News

minister appalaraju, పవన్ కళ్యాణ్‌కు డబ్బు పిచ్చి పట్టుకుంది: మంత్రి అప్పలరాజు – minister appalaraju serious comments on chandrababu naidu and pawan kalyan meeting


తెలుగు దేశం పార్టీ అధినేత చంద్రబాబునాయుడు, జనసేన అధ్యక్షుడు పవన్ కళ్యాణ్ భేటీపై మంత్రి సిదిరి అప్పలరాజు తీవ్ర విమర్శలు చేశారు. శ్రీకాకుళంలో జరిగే యువశక్తి సభ స్క్రిప్ట్ కోసం చంద్రబాబును పవన్ కళ్యాణ్ కలిశాడని ఎద్దేవా చేశారు. బీజేపీతో పొత్తులో ఉండి తన రేటు పెంచుకోవడానికే చంద్రబాబును పవన్ కలిశాడని మంత్రి అప్పలరాజు ఆరోపించారు. పవన్‌ కళ్యాణ్ తనను నమ్మిన వారిని నట్టేట ముంచేస్తున్నాడని.. ఆయనకు డబ్బు పిచ్చి పట్టుకుందని తీవ్ర వ్యాఖ్యలు చేశారు. చంద్రబాబు, పవన్ కళ్యాణ్ కలయికలో ఆశ్చర్యం ఏం లేదన్నారు.

సింగిల్‌గా పోటీ చేసే దమ్ము టీడీపీ, జనసేన పార్టీలకు ఉందా అని మంత్రి అప్పలరాజు ప్రశ్నించారు. ఏ ఉద్దేశంతో చంద్రబాబును పవన్ కలిశారో చెప్పాలని డిమాండ్ చేశారు. పవన్ కళ్యాణ్ మాట్లాడే ప్రతి మాటకు ఒక రేటు ఉంటుందని కౌంటర్ ఇచ్చారు. నీచమైన రాజకీయాలకు పవన్ అలవాటు పడ్డాడని మండిపడ్డారు.

మరోవైపు కాకినాడలో మంత్రి దాడిశెట్టి రాజా సైతం చంద్రబాబు, పవన్ భేటీపై తీవ్ర వ్యాఖ్యలు చేశారు. చంద్రబాబు, పవన్ భేటీని రాష్ట్ర ప్రజలు పట్టించుకోరని.. పవన్ ఒక ప్యాకేజీ స్టార్ అని దుయ్యబట్టారు. పవన్ కళ్యాణ్ బీజేపీతో పొత్తులో ఉండి చంద్రబాబు చుట్టూ ఎందుకు తిరుగుతున్నారని ప్రశ్నించారు. పవన్ కళ్యాణ్, చంద్రబాబు కలయిక స్వార్థ ప్రయోజనాల కోసమే అని విమర్శించారు.

Related Articles

Back to top button