News

naatu naatu song, RRR ‘నాటు నాటు’ పాట కోసం 80 స్టెప్ట్స్.. కానీ ఒకే అయ్యింది ఒక్కటే! – ss rajamouli share intresting story behind naatu naatu song


ఎస్‌ఎస్ రాజమౌళి (SS Rajamouli) దర్శకత్వం వహించిన ఆర్ఆర్ఆర్ (RRR) సినిమాలోని ‘నాటు నాటు’ పాట (Naatu Naatu song)ని ప్రతిష్ఠాత్మక గోల్డెన్ గ్లోబ్ అవార్డు వరించింది. కాలిఫోర్నియాలోని ది బెవర్లీ హిల్టన్ వేదికగా జరిగిన గోల్డెన్ గ్లోబ్ (Golden Globe Award) అవార్స్ ప్రదానోత్సవ కార్యక్రమంలో బెస్ట్ ఒరిజినల్ సాంగ్ విభాగంలో ఈ పాటకి అవార్డు దక్కగా.. మ్యూజిక్ డైరెక్టర్ కీరవాణి ఆ అవార్డుని అందుకున్నారు. ఈ కార్యక్రమానికి రాజమౌళి, కీరవాణి, ఎన్టీఆర్, రామ్ చరణ్ సతీసమేతంగా హాజరయ్యారు. అలానే కాల భైరవ, ప్రొడ్యూసర్ కూడా వెళ్లారు.

నాటు నాటు పాట ఇంత బాగా రావడానికి ఆర్ఆర్ఆర్ టీమ్ చాలా కష్టపడింది. షూటింగ్ ఎక్కడ చేశారు? కొరియోగ్రాఫర్ రక్షిత్ ఎన్ని స్టెప్‌లు కంపోజ్ చేశారు? హీరోలు ఎన్టీఆర్, రామ్ చరణ్ ఎన్ని టేకులు తీసుకున్నారు? తదితర విషయాల్ని దర్శకుడు రాజమౌళి గతంలో ఓ ఇంటర్వ్యూ సందర్భంగా వెల్లడించారు. తాజాగా ఈ నాటు నాటు పాటకి అంతర్జాతీయ గుర్తింపు రావడంతో ఆ ఇంటర్వ్యూ సోషల్ మీడియాలో వైరల్‌గా మారింది.

‘ఆర్ఆర్ఆర్‌ మూవీలో ఓ మాస్‌ పాటని తీయాలని అనుకున్నాం. జూనియర్ ఎన్టీఆర్, రామ్ చరణ్ డ్యాన్స్ చేయబోయే ఆ పాట మిగిలిన పాటల కంటే డిఫరెంట్‌గా ఉండాలని ముందే అనుకున్నాం. ఈ క్రమంలో ఉక్రెయిన్‌లో ఆ పాటని షూట్ చేశాం. అప్పటికి ఉక్రెయిన్‌లో యుద్ధ ఛాయలు లేవు. ఆ సాంగ్ వెనుక కనిపించే ఫ్యాలెస్‌ గ్రాఫిక్స్ కాదు. అది ఎవరిదంటే? ఉక్రెయిన్‌ అధ్యక్షుడిది. మీరు బాగా గమనిస్తే.. ఆ బిల్డింగ్ పక్కనే పార్లమెంట్ కూడా కనిపిస్తుంది. ఉక్రెయిన్ ప్రెసిడెంట్ కూడా ఒకప్పటి ఆర్టిస్ట్ కావడంతో షూటింగ్‌కి అనుమతి ఇచ్చారు’ అని రాజమౌళి గుర్తు చేసుకున్నారు.

వాస్తవానికి ఈ పాట కోసం కొరియోగ్రాఫర్ రక్షిత్ టీమ్ ఏకంగా 80 వేరియేషన్స్‌ స్టెప్స్‌ని రికార్డ్ చేసిందట. అన్నింటినీ చూసిన రాజమౌళి అండ్ టీమ్ చివరికి ఒక స్టెప్‌‌ని ఓకే చేసింది. అదే ఎన్టీఆర్, రామ్ చరణ్ ఒకరి భుజాలపై మరొకరు చేతులు వేసుకుని వేసే స్టెప్. ఈ ఇద్దరూ పాట బాగా రావడానికి 18 టేకులు తీసుకున్నారట. ఎన్టీఆర్, రామ్ చరణ్ డ్యాన్స్ చేస్తుంటే వచ్చే దుమ్ము కోసం కూడా రాజమౌళి కొన్ని టేకులు తీసుకున్నట్లు చిత్ర బృందం గత ఏడాది ఒక సందర్భంలో గుర్తు చేసుకుంది.

Related Articles

Back to top button