News

minister appalaraju, పవన్ కళ్యాణ్ ఓ వెర్రిబాగులోడు.. మంత్రి అప్పలరాజు తీవ్ర వ్యాఖ్యలు – minister seediri appalaraju serious comments on janasena chief pawan kalyan


జనసేన పార్టీ అధినేత పవన్‌ కళ్యాణ్‌పై మంత్రి సీదిరి అప్పలరాజు మరోసారి తీవ్ర వ్యాఖ్యలు చేశారు. పవన్ కళ్యాణ్ ఓ వెర్రిబాగులోడు అంటూ సంచలన కామెంట్స్ చేశారు. ఈ మేరకు మంగళవారం మంత్రి అప్పలరాజు మీడియాతో మాట్లాడుతూ.. పవన్‌ కళ్యాణ్‌ కేవలం రేటు తీసుకున్న యాక్టర్ మాత్రమేనని వ్యాఖ్యానించారు. నారా లోకేష్ యువగళం, పవన్ యువశక్తి అని పేర్లు పెట్టారంటే.. కథ, స్క్రీన్‌ ప్లే అంతా తెలుగుదేశం పార్టీ కార్యాలయంలోనే సిద్ధం అవుతుందని ఎద్దేవా చేశారు.

టీడీపీ అధినేత చంద్రబాబునాయుడుతో పవన్‌ కళ్యాణ్ భేటీ కావడం వెనుక ప్యాకేజీ మాటలే ఉంటాయి తప్ప, ప్రజా సమస్యలు వారికి పట్టవని మంత్రి అప్పలరాజు ఆరోపించారు. ఇక, జనసేన పార్టీ రాజకీయ వ్యవహారాల కమిటీ ఛైర్మన్ నాదెండ్ల మనోహర్ ఓ పనికిమాలిన‌ వ్యక్తి అని తీవ్ర వ్యాఖ్యలు చేశారు.

ముఖ్యమంత్రి వైఎస్ జగన్మోహన్ రెడ్డి సంకల్పం గురించి మాట్లాడేంత స్థాయి పవన్‌ కళ్యాణ్‌కు లేదని మంత్రి అప్పలరాజు అన్నారు. మత్స్యకారుల గురించి పవన్‌ కళ్యాణ్, నాదెండ్ల మనోహర్‌కు అసలు అవగాహనే లేదని ఎద్దేవా చేశారు. చంద్రబాబు హయాంలో ఎప్పుడూ వీరికి పరిహారం అందలేని.. మత్స్యకారులు, కిడ్నీ రోగులకు అన్ని విధాలా తమ ప్రభుత్వం అండగా ఉంటుందన్నారు.

Related Articles

Back to top button