News

nandamuri balakrishna, Unstoppable NBK 2 : ప‌వ‌న్ క‌ళ్యాణ్‌ను ప్రశ్నించనున్న బాల‌కృష్ణ‌.. ఆ కిక్కే వేరప్పా! – nandamuri balakrishna questioning pawan kalyan in unstoppable nbk 2


ఇటు నంద‌మూరి ఫ్యాన్స్‌ (Nandamuri Fans).. అటు మెగా ఫ్యాన్స్ (Mega Fans) RRR సినిమా స‌మ‌యంలో బాగా ఎంజాయ్ చేశారు. త‌మ అభిమాన హీరోలు రామ్ చ‌ర‌ణ్‌ (Ram Charan), ఎన్టీఆర్‌ (Jr Ntr)ల‌ను వెండితెర‌పై చూసుకుని మురిసిపోయారు. ఇప్పుడు మ‌రోసారి అంత‌కు మించిన కిక్‌ను ఎంజాయ్ చేయ‌బోతున్నార‌ట‌. ఏంటా విష‌యం అంటే.. నంద‌మూరి బాల‌కృష్ణ‌ (Nandamuri Balakrishna), ప‌వ‌ర్ స్టార్ పవన్ క‌ళ్యాణ్ (Pawan Kalyan) క‌లిసి ఓ వేదిక‌పై క‌నిపించ‌బోతున్నారు. వీరిద్ద‌రూ ఒకే వేదిక‌పై ఎప్పుడు క‌నిపించలేదు. అలాంటిది ఇద్దరూ క‌నిపించి, ఒక‌రు ప్ర‌శ్న‌లు వేయ‌టం, మ‌రొక‌రు స‌మాధానాలు చెప్ప‌టం చేస్తే ఇంకెలా ఉంటుంది. ఆ కిక్కే వేర‌ప్పా అనేలా ఉంటుంది. త్వ‌ర‌లోనే అభిమానుల కోరిక తీరుతుంద‌ని సినీ స‌ర్కిల్స్‌లో వార్త‌లు వినిపిస్తున్నాయి.

వివ‌రాల్లోకి వెళితే, నంద‌మూరి బాల‌కృష్ణ హోస్ట్ చేస్తోన్న ప్రోగ్రామ్ అన్‌స్టాప‌బుల్ విత్ ఎన్‌బీకే (Unstoppable NBK). తెలుగు డిజిటల్ మాధ్య‌మం ఆహాలో ఇప్ప‌టికే ఈ టాక్ షో తొలి సీజ‌న్‌ను పూర్తి చేసుకుంది. అగ్ర హీరోలంద‌రూ ఈ షోలో పాల్గొన్నారు. రొటీన్‌కు భిన్నంగా బాల‌కృష్ణ ఈ షోలో అతిథుల‌ను ప్ర‌శ్న‌లు వేశారు. వారు స‌మాధానాలు చెప్పారు. ఈ సీజ‌న్ 1 షో నెంబ‌ర్ వ‌న్ స్థానంలో నిలిచింది. దీంతో సీజన్ ఎప్పుడా అని అభిమానులు, ప్రేక్ష‌కులు ఎదురు చూస్తున్నారు. ఆ ఎదురు చూపుల‌కు త‌గిన‌ట్లే త్వ‌ర‌లోనే అన్‌స్టాప‌బుల్ ఎన్‌బీకే సీజ‌న్‌ 2 (Unstoppable with NBK 2)ను నిర్వాహ‌కులు ప్రారంభించ‌బోతున్నార‌ట‌.

సీజ‌న్ 1 కంటే సీజ‌న్ 2ను ఇంకా గొప్ప‌గా ఉండేలా నిర్వాహ‌కులు ప్లాన్ చేస్తున్నార‌ట‌. అందులో భాగంగా ఈసారి ప‌వ‌న్ క‌ళ్యాణ్‌, డైరెక్ట‌ర్ త్రివిక్ర‌మ్.. అతిథులుగా రాబోతున్నార‌ని స‌మాచారం. వారిని నంద‌మూరి స్టార్ హీరో ప్ర‌శ్న‌లు వేయ‌బోతున్నారని వార్త‌లు వినిపిస్తున్నాయి. నిజంగా ఇదే జ‌రిగితే మాత్రం మెగా ఫ్యాన్స్‌, నంద‌మూరి ఫ్యాన్స్‌కు క‌న్నుల పండుగ‌గా ఉంటుంద‌న‌డంలో సందేహం లేదు.

Related Articles

Back to top button