News

minister satyavathi rathod, Telangana: వాళ్లు అసలు తెలంగాణకు చెందిన వారే కాదు.. ఇక్కడి పథకాలు వర్తించవు.. మంత్రి సత్యవతి రాథోడ్ వివాదాస్పద వ్యాఖ్యలు – minister satyavati rathod controversial comments on guthikoya


Telangana రాష్ట్ర గిరిజన సంక్షేమ శాఖ మంత్రి సత్యవతి రాథోడ్ వివాదాస్పద వ్యాఖ్యలు చేశారు. గుత్తికోయలు తెలంగాణకు చెందిన వారే కాదని, రాష్ట్రంలో వారికి ఎలాంటి హక్కు లేదని వ్యాఖ్యానించారు. గుత్తికోయలు తెలంగాణకు చెందిన గిరిజనులు కాదని, ఛత్తీస్‌గఢ్ నుంచి బ్రతుకుదెరువు కోసం రాష్ట్రానికి వచ్చారని తెలిపారు. ఇక్కడి ప్రభుత్వ పథకాలకు గుత్తికోయలు అర్హులు కాదంటూ మంత్రి సత్యవతి రాథోడ్ కీలక వ్యాఖ్యలు చేశారు.

గుత్తికోయలు తెలంగాణ వాళ్లు కాకపోవడంతో వాళ్లకి పోడు భూముల పట్టాలు వర్తించవని సత్యవతి రాథోడ్ తెలిపారు. తెలంగాణలోని రిజర్వేషన్లు కూడా వారికి వర్తించవని స్పష్టం చేశారు. పోడు భూముల కోసం గుత్తికోయలు చేస్తున్న పోరాటంపై మంత్రి స్పందించారు. పోడు భూముల పట్టాలకు వారికి ఎలాంటి అనుమతి లేదన్నారు. అటవీ రేంజ్ అధికారి శ్రీనివాసరావుపై దాడిని మంత్రి ఖండించారు. అధికారులపై దాడులు చేస్తే సహించేది లేదని, చర్యలు తీసుకుంటామని తెలిపారు.

గుత్తికోయలపై టీపీసీసీ చీఫ్ రేవంత్ రెడ్డి చేసిన వ్యాఖ్యలను సత్యవతి రాథోడ్ ఖండించారు. గుత్తికోయల వ్యవహారంపై రేవంత్ కు ఎలాంటి అవగాహన లేదని, ఆయనకు ఏమీ తెలియకుండా మాట్లాడుతున్నారని విమర్శించారు. గుత్తికోయల దాడితో మృతి చెందిన శ్రీనివాసరావు కుటుంబానికి ప్రభుత్వం అండగా ఉంటుందని సత్యవతి రాథోడ్ హామీ ఇచ్చారు. రాష్ట్రంలో గుత్తికోయలకు హక్కు లేదని సత్యవతి రాథోడ్ చేసిన వ్యాఖ్యలపై పలువురు మండిపడుతున్నారు. వలస వచ్చిన సత్యవతి రాథోడ్‌కు గుత్తికోయలను తరిమేసే హక్కు ఉందా? అని ప్రశ్నిస్తున్నారు.

శ్రీనివాసరావు హత్యతో తెలంగాణ ప్రభుత్వం అలర్ట్ అయింది. గుత్తికోయలు నివసిస్తున్న ప్రాంతాల్లో అధికారులు తనిఖీలు చేపట్టారు. వారి వద్ద నుంచి మారణాయుధాలను స్వాధీనం చేసుకున్నారు. ఇప్పటికే శ్రీనివాసరావుపై దాడి చేసిన గుత్తికోయలను పోలీసులు అరెస్ట్ చేశారు. అయితే తమకు ఆయుధాలు ఇవ్వాలని, అప్పటివరకు విధులు వెళ్లలేమంటూ ఫారెస్ట్ అధికారులు చెబుతున్నారు. దీంతో పోడు భూముల సర్వేకు బ్రేక్ పడింది. ప్రభుత్వం ఫారెస్ట్ అధికారుల సమస్యలను పరిష్కరించేందుకు చర్చలు జరుపుతోంది.

భద్రాద్రి కొత్తగూడెం జిల్లాలోని చంద్రుగొండ మండలంలో దట్టమైన అడవిలో ఎర్రబోడు అనే చిన్న గ్రామం ఉంటుంది. దాదాపు ఇక్కడ 30 గుత్తికోయల కుటుంబాలు నివసిస్తూ ఉంటాయి. వీళ్లంతా ఛత్తీస్‌గఢ్ నుంచి వచ్చి ఇక్కడ స్థిరపడినట్లు తెలుస్తోంది. ఇక్కడ పోడు భూముల్లో వ్యవసాయం చేసుకుంటూ జీవనం కొనసాగిస్తున్నారు. ఇటీవల ఈ గ్రామంలో అటవీశాఖ అధికారులు నాటిన మొక్కలను తొలగించేందుకు సాగుదారులు ప్రయత్నించడం, దానికి అడ్డుకోవడానికి వచ్చిన అధికారిపై కత్తులతో దాడి చేసి హత్య చేయడం కలకలం రేపుతోంది.

Read More Telangana News And Telugu News

Related Articles

Back to top button