Mokila Plots Auction,మోకిలా భూముల వేలంలో ట్విస్ట్.. డబ్బులు కట్టని 10 మంది బిడ్డర్లు.. ప్లాట్లు రద్దు..! – hmda cancelled mokila plots of 10 bidders who are not paid first installment

మోకిల ఫేజ్-1 వేలంలో 50 ప్లాట్లల్లో 241, 242, 263, 273, 282, 283, 284, 312, 313, 323 నంబర్ ప్లాట్లను కొన్న కంపెనీలకు హెచ్ఎండీఏ క్యాన్సిలేషన్ లెటర్లు జారీ చేసింది. వాళ్ల ప్లాట్లను రద్దు చేయటమే కాకుండా.. ఈ కంపెనీలు భవిష్యత్తులో హెచ్ఎండీఏ నిర్వహించే వేలంలో పాల్గొనకుండా బ్లాక్ లిస్టులో కూడా పెట్టింది. ఇచ్చిన గడువులోగా మొత్తం ప్లాట్ అమౌంట్లో 25 శాతం చెల్లించనందునే ఈ చర్యలు చేపట్టినట్లు హెచ్ఎండీఏ ఓ ప్రకటనలో స్పష్టం చేసింది. నిబంధనల ప్రకారం ఇప్పటికే కట్టిన అమౌంటును కూడా జప్తు చేస్తున్నట్లు హెచ్ఎండీఏ తెలిపింది. మిగతా కంపెనీలు, వ్యక్తులు కూడా ఫస్ట్ ఇన్‌స్టాల్‌మెంట్ అమౌంటును వెంటనే కట్టాలని హెచ్చరించింది. గడువు పొడిగించడం, మినహాయింపులివ్వడం లాంటివి జరగవని.. కట్టని వారిని బ్లాక్ లిస్టులో పెట్టి భవిష్యత్తులో వేలంలో పాల్గొనకుండా చర్యలు తీసుకుంటామని హెచ్ఎండీఏ స్ట్రాంగ్ వార్నింగ్ ఇచ్చింది.

నగర శివార్లలోని భూములను అభివృద్ధి చేసిన HMDA.. ప్లాట్లను ఈ- వేలం వేస్తోంది. ఓఆర్ఆర్‌కు సమీపంలో ఉండటం.. ఎయిర్‌పోర్ట్‌తో కనెక్టివిటీ ఉండడం.. ప్రభుత్వమమే అన్ని సౌకర్యాలు కల్పిస్తుండడంతో ఈ భూములకు మాంచి డిమాండ్ ఏర్పడింది. మరోవైపు.. ప్రభుత్వమే క్లియరెన్స్ ఇస్తున్న ఈ ప్లాట్లకు ఎలాంటి చిక్కులు ఉండవన్న భావనతో చాలా మంది ఈ భూములు కొనేందుకు ఆసక్తి చూపిస్తున్నారు.

నాలో ఒక భాగం అక్కడే వదిలేసినట్టు అనిపిస్తోంది.. భువనేశ్వరి భావోద్వేగం