News

naga babu konidela, మీ థానోస్ రెడ్డికి దమ్ముంటే రమ్మనండి, చుస్కుందాం.. నాగబాబు సవాల్ – janasena leader nagababu open challenge to cm ys jagan mohan reddy


జనసేన పార్టీకి 175 సీట్లలో పోటీ చేసే దమ్ముందా? అంటూ అధికార వైఎస్సార్ కాంగ్రెస్ పార్టీ నాయకులు చేసిన వ్యాఖ్యలపై జనసేన పార్టీ రాజకీయ వ్యవహారాల కమిటీ సభ్యుడు నాగబాబు ఘాటుగా స్పందించారు. వైసీపీలో ఉంటూ పవన్ కల్యాణ్‌పై రకరకాలుగా వాగే కేతిగాళ్లకు, జుట్టు పోలిగాళ్లకు, అల్లాటప్పా గోంగూరమ్మలకు తాను రెండు చిన్న సవాళ్లు విసురుతున్నానని పేర్కొన్నారు. ఈ మేరకు నాగబాబు మంగళవారం ఓ సోషల్ మీడియాలో ఓ వీడియో విడుదల చేశారు.

‘‘కేతిగాళ్లు, జుట్టు పోలిగాళ్లు, అల్లాటప్పా గోంగూరమ్మలు అన్నానని తప్పుగా భావించొద్దు. ఈ పాత్రలను మన కళారూపాల్లో ఒకటైన తోలుబొమ్మలాట నుంచి తీసుకున్నాను. వైసీపీలో ఉన్న చాలామంది ఎమ్మెల్యేలకు, మంత్రులకు, నేతలకు వెన్నెముకలు లేవు కాబట్టి ఆ పార్టీ తోలుబొమ్మలాట పార్టీయే కదా… అందుకే అలా అన్నాను. అయితే, ఒకవేళ వైసీపీలో ఎవరైనా మంచి నాయకులు ఉంటే వారికి ఈ మాటలు వర్తించవు.

ఇక చాలెంజ్‌ల విషయానికొస్తే.. ముందస్తు ఎన్నికలకు రాకుండా ఐదేళ్ల పాటు పాలించే దమ్ము మీ వైసీపీకి ఉందా? ఐదేళ్ల కంటే ముందే ఎన్నికలకు రాబోమని, షెడ్యూల్ ప్రకారమే ఎన్నికలకు వెళతామని మీ నాయకుడితో చెప్పించగలరా? ఆ విధంగా చెప్పే దమ్ము మీ నాయకుడికి ఉందా?

రెండో చాలెంజ్ ఏంటంటే.. మీ నవరత్నాల థానోస్ రెడ్డికి దమ్ముంటే మా నాయకుడు పవన్ కళ్యాణ్‌తో చర్చకు రమ్మనండి చూద్దాం. మా పేరు పలకడం అతడికి ఇష్టం లేదు కాబట్టి, మేం కూడా అతడి పేరు పలకదలుచుకోలేదు. ఈ విషయం రెండు వైపులకు వర్తిస్తుంది. మేం ప్రతిపాదించిన ఓపెన్ డిబేట్‌కు మీ థానోస్ రెడ్డి వస్తాడా? వైసీపీ పాలనపై జనసేన పార్టీ అధినేత పవన్ కళ్యాణ్‌తో చర్చిస్తాడా? ఈ చర్చకు మేం మా నాయకుడ్ని ఒప్పిస్తాం.. మీరు మీ నాయకుడిని ఒప్పించగలరా?’’ అంటూ వైసీపీ నేతలకు నాగబాబు సవాల్ విసిరారు.

Related Articles

Back to top button