mekapati meet bollineni rama rao, నెల్లూరులో చేతులు కలిపిన రాజకీయ ప్రత్యర్థులు.. ఆయన టీడీపీలో చేరడం ఖాయమా! – udayagiri mla mekapati chandrasekhar reddy meets ex mla bollineni venkata ramarao

తాను మూడు రోజుల క్రితం మాజీ ఎమ్మెల్యే కంభం విజయరామిరెడ్డిని కలిసిన విషయాన్ని చంద్రశేఖర్ రెడ్డి గుర్తు చేశారు. బొల్లినేని రామారావు, కంభం విజయరామిరెడ్డి, చెంచల బాబుయాదవ్‌తో కలిసి పనిచేస్తానన్నారు. నియోజకవర్గంలో ప్రజలకు అందుబాటులో ఉంటూ.. అన్ని విధాలా మేలు చేస్తామన్నారు. ప్రజలతో మమేకం అయ్యేందుకు.. వారితో మాట్లాడేందుకు బహిరంగ సమావేశం ఏర్పాటు చేస్తామన్నారు.

మేకపాటి చంద్రశేఖర్‌రెడ్డికి సీఎం జగన్‌ ద్రోహం చేశారని.. అండగా నిలిచినందుకు నట్టేట ముంచారన్నారు. టీడీపీ కార్యకర్తలను ఎమ్మెల్యే మేకపాటికి పరిచయం చేసే క్రమంలో ‘వీళ్లలో కొందరు మీ బాధితులే’ అంటూ బొల్లినేని వ్యాఖ్యానించారు. తాను ఎవరినైనా ఇబ్బందులు పెట్టి ఉంటే క్షమించాలని కోరారు ఎమ్మెల్యే మేకపాటి చంద్రశేఖర్ రెడ్డి. బొల్లినేని రామారావు, ఎమ్మెల్యే చంద్రశేఖర్ రెడ్డిలు.. ఎన్నికల్లో వరుసగా మూడుసార్లు నెల్లూరు జిల్లా ఉదయగిరి నియోజకవర్గం నుంచి ప్రత్యర్థులుగా పోటీ చేశారు. ఈ ఇద్దరు నేతలు సమావేశం ఇప్పుడు నెల్లూరు జిల్లా రాజకీయాల్లో చర్చనీయాంశం అయ్యింది.

ఎమ్మెల్యే మేకపాటి చంద్రశేఖర్ రెడ్డి మూడు రోజుల క్రితం టీడీపీ నేత, మాజీ ఎమ్మెల్యే కంభం విజయరామిరెడ్డి (Kambam Vijayarami Reddy)తో భేటీ అయ్యారు. ఇద్దరు నేతలు తాజా రాజకీయాలపై 2 గంటలకుపైగా చర్చించారు. తాము గతంలో రాజకీయ ప్రత్యర్థులుగా ఉన్నామన్నారు.. నియోజకవర్గ అభివృద్ధి కోసం కలిసి ముందుకు సాగాలని నిర్ణయించుకున్నారు. ఉదయగిరి నియోజక వర్గ అభివృద్ధికి కృషి చేస్తామన్నారు.

మార్చిలో జరిగిన ఎమ్మెల్యే కోటా ఎమ్మెల్సీ ఎన్నికలతో నెల్లూరు జిల్లా రాజకీయ ముఖచిత్రం మారిపోయింది. అధికార పార్టీకి చెందిన ముగ్గురు ఎమ్మెల్యేలు అనూహ్యంగా టీడీపీకి ఓటేశారని ఆరోపణలు వచ్చాయి. వైఎస్సార్ ఈ విషయాన్ని సీరియస్‌గా తీసుకుని.. ఉదయగిరి ఎమ్మెల్యే మేకపాటి చంద్రశేఖర్‌రెడ్డిని పార్టీ నుంచి సస్పెండ్ చేసింది. అలాగే వెంకటగిరి ఎమ్మెల్యే ఆనం రాంనారాయణరెడ్డి (Anam Ramanarayana Reddy)తో పాటూ నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి (Kotamreddy Sridhar Reddy)పై కూడా సస్పెన్షన్ వేటు పడింది.

• Read Latest Andhra Pradesh News and Telugu News