుకు రూ. 10 నుంచి రూ. 12 వరకు తగ్గించేందుకు అంగీకారం తెలిపారని నివేదికలు పేర్కొంటున్నాయి. అంతర్జాతీయ మార్కెట్‌లో వంట నూనె ధరలు దిగి రావడంతో దేశంలో కూడా ఆయిల్ రేట్లను తగ్గించాలని భారత ప్రభుత్వం ఆయిల్ దిగుమతి దారులు, తయారీ కంపెనీలతో సమావేశం నిర్వహించింది. ఇందులో కంపెనీలు అన్నీ సానుకూలముగానే స్పందించాయని తెలుస్తోంది.

‘వంట నూనె తయారీ కంపెనీలు ఎడిబుల్ ఆయిల్ రేటును మరింత తగ్గించడానికి అంగీకారం తెలిపాయి. గ్లోబల్ మార్కెట్‌లో రేట్లు తగ్గిన నేపథ్యంలో వంట నూనె ధరలు లీటరుకు రూ. 10 నుంచి రూ. 12 వరకు తగ్గనున్నాయి. ఆయిల్ ఉత్పత్తిదారులతో సమావేశం బాగా జరిగింది’ అని సమావేశంలో పాల్గొన్న అధికారులలో ఒకరు వెల్లడించారు.

Also Read: 7 ఏళ్లలో ఫస్ట్‌టైమ్ 20 నిమిషాలు లేట్‌గా వచ్చిన ఉద్యోగి.. జాబ్ పీకేసిన కంపెనీ

భారత్ ఎక్కువగా వంట నూనెలను దిగుమతి చేసుకుంటోతోంది. దీని వల్ల అంతర్జాతీయ మార్కెట్‌లో రేట్లు పెరిగితే ఆ ప్రభావం దేశీ మార్కెట్‌పై కూడా పడుతోంది. రష్యా ఉక్రెయిన్ యుద్ధం నేపథ్యంలో అక్కడి నుంచి నమ దేశానికి వంట నూనె దిగుమతులు తగ్గాయి. అలాగే ఇండోనేసియా కూడా ఇతర దేశాలకు పామ్ ఆయిల్ ఎగుమతులపై బ్యాన్ విధించింది. దీంతో మన దేశంలో రేట్లు ఆకాశాన్ని చేరాయి.

అయితే ఇటీవల కాలంలో ఇండోనేసియా పామ్ ఆయిల్ ఎగుమతులపై నిషేధాన్ని ఎత్తివేసింది. మాలేషియా కూడా భారత్‌కు ఎక్కువ ఆయిల్ సరఫరా చేస్తామని ప్రకటించింది. అలాగే అంతర్జాతీయ మార్కెట్‌లో వంట నూనె ధరలు తగ్గుముఖం పట్టాయి. ఈ క్రమంలో మన దేశంలో కూడా రేట్లు మరింత దిగి వచ్చే అవకాశం ఉంది. కేంద్ర ప్రభుత్వం వంట నూనె ధరలను మరింత తగ్గించేందుకు ఆయిల్ ఉత్పత్తి కంపెనీలతో సమావేశం నిర్వహించింది. గత నెలలో కూడా ఇలానే కేంద్రం మ్యానుఫ్యాక్చరర్స్, రిఫైనర్స్, డిస్ట్రబ్యూటర్లతో సమావేశం నిర్వహించింది. దీని వల్ల వంట నూనె ధరలు గత మూడో వారంలో దిగి వచ్చాయి. రానున్న రోజుల్లో మరింత తగ్గనున్నాయి.

Also Read: లోన్ తీసుకున్న వారికి, క్రెడిట్ కార్డుదారులకు ఆర్‌బీఐ గుడ్ న్యూస్..

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.

Advertisement

Related Articles

Back to top button