News

nellore python caught in net, చేపల కోసం వల విసిరిన మత్స్యకారులు.. బాగా బరువుగా, బయటకు తీసి చూస్తే ఆశ్చర్యం! – python caught in local fisherman net at nellore district


Authored by Thirumala Babu | Samayam TeluguUpdated: Aug 23, 2022, 11:49 AM

నెల్లూరు జిల్లాలో మత్స్యకారుల వలకు చిక్కిన కొండచిలువ. చేపల కోసం వల వేస్తే కొండచిలువ ప్రత్యక్షమైంది. అక్కడి నుంచి పరుగులు పెట్టిన మత్స్యకారులు.. ఆ తర్వాత అటవీశాఖ సిబ్బందికి సమాచారం ఇచ్చారు.

 

స్థానిక మత్స్యకారులు చేపల కోసం వల విసిరితే.. బాగా బరువుగా అనిపించింది. తమ వలలో భారీ చేప చిక్కిందోమోనని సంతోషించారు. ఇంతలో వల బయటకు లాగారు.. వలను తీసి చూసి అవాక్కయ్యారు. వలలో భారీ చేప పడింది అనుకుంటే.. భారీ కొండ చిలువ కనిపించింది. నెల్లూరు జిల్లాలో జరిగిన ఘటన కలకలంరేపింది.

బుచ్చిరెడ్డిపాళెం మండలం పల్లెపాలెంకు చెందిన కొందరు జాలర్లు దామరమడుగు–కళయకాగోల్లు గ్రామాల మధ్య పెన్నానది సమీపంలో ఉన్న గుంతలో చేపలు పట్టేందుకు వల విసిరారు. వలను బయటకు లాగుతుండగా.. బాగా బరువుగా అనిపించింది. వలను లాగే సమయంలో బరువుగా ఉండడంతో ఎక్కువ చేపలు పడ్డాయని ఆనందించారు. మరికొంతమంది మత్స్యకారుల సాయంతో వలను బయటకు తీశారు.

అలా వల బయటకు తీసి చూడగా.. అందులో భారీ కొండ చిలువ ప్రత్యక్షమైంది. మత్స్యకారులు భయంతో అక్కడి నుంచి పరుగులు తీశారు. దాదాపు 15 అడుగుల భారీ కొండ చిలువ చిక్కుకుంది. ఆ తర్వాత కొంత సమయానికి ధైర్యంగా అక్కడికి వెళ్లారు.. వారు అటవీశాఖ సిబ్బందికి సమాచారం అందిచారు. వెంటనే ఘటనా స్థలానికి చేరుకుని కొండచిలువను స్వాధీనం చేసుకున్నారు. అక్కడి నుంచి తీసుకెళ్లి ఆత్మకూరు పారెస్ట్‌ ఏరియాలో వదిలి పెట్టారు. గతేడాది వచ్చిన భారీ వరదలకు కొండల నుంచి వచ్చిన ఈ పాములు పెన్నా నది సమీపంలోని చేపల గుంతల్లో చేరి చేపలను తింటూ జీవిస్తున్నాయని అనుమానిస్తున్నారు. గతంలో కూడా ఇలాంటి తరహా ఘటనలు జరిగాయి.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Advertisement

Related Articles

Back to top button