News

muslim minister visits temple, Nitish Kumar: ముస్లిం మంత్రితో గుడికి వెళ్లిన సీఎం.. గంగాజలంతో శుద్ధి చేసిన నిర్వాహకులు – temple premises purified with gangajal after muslim minister visits with cm nitish kumar


సీఎం నితిష్ కుమార్‌తో (Nitish Kumar) కలసి బీహార్ ఐటీ మంత్రి మహ్మద్ ఇస్రాయిల్ మన్సూరీ విష్ణుపాద్ ఆలయ ఆలయాన్ని సందర్శించడం వివాదాస్పదం అయింది. మహ్మద్ ఇస్రాయిల్ మన్సూరీ మాత్రం తాను ముఖ్యమంత్రితో కలసి ఆలయంలోని గర్భగుడిలోకి వెళ్లడం చాలా ఆనందంగా ఉందన్నారు. ఆయన ఆలయంలోకి వెళ్లడంపై బీజేపీ నాయకులు మాత్రం విరుచుకుపడుతున్నారు. ఈ సందర్భంగా నితీష్ కుమార్‌కు ధైర్యం ఉంటే మక్కా, మదీనాలకు వెళ్లాలని రాష్ట్ర బీజేపీ అధ్యక్షుడు సంజయ్ జైస్వాల్ సవాల్ విసిరారు.

“విష్ణుపాద ఆలయంలోని గర్భ గుడిలోకి ముస్లిం మంత్రిని తీసుకెళ్లి హిందువుల మనోభావాలను సీఎం నితీశ్ కుమార్ దెబ్బతీశారు. ఆయనకు ధైర్యం ఉంటే మక్కా, మదీనాలకు వెళ్లాలి. అతను జామా మసీదులోకి ప్రవేశించగలరా..? హిందువుల మనోభావాలను దెబ్బతీసేందుకు ఉద్దేశపూర్వకంగానే మన్సూరిని ఆలయంలోకి తీసుకెళ్లారు.” అని సంజయ్ జైస్వాల్ ఆరోపించారు.

ఈ వ్యవహారంపై హోంశాఖ సహాయ మంత్రి నిత్యానంద్ రాయ్ కూడా తీవ్రంగా విమర్శించారు. ఉప ముఖ్యమంత్రి తేజస్వి యాదవ్‌ను టార్గెట్ చేస్తూ “నితీష్ కుమార్ ఉద్దేశపూర్వకంగా ఒక ముస్లిం మంత్రిని RJD కోటా కింద తీసుకెళ్లారు. విష్ణుపాద దేవాలయంలోకి ప్రవేశించి హిందూ సమాజం మనోభావాలను దెబ్బతీశారు.” అని అన్నారు.

మంత్రి నిత్యానంద్ రాయ్ అన్న మాటలను ఆర్జేడీ నేతలు తీవ్రంగా ఖండించారు. ఆయన అత్యున్నత పదవిలో ఉన్నప్పటికీ, అభ్యంతరకరమైన పదాలతో అవమానించడం సరికాదన్నారు. ఏ వర్గానికి చెందిన వారైనా ఎక్కడికైనా వెళ్లేందుకు వీలు కల్పించే రాజ్యాంగం ఆధారంగానే దేశం నడుస్తోందని అన్నారు. బీజేపీకి ఎలాంటి సమస్య లేదని, అందుకే ఆ పార్టీ నేతలు తమ దృష్టిని ఆకర్షించేందుకు కేకలు వేస్తున్నారని రాష్ట్ర మంత్రి జమా ఖాన్ అన్నారు. అలాగే సీఎం నితీష్ కుమార్ దేశంలో లౌకికవాదాన్ని సమర్థించే నాయకుడని, ప్రతి మతాన్ని గౌరవిస్తారని, బీజేపీ రాజకీయాలు చేస్తోందని జేనడీయూ రాష్ట్ర అధ్యక్షుడు ఉమేష్ కుష్వాహ అన్నారు.

గంగాజలంతో శుద్ధి…
మరోవైపు మన్సూరి ఆలయంలోకి ప్రవేశించడంపై విష్ణుపాద్ ఆలయ అధికారులు తీవ్ర అభ్యంతరం వ్యక్తం చేశారు. ఆలయ ప్రాంగణంలోనికి హిందూయేతరులను అనుమతించరాదని శాసనం ఉందన్నారు. ఈ సందర్భంగా ఆలయ నిర్వహణ కమిటీ చీఫ్ శంభు లాల్ విఠల్ మాట్లాడుతూ సోమవారం మన్సూరి ఆలయంలోకి ప్రవేశించినప్పుడు అతని మతం గురించి మాకు తెలియదని, అతనితో పాటు వచ్చిన వారికి గుడిలోకి ప్రవేశించకుండా నిరోధించాల్సిన బాధ్యత ఉందని అన్నారు. ముస్లిం వ్యక్తి ప్రవేశించడంపై వివాదం రాజుకున్నందుకు, తాము ఆలయ ప్రాంగణాన్ని గర్భగుడిని గంగాజలంతో కడిగి శుద్ధి చేశామని అన్నారు.

Related Articles

Back to top button