News

manish sisodia, Arvind Kejriwal ఢిల్లీ సీఎం హత్యకు బీజేపీ కుట్ర.. ఎంపీ మనోజ్ తివారీ కీలక సూత్రధారి: మనీశ్ సిసోడియా – bjp conspiring to kill delhi cm arvind kejriwal planning by manoj tiwari says manish sisodia


Arvind Kejriwal గుజరాత్ శాసనసభ, ఢిల్లీ కార్పొరేషన్ ఎన్నికల్లో ఓటమి భయంతోనే ముఖ్యమంత్రి అరవింద్ కేజ్రీవాల్‌ను హతమార్చడానికి బీజేపీ కుట్ర పన్నిందని ఆమ్ ఆద్మీ పార్టీ నేత మనీశ్ సిసోడియా సంచలన వ్యాఖ్యలు చేశారు. ఈ కుట్రలో ఢిల్లీ ఎంపీ మనోజ్ తివారీ ప్రమేయం ఉందని సిసోడియా ఆరోపించారు. అయితే, అటువంటి చిల్లర రాజకీయాలకు ఆప్ భయపడబోదని ఆయన పేర్కొన్నారు. ఢిల్లీ మున్సిపల్ ఎన్నికల కోసం టిక్కెట్లను అమ్ముకోవడంతో ఆప్ కార్యకర్తలు ఆగ్రహంతో ఉన్నారని, అరవింద్ కేజ్రీవాల్‌ భద్రత గురించే తాను ఆందోళన చెందుతున్నానంటూ బీజేపీ ఎంపీ మనోజ్ తివారీ ట్వీట్ చేసిన నేపథ్యంలో సిసోడియా స్పందించారు.

‘‘గుజరాత్, ఢిల్లీ మున్సిపల్ ఎన్నికల్లో ఓటమి భయంతో అరవింద్ కేజ్రీవాల్‌ను హతమార్చడానికి బీజేపీ కుట్రలు చేస్తోంది.. అరవింద్ కేజ్రీవాల్‌పై దాడిచేయాలని తన గుండాలను బహిరంగంగా ఆ పార్టీ ఎంపీ మనోజ్ తివారీ ఆదేశించారు.. హత్యకు పూర్తి ప్లానింగ్ చేశాడు. వారి చిల్లర రాజకీయాలకు ఆప్ భయపడదు.. వారి గూండాయిజానికి ప్రజలే తగిన సమాధానం చెబుతారు’’ అని ఢిల్లీ డిప్యూటీ సీఎం మనీశ్ సిసోడియా ట్విట్టర్‌లో మండిపడ్డారు.

‘‘అరవింద్ కేజ్రీవాల్ భద్రత గురించి నేను ఆందోళన చెందుతున్నాను ఎందుకంటే నిరంతర అవినీతి, టిక్కెట్ల అమ్మకం (ఢిల్లీ మున్సిపల్ ఎన్నికల కోసం), రేపిస్ట్‌తో స్నేహం, జైలులో మసాజ్ వంటి సంఘటనలపై ప్రజలు, ఆప్ కార్యకర్తలు కోపంగా ఉన్నారు. వారి ఎమ్మెల్యేలపై కూడా దాడులు జరిగాయి.. ఢిల్లీ ముఖ్యమంత్రి విషయంలో అలా జరగకూడదు’’ అని ఎంపీ తివారీ చేసిన ట్వీట్‌పై సిసోడియా ఎదురుదాడి చేశారు.

కాగా, గుజరాత్ అసెంబ్లీ ఎన్నికల్లో ఆప్ నుంచి బీజేపీకి పట్టణ ప్రాంతాల్లో గట్టిపోటీ ఎదురవుతోంది. ఇటీవల సూరత్‌ మున్సిపల్ ఎన్నికల్లో అనూహ్యంగా ఆప్ రెండో స్థానంలో నిలిచింది. ఈ నేపథ్యంలో తమ ఓటు బ్యాంకుకు ఆప్ గండి కొడుతుందని బీజేపీ భావిస్తోంది.

Read Latest National News And Telugu News

Related Articles

Back to top button