News

new it rules for dating apps, New IT Rules: డేటింగ్ యాప్స్, మ్యాట్రిమోనియల్ సైట్లకు కొత్త రూల్స్.. అలా చేస్తే ఇక తొక్కతీస్తారు! – new it rules for dating apps matrimonial sites and ecommerce sites


New IT Rules: టెక్నాలజీ పెరుగుతున్నా కొద్ది ప్రతీది ఆన్‌లైన్‌గా మారింది. షాపింగ్ నుంచి డేటింగ్ వరకు ప్రతి ఒక్కటి కూడా ప్రస్తుతం ఆన్‌లైన్ బాట పట్టింది. దీంతో ఆన్‌లైన్‌ ద్వారా సమస్యల బారిన పడుతున్న వారి సంఖ్య కూడా పెరుగుతోంది. కుప్పలు తెప్పలుగా ఫిర్యాదులు వెల్లువెత్తుతున్నాయి. ముఖ్యంగా మ్యాట్రిమోనియల్ సైట్లపై, డేటింగ్ యాప్స్‌పై ఫిర్యాదులు పెరుగుతున్నాయి. పెరుగుతున్న ఫిర్యాదులను దృష్టిలో పెట్టుకుని కేంద్ర ప్రభుత్వం ఇన్‌ఫర్మేషన్ టెక్నాలజీ(ఇంటర్‌మీడియరీ గైడ్‌లైన్స్ అండ్ డిజిటల్ మీడియా ఎథిక్స్ కోడ్) సవరణ నిబంధనలు, 2022ను శుక్రవారం నోటిఫై చేసింది.

సోషల్ మీడియా ప్లాట్‌ఫామ్స్ ట్విటర్, ఫేస్‌బుక్, యూట్యూబ్, ఇన్‌స్టాగ్రామ్ వంటి సోషల్ మీడియా ప్లాట్‌ఫామ్‌లు ఈ కొత్త ఐటీ నిబంధనలకు(New IT Rules) తప్పనిసరిగా కట్టుబడి ఉండాలి. రాజ్యాంగం ప్రకారం ఈ నిబంధనలకు కట్టుబడి ఉండటం తప్పనిసరి. కేవలం సోషల్ మీడియా ప్లాట్‌ఫామ్‌లు మాత్రమే కాక.. ఈ నిబంధనలు మ్యాట్రిమోనియల్ సైట్లకు, డేటింగ్ యాప్‌లకు, ఈకామర్స్ వెబ్‌సైట్లకూ వర్తిస్తాయి.

మ్యాట్రిమోనియల్, డేటింగ్ యాప్‌లకు కొత్త ఐటీ నిబంధనలు..
ఈ యూజర్ ఫ్రెండ్లీ నిబంధనలు.. టిండర్, జస్ట్ డయల్.కామ్, బాంబర్, ఈకామర్స్ దిగ్గజాలు అమెజాన్, ఫ్లిప్‌కార్ట్ వంటి వాటికి కూడా వర్తిస్తాయని కేంద్ర ప్రభుత్వ వర్గాలు చెబుతున్నాయి. ఇప్పటి వరకు జరిగిన చర్చల్లో ఈ రూల్స్ ఫేస్‌బుక్, ట్విటర్, ఇన్‌స్టాగ్రామ్,యూట్యూబ్, సోషల్ మీడియా మెసేజింగ్ యాప్‌లకు మాత్రమేనని తెలిసింది. కానీ సవరించిన నిబంధనలు సోషల్ మీడియా కంపెనీలతో పాటు.. డేటింగ్, మ్యాట్రిమోనియల్, ఈకామర్స్, ఆన్‌లైన్ క్లాసిఫైడ్స్‌కు కూడా వర్తిస్తాయని ప్రభుత్వ వర్గాలు చెబుతున్నాయి.

Also Read : ఉవ్వెత్తున ఎగిసిన స్టాక్ మార్కెట్లు, రేసు గుర్రాల్లా పరిగెడుతున్న చిన్ని స్టాక్స్, ఇన్వెస్టర్ల జేబులు నింపుతున్న షేర్లివే!

డేటింగ్ సైట్లలో ఎవరైనా మహిళలకు చెందిన సమాచారాన్ని, ఫోన్ నెంబర్లను, పిక్చర్లను వారి అనుమతి లేకుండా పెడితే.. దాన్ని వేధింపులుగా పరిగణనలోకి తీసుకోనున్నారని తెలిపాయి. బాధితుల అభ్యర్థన మేరకు వారి ఫోటోలను తొలగించకపోయినా ఈ కొత్త నిబంధనల కింద చర్యలు ఎదుర్కోవాల్సి ఉంటుందని తెలిపాయి.

కొత్త రూల్స్ ప్రకారం.. ఈ విషయాలపై కంపెనీలకు చెందిన గ్రీవియెన్స్ అధికారులు వెంటనే స్పందించాలి. లేదంటే యూజర్లు ఈ విషయంపై గ్రీవియెన్స్ అప్పీలెట్ కమిటీలకు కంపెనీలను లాగే అవకాశం ఉంటుంది. అలాగే ఈకామర్స్ సైట్లు కూడా ఇటీవల అక్రమమైన ప్రొడక్టులను తమ వెబ్‌సైట్లపై విక్రయిస్తున్నట్టు తేలింది. ఈ విషయాల్లో కూడా ఐటీ రూల్స్ కింద ఆ ప్రొడక్టులను వెంటనే వెనక్కి తీసుకోవాలని యూజర్లు కంపెనీలను కోరవచ్చు. లేదంటే కంపెనీకి వ్యతిరేకంగా గ్రీవియెన్స్ అప్పీలెట్ కమిటీలకు వెళ్లొచ్చు.

Also Read :Gautam Adani: తిరుగులేని శక్తిగా గౌతమ్ అదానీ.. టార్గెట్ లక్ష కోట్ల డాలర్లు.. ఇక ఆపేదెవరు?

Related Articles

Back to top button