News

manoj karjagi, Karnataka: బ్యూటీషియన్‌ పట్ల అసభ్య ప్రవర్తన… కాంగ్రెస్ నాయకుడు అరెస్ట్ – karnataka congress leader arrested for sexually assaulting woman employee working at his salon


కర్ణాటకలో (Karnataka) ఓ కాంగ్రెస్ నాయకుడిని పోలీసులు అరెస్ట్ చేశారు. ఒక మహిళను లైంగికంగా వేధించారనే ఆరోపణలతో ఆయన్ని అదుపులోకి తీసుకున్నారు. ధార్వాడ్ జిల్లాలో ఈ సంఘటన చోటుచేసుకుంది. కాంగ్రెస్‌ లీడరైన మనోజ్ కర్జాగికి చెందిన సెలూన్‌లో ఒక మహిళా బ్యూటీషియన్‌గా పని చేస్తుంది. ఆమె పట్ల ఆయన అనుచితంగా, అసభ్యంగా ప్రవర్తించాడనే ఆమె ఫిర్యాదు చేసింది.

రోజూలాగే మనోజ్ కర్జాగి శనివారం సెలూన్‌కు వెళ్లాడు. అయితే సెలూన్‌లో అప్పటికే పని చేసుకుంటున్న మహిళా ఉద్యోగినిని కౌగిలించుకుని ముద్దు పెట్టేందుకు ప్రయత్నించాడు. వెంటనే ఆమె అతని చెర నుంచి బయటపడి.. తన ఫ్రెండ్‌కు ఫోన్ చేసింది. దాంతో అతను మరో ఇద్దరు స్నేహితులతో సెలూన్‌ దగ్గరకు వెళ్లాడు. వెంటనే కాంగ్రెస్‌ నేత మనోజ్‌ను తీవ్రంగా కొట్టాడు. ఆ తర్వాత జరిగిన విషయంపై పోలీసులకు ఫిర్యాదు చేశారు. దీంతో లైంగిక వేధింపుల ఆరోపణలపై మనోజ్‌ను అరెస్ట్ చేసి జ్యుడీషియల్‌ కస్టడీకి తరలించారు.

దీనిపై కాంగ్రెస్ పార్టీ కూడా స్పందించింది. మనోజ్ కర్జాగి తమ పార్టీకి చెందిన వ్యక్తి అని, మాజీ మంత్రి అనుచరుడని, పార్టీ కార్యక్రమాల్లో పాల్గొంటాడని వెల్లడించింది. అలాగే కాంగ్రెస్ సీనియర్ నేత సిద్ధరామయ్య ముఖ్యమంత్రిగా ఉన్నప్పుడు వాయవ్య కర్ణాటక రాష్ట్ర రవాణా సంస్థ డైరెక్టర్‌గా మనోజ్ కర్జాగి ఉన్నాడు. దాంతో మాజీ సీఎం సిద్ధరామయ్యతో ఆయన కలిసి ఉన్న ఫొటోలు సోషల్‌ మీడియాలో వైరల్‌ అవుతున్నాయి.

Related Articles

Back to top button