News

nara lokesh, Mangalagiri గురించి కీలక వ్యాఖ్యలు చేసిన నారా లోకేశ్.. అంతా వారే చూసుకోవాలట..! – nara lokesh made key comments about mangalagiri


Mangalagiri: తెలుగుదేశం పార్టీ యువనేత నారా లోకేశ్.. వచ్చే ఏడాది జనవరి 27 నుంచి పాదయాత్ర చేయనున్నారు. ఆయనే స్వయంగా ఈ విషయాన్ని ప్రకటించారు. మంగళగిరిలో కార్యకర్తలతో మాట్లాడిన సందర్బంగా లోకేశ్ పాదయాత్ర విషయాన్ని అధికారికంగా ప్రకటించారు. 400 రోజుల పాటు.. 4 వేల కిలోమీటర్ల పాదయాత్ర ఉంటుంది నారా లోకేశ్ (Nara Lokesh) వివరించారు. మంగళగిరి నియోజకవర్గంలో 4 రోజుల పాటు పాదయాత్ర ఉంటుందని స్పష్టం చేశారు. మంగళగిరి బాధ్యతలు కార్యకర్తలు తీసుకోవాలని సూచించారు.

కార్యకర్తలతో మాట్లాడుతున్న సందర్భంగా నారా లోకేశ్ కీలక వ్యాఖ్యలు చేశారు. 2024 ఎన్నికల్లో తాను మంగళగిరి నియోజకవర్గం నుంచే పోటీ చేస్తానని లోకేశ్ స్పష్టమైన సంకేతాలు ఇచ్చారు. అటు.. తనను ఓడించడానికి ముఖ్యమంత్రి జగన్ (Jagan) అన్ని ఆయుధాలను ఉపయోగిస్తారని వ్యాఖ్యానించారు. మంగళగిరి నియోజకవర్గాన్ని తెలుగుదేశం పార్టీకి కంచుకోటగా మార్చాలని కోరారు. ఇప్పటికే టీడీపీకి కంచుకోట అయ్యిందని తాను నమ్ముతున్నట్టు చెప్పారు. తాను రాష్ట్రమంతా తిరిగే అవసరం ఉంది కాబట్టి.. మంగళగిరి (Mangalagiri) బాధ్యతలను కార్యకర్తలే తీసుకోవాలని స్పష్టం చేశారు.

నారా చంద్రబాబునాయుడు ఎమ్మెల్యేగా ఉన్న చిత్తూరు జిల్లా కుప్పం నుంచి శ్రీకాకుళం జిల్లా ఇచ్ఛాపురం వరకు నారా లోకేశ్‌ పాదయాత్ర సాగనుంది. తన పాదయాత్రపై నేతలకు లోకేశ్ స్పష్టత ఇచ్చారు. 400 రోజుల ప్రజల్లోనే ఉండేలా లోకేశ్‌ ప్లాన్ చేసుకున్నారని తెలుగుదేశం (Telugudesam) నేతలు చెబుతున్నారు. లోకేశ్ పాదయాత్ర (Lokesh Padayatra)కు సిద్ధం కావడంతో దీనికి సంబంధించిన రూట్‌ మ్యాప్‌‌ను నేతలు సిద్ధం చేస్తున్నట్టు తెలుస్తోంది. వీలైనన్ని ఎక్కువ నియోజకవర్గాల్లో లోకేశ్ పాదయాత్ర సాగేలా నేతలు ప్లాన్ చేస్తున్నారు.

అన్ని వర్గాల ప్రజల సమస్యలు తెలుసుకోవడం తోపాటు.. పలు సభల్లోనూ నారా లోకేశ్ ప్రసంగించేలా ప్రణాళిక రూపొందిస్తున్నారు. అటు లోకేశ్‌ పాదయాత్ర చేపడతారని ఎప్పటినుంచో ప్రచారం జరుగుతోంది. ఎట్టకేలకు దీనిపై తుది నిర్ణయం తీసుకోవడంతో.. తెలుగు (TDP) తమ్ముళ్లు ఆనందం వ్యక్తం చేస్తున్నారు. 2019 ఎన్నికలకు ముందు జగన్ (Jagan) కూడా పాదయాత్ర చేశారు. 3వేల కిలోమీటర్లకు పైగా నడిచారు. ఆయన అధికారంలోకి రావడంలో పాదయాత్ర కీలక పార్త పోషించిందని చాలామంది విశ్లేషకులు వెల్లడించారు. ఈ నేపథ్యంలోనే లోకేశ్ కూడా పాదయాత్రకు సిద్ధం కావడం విశేషం.

లోకేశ్ పాదయాత్రతో తాము 2024లో అధికారంలోకి వస్తామని తెలుగుదేశం పార్టీ నేతలు చెబుతున్నారు. ఆయన పాదయాత్రతో పాటు.. వివిధ కార్యక్రమాలతో చంద్రబాబు (Chandra Babu) నిత్యం ప్రజల్లో ఉండేలా ప్లాన్ చేస్తున్నట్టు తెలుస్తోంది. అధికారమే లక్ష్యంగా టీడీపీ పావులు కదుపుతోందనే చర్చ జరుగుతోంది.
Read Latest Andhra Pradesh News and Telugu News

Related Articles

Back to top button