News

munugode, ప్రియాంక గాంధీకి కొన్ని సలహాలు ఇచ్చాను: కోమటిరెడ్డి వెంకట్ రెడ్డి – komatireddy venkat reddy met priyanka gandhi


Komatireddy Venkat Reddy: తెలంగాణ కాంగ్రెస్ ముఖ్యనేత.. ఎంపీ కోమటిరెడ్డి వెంకట్ రెడ్డి ఢిల్లీలో ప్రియాంక గాంధీని కలిశారు. తెలంగాణలో పార్టీని ఎలా పటిష్టం చేయాలనే అంశంపై ప్రియాంకతో చర్చించారు. ప్రయాంకతో జరిగిన చర్చలో.. తాను కొన్ని సలహాలు ఇచ్చానని ఎంపీ కోమటిరెడ్డి వెల్లడించారు.

 

కోమటిరెడ్డి వెంకట్ రెడ్డి

ప్రధానాంశాలు:

  • ప్రియాంక గాంధీతో కోమటిరెడ్డి వెంకట్ రెడ్డి భేటీ
  • తెలంగాణలో కాంగ్రెస్ పార్టీ బలోపేతంపై చర్చ
  • ప్రియాంక గాంధీకి సూచనలిచ్చిన వెంకట్ రెడ్డి
Komatireddy Venkat Reddy: అందరూ కలిసి పనిచేయాలని ప్రియాంక గాంధీ సూచించారని.. భువనగిరి ఎంపీ కోమటిరెడ్డి వెంకట్ రెడ్డి చెప్పారు. ఢిల్లీలో ప్రియాంక గాంధీతో భేటీ అయిన వెంకట్ రెడ్డి.. తెలంగాణలో పార్టీని ఎలా పటిష్టం చేయాలనే అంశంపై చర్చించారు. మొన్న ఓ ఫంక్షన్ ఉన్న కారణంగా.. తాను సమావేశానికి రాలేకపోయానని ప్రియాంకతో చెప్పారు. అందుకే ప్రియాంక గాంధీ (Priyanka Gandhi) ప్రత్యేకంగా టైం ఇచ్చి తనను కలిసినట్టు ఆయన వెల్లడించారు.

ప్రియాంక గాంధీతో చాలా విషయాలపై సుదీర్ఘంగా చర్చించినట్టు.. ఎంపీ వెంకట్ రెడ్డి వెల్లడించారు. పార్టీ బలోపేతం గురించి తాను కొన్ని సలహాలు ఇచ్చానని వెల్లడించారు. ఏ సమస్య ఉన్న తన దగ్గరికి రావాలని ప్రియాంక సూచించినట్టు చెప్పారు. ఒక 10 రోజులు తాను అందుబాటులో ఉండనని.. వచ్చాక పూర్తిస్థాయిలో అందుబాటులో ఉంటానని చెప్పినట్టు వెల్లడించారు. భారత్ జోడో యాత్ర (Bharat Jodo Yatra) సహా.. రాష్ట్ర పరిస్థితుల గురించి అర్థవంతంగా చర్చ జరిగిందని వెంకట్ రెడ్డి వ్యాఖ్యానించారు.

మొన్న రేవంత్ సహా.. కీలక నేతలతో ప్రియాంక గాంధీ సమావేశమయ్యారు. అయితే.. అప్పుడు ఢిల్లీలోనే ఉండి.. తీరా భేటీ సమయానికి వెంకట్ రెడ్డి హైదరాబాద్ వచ్చారు. ఈ వ్యవహారం చర్చనీయాంశమైంది. ఈ నేపథ్యంలో ఆయన ప్రత్యేకంగా వెళ్లి ప్రియాంక గాంధీతో భేటీ అయ్యారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Related Articles

Back to top button