News

munugode bypoll, Munugode Polling: ఓటు వేసే అవకాశం చేజార్చుకున్న కోమటిరెడ్డి రాజగోపాల్ రెడ్డి.. కారణం ఏంటంటే..? – bjp candidate rajagopal reddy could not vote in munugode by elections


Munugode Polling: తెలంగాణలో రక్తికట్టిస్తోన్న మునుగోడు ఉపఎన్నికకు పోలింగ్ ప్రశాంతంగా జరుగుతోంది. ఓటు వేసేందుకు ఉదయం నుంచి ఓటర్లు పోలింగ్ కేంద్రాలకు తరలివస్తున్నారు. పలుచోట్ల ఈవీఎంలు సమస్యలు తలెత్తగా.. వెంటనే పోలింగ్ సిబ్బంది సరిచేశారు. ఈవీఎంలలో చిన్న సమస్యలు, అక్కడక్కడ బీజేపీ, టీఆర్ఎస్ వర్గాల మధ్య స్వల్ప ఘర్షణలు మినహా.. ప్రస్తుతం మునుగోడు ఉపఎన్నిక ప్రశాంతంగా జరుగుతోంది. పోలింగ్ కేంద్రాల వద్ద పోలీసులు మూడంచెల భద్రత ఏర్పాటు చేయగా.. వెబ్ కాస్టింగ్ ద్వారా పోలిగ్ సరళిని ఎప్పటికప్పుడు అధికారులు పర్యవేక్షిస్తున్నారు.

మునుగోడు ఉపఎన్నికలో టీఆర్ఎస్ అభ్యర్థి కూసుకుంట్ల ప్రభాకర్ రెడ్డి, కాంగ్రెస్ అభ్యర్థి పాల్వాయి స్రవంతి ఉదయమే తమ ఓటు హక్కును వినియోగించుకున్నారు. కానీ బీజేపీ అభ్యర్థి రాజగోపాల్ రెడ్డి మాత్రం ఓటు వేయకపోవడం చర్చనీయాంశంగా మారింది. మునుగోడు ఉపఎన్నికలో పోటీలోకి దిగిన రాజగోపాల్ రెడ్డి… తన ఓటు హక్కును ఆ సెగ్మెంట్‌లో వినియోగించుకోలేకపోతున్నారు. మునుగోడు నియోజకవర్గంలో రాజగోపాల్ రెడ్డికి ఓటు హక్కు లేకపోవడంతో.. ప్రతిష్టాత్మకంగా జరుగుతోన్న ఈ ఉపఎన్నికలో ఆయన ఓటు వేయలేకపోతున్నారు.దీంతో తనను తాను ఓటు వేసుకోలేని పరిస్థితులో ఆయన ఉన్నారని చెబుతున్నారు.

రాజగోపాల్ రెడ్డికి నకిరేకల్ నియోజకవర్గంలోని నార్కట్‌పల్లి మండలం బ్రాహ్మణవెల్లెంలలో ఓటు ఉంది. ఈ కారణంతో ఆయనకు అక్కడ మాత్రమే ఓటు వేసే హక్కు మాత్రమే ఉంటుంది. ఆ నియోజకవర్గం నుంచి మునుగోడు నియోజకర్గంలోని తన ఓటుహక్కును రాజగోపాల్ రెడ్డి మార్చుకోలేదని తెలుస్తోంది. ఇటీవల చాలామంది ఓటర్లు తమ ఓటుహక్కును మునుగోడు నియోజకవర్గానికి మార్చుకున్నారు. కానీ రాజగోపాల్ రెడ్డి మాత్రం ఇంకా మార్చుకోకపోవడంతో.. మునుగోడు ఉపఎన్నికలో ఓటు వేసే అవకాశాన్ని ఆయన కోల్పోయినట్లు అయింది.

కాంగ్రెస్ అభ్యర్థి పాల్వాయి స్రవంతి చండూరు మండంలోని ఇడికూడలో ఏర్పాటు చేసిన 171 పోలింగ్ బూత్‌లో తన ఓటుహక్కును వినియోగించుకున్నారు. ఇక టీఆర్ఎస్ అభ్యర్థి కూసుకుంట్ల ప్రభాకర్ రెడ్డి నారాయపురం మండలంలోని లింగవారిగూడెంలో ఓటు వేశారు. తన సతీమణితో కలిసి వచ్చి ఆయన ఓటుహక్కును వినియోగించుకున్నారు. బీజేపీ అభ్యర్థి రాజగోపాల్ రెడ్డికి ఇక్కడ ఓటుహక్కు లేకపోవడంతో.. కీలకమైన మునుగోడు ఉపఎన్నికలో ఓటు వేసే అవకాశం ఆయనకు లేకుండా పోయిందని చెప్పవచ్చు.

Related Articles

Back to top button