News

mancherial wedding, 8ఏళ్లుగా ప్రేమించుకుంటున్నాం, ఫిజికల్ రిలేషన్ కూడా ఉంది: మంచిర్యాల వరుడి ప్రియురాలు – huzurabad woman stops mancherial man wedding at last minute over love affair


మంచిర్యాల జిల్లాలో ఓ పెళ్లి వేడుక (Mancherial Wedding) ఊహించని మలుపు తిరిగింది. చివరి నిమిషంలో ఓ యువతి వచ్చి పెళ్లి తంతును నిలిపివేయించింది. మంచిర్యాల జిల్లా క్యాథనాపల్లి మున్సిపాలిటీ పరిధిలోని బీమా గార్డెన్‌లో చోటు చేసుకున్న ఈ ఘటన స్థానికంగా సంచలనం సృష్టించింది. వరుడు తనను ప్రేమ పేరుతో నమ్మించి మోసం చేశాడని బాధితురాలు ఆరోపించింది. పోలీసులను ఆశ్రయించింది. పోలీసులకు ఫిర్యాదు చేసిన అనంతరం మీడియాతో మాట్లాడుతూ కీలక వివరాలు తెలిపింది.

మంచిర్యాల జిల్లా గద్దరగడికి గ్రామానికి చెందిన రాజేశ్ అనే హన్మకొండకు చెందిన ఓ యువతితో పెద్దలు పెళ్లి ముహూర్తం నిర్ణయించారు. బుధవారం (ఆగస్టు 10) ఉదయం పెళ్లి జరుగుతున్న సమయంలో హుజురాబాద్‌కు చెందిన అమినా అనే యువతి అక్కడికి వచ్చింది. పెళ్లి ఆపండి అంటూ పెద్దగా కేకలు వేయడంతో అక్కడున్న వారంతా విస్తుపోయారు. పెళ్లి మండపం ఒక్కసారిగా నిశ్శబ్దంగా మారింది. ‘నన్ను ప్రేమించి పెళ్లి చేసుకుంటా అన్నావ్, ఇప్పుడు మరో అమ్మాయిని పెళ్లి చేసుకుంటున్నావ్’ అంటూ వరుడిని ఆ యువతి నిలదీసింది.

తాళి కట్టే సమయంలో పెళ్లి ఆపేసిన యువతి.. సినిమా తరహాలో ట్విస్ట్
గత నెలలో అబార్షన్ చేయించాడు: బాధితురాలు
రాజేశ్‌, తాను గత 8 సంవత్సరాల నుంచి ప్రేమించుకుంటున్నామని బాధిత యువతి తెలిపింది. ఇద్దరి మధ్య ఫిజికల్ సంబంధం కూడా ఉందని చెప్పింది. గత నెలలో అబార్షన్ చేయించాడని ఆరోపించింది. రాజేశ్ తనకు చదువుకునే సమయంలో పరిచయం అయ్యాడని, ప్రస్తుతం హైదరాబాద్‌లో ఉద్యోగం చేస్తున్నాడని ఆమె తెలిపింది. రామకృష్ణాపూర్ పోలీస్ స్టేషన్‌లో వరుడిపై ఫిర్యాదు చేసింది.

‘నిన్న రాత్రి కూడా నాతో చాటింగ్ చేశాడు. పెళ్లి విషయం చెప్పలేదు. కొంత కాలంగా ఇంట్లో వాళ్లు అతడికి సంబంధాలు చూస్తున్న విషయం తెలిసి నిలదీశాను. పెళ్లి సంబంధాలు చూశారు గానీ.. కుదరలేదని, సంబంధాలు తప్పిపోయాయని చెప్పాడు. తీరా నాకు చెప్పకుండా మరో అమ్మాయితో పెళ్లికి సిద్ధమయ్యాడు’ అని అమినా ఆరోపించింది.

వరుడి సోదరుడి వాట్సాప్ స్టేటస్ చూసి..
వరుడు రాజేశ్‌కు సోదరుడి వరసయ్యే ఓ యువకుడి వాట్సాప్ స్టేటస్ చూసి.. అతడి పెళ్లి విషయం గురించి తెలుసుకున్నానని అమినా చెప్పింది. వెంటనే పెళ్లి మంటపానికి వచ్చి వివాహ వేడుకును నిలిపివేయించానని తెలిపింది. రాజేశ్ తనతో కలిసి తిరిగిన దృశ్యాలను సెల్ ఫోన్లో వధువు బంధువులకు చూపిస్తుండగా.. వరుడి వర్గం వారు తనపై దాడికి దిగారని ఆమె ఆరోపించింది. పోలీస్ స్టేషన్‌కు వస్తుండగా.. ఆటో వాళ్లను బెదిరించి దాడికి ప్రయత్నించారని ఆరోపించింది.

పీటల మీది పెళ్లి నిలిచిపోవడంతో వధువు, తల్లిదండ్రులు, బంధువులు అసహనానికి గురయ్యారు. వరుడు రాజేశ్ తీరుపై మండిపడ్డారు. ఓ అమ్మాయి జీవితంతో ఆడుకొని, మరో అమ్మాయిని మోసం చేసేందుకు సిద్ధమయ్యావా అని నిలదీశారు. ఫంక్షన్ హాల్‌లో వరుడి గదిలోకి వెళ్లిన రాజేశ్‌ను బయటకి రావాలంటూ గది ముందు కొంత మంది గొడవ చేశారు. ఇదంతా చూసి పెళ్లి వేడుకకు వచ్చిన అతిథులు విస్తుపోయారు. బాధితురాలి ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు.

మిస్టరీగా చిలీ గొయ్యి.. అంతకంతకూ పెరుగుతోంది, స్టాచ్యూ ఆఫ్ యూనిటీ మునిగేంతగా!
ఉన్న కాస్త భూమిని విరాళంగా ఇచ్చిన మోదీ.. స్థిరాస్తులు లేవు, సొంత వాహనం లేదు

Advertisement

Related Articles

Back to top button