News

north korea warplanes, South Korea Border 180 యుద్ధ విమానాలు పంపిన కిమ్.. రంగంలోకి ద.కొరియా ఫైటర్ జెట్స్ – south korea scrambles jets after detecting 180 north korea warplanes


కొరియా ద్వీపకల్పంలో (Korean Peninsula) పరిస్థితి నివురుగప్పిన నిప్పులా ఉంది. దక్షిణ కొరియా(South Korea), అమెరికా (US) వైమానిక దళ విన్యాసాలపై (Air Exercise) గుర్రుగా ఉన్న ఉత్తర కొరియా (North Korea).. రెండు రోజుల్లోనే 25కిపైగా దీర్ఘశ్రేణి, స్వల్పశ్రేణి బాలిస్టిక్ క్షిపణులను ప్రయోగించింది. తాజాగా, శుక్రవారం ఉత్తర కొరియాకు చెందిన దాదాపు 180 యుద్ధ విమానాలు దక్షిణ కొరియా సరిహద్దులకు సమీపంలో కొన్ని గంటల పాటు చక్కెర్లు కొట్టాయి. దీంతో అప్రమత్తమైన దక్షిణ కొరియా సైన్యం.. తమ యుద్ధ విమానాలను రంగంలోకి దింపింది. ఉత్తర కొరియాకు చెందిన 180 యుద్ధ విమానాలు మిలటరీ సరిహద్దుకు ఉత్తరంగా నాలుగు గంటల పాటు ఎగురుతున్నట్టు గుర్తించిన తర్వాత ఫైటర్ జెట్‌లతో వెంబడించినట్లు దక్షిణ కొరియా సైన్యం తెలిపింది.

సైనిక విభజన రేఖ (MDL)కి ఉత్తరంగా 20 కిలోమీటర్ల వరకూ ఉత్తర కొరియా యుద్ధ విమానాలు వ్యూహాత్మక సరిహద్దులకు ఉత్తరంగా ప్రయాణించిందని దక్షిణ కొరియా సైన్యం ఒక ప్రకటనలో తెలిపింది. దీనికి ప్రతిస్పందనగా F-35Aతో సహా 80 యుద్ధ విమానాలతో వెంబడించింది.. అమెరికాతో విజిలెంట్ స్టార్మ్‌ (Vintage Smart) వైమానిక విన్యాసాలలో పాల్గొన్న దాదాపు 240 విమానాలు డ్రిల్‌ను కొనసాగించాయని పేర్కొంది. గత నెలలోనూ ఉత్తర కొరియా ఇలాంటి విన్యాసాలు చేసింది. 10 యుద్ధ విమానాలు సరిహద్దుకు సమీపానికి రావడంతో దక్షిణ కొరియా తీవ్రంగానే స్పందించి తన సైనిక విమానాలతో వెంబడించింది.

అమెరికా, దక్షిణ కొరియా వింటేజ్ స్మార్ట్‌ పేరుతో చేపట్టిన విన్యాసాలు ఉత్తర కొరియా‌కు ఆగ్రహాన్ని తెప్పించాయి. రాత్రిపూట సముద్రంలోకి 80 రౌండ్ల కంటే ఎక్కువ ఫిరంగులను పేల్చడం, బహుళ క్షిపణులను ప్రయోగించడంతో పాటు ఖండాంతర బాలిస్టిక్ క్షిపణి (ICBM)తో సహా విన్యాసాలు చేపట్టింది. ఉత్తర కొరియా దూకుడుకు కళ్లెం వేయడానికి వైమానిక విన్యాసాలను కొనసాగించాలని యునైటెడ్ స్టేట్స్, దక్షిణ కొరియాలు నిర్ణయానికి వచ్చాయి.

Related Articles

Back to top button