nellore lorry driver, చుక్కలు చూపించిన టిప్పర్‌ డ్రైవర్‌.. మద్యం మత్తులో వీరంగం! – lorry driver drunk and drive and hit vehicles in nellore district

పోలీసులు, స్థానికులు తెలిపిన వివరాల మేరకు.. వెంకటాచలం మండలం ఇడిమేపల్లి గ్రామానికి చెందిన చల్లా కృష్ణ టిప్పర్‌ డ్రైవర్‌గా పని చేస్తున్నాడు. ఈ క్రమంలో టిప్పర్‌తో పొదలకూరు మీదుగా వింజమూరుకు బయల్దేరాడు. ఈ క్రమంలో పొదలకూరు మండలం అయ్యగారిపాలెం సమీపంలో ద్విచక్రవాహనదారుడిని ఢీకొట్టాడు.

అంతటితో ఆగకుండా తాటిపర్తి కలుజు సమీపంలో ఒక గేదెను, తాటిపర్తి బస్టాండులో ఒక ఆటోను వేగంగా ఢీకొట్టి దూసుకెళ్లాడు. దీంతో స్థానికులు టిప్పర్‌ను వెంబడించారు. ఈ క్రమంలో సంగం కనిగిరి రిజర్వాయర్‌ వద్ద డ్రైవర్ లారీ ఆపి కాల్వలోకి దూకి తప్పించుకునేందుకు ప్రయత్నించాడు. ఈ విషయం తెలుసుకున్న పోలీసులు.. సంఘటనా స్థలానికి చేరుకుని, గజ ఈతగాళ్ల సాయంతో నిందితుడిని అదుపులోకి తీసుకున్నారు. దీనిపై కేసు నమోదు చేసి దర్యాప్తు చేస్తున్నట్టు ఎస్సై కరీముల్లా తెలిపారు.