man throws son on dias, ఏడాది బిడ్డను సీఎం వేదికపైకి విసిరేసిన తండ్రి.. కారణం తెలిసి చలించిపోయిన ముఖ్యమంత్రి – man throws his one year old son on madhya pradesh cm shivraj singh chouhans dais
అయితే, వారి కుమారుడికి 3 నెలల వయసున్నప్పుడు గుండెలో రంధ్రం ఏర్పడినట్టు వైద్యులు గుర్తించారు. అప్పటి నుంచి ఆ చిన్నారిని వైద్యం కోసం పలు ఆస్పత్రుల్లో తిప్పుతూ.. తాహతకు మించి రూ.4 లక్షల వరకు ఖర్చు చేశారు. సర్జరీకి మరో రూ.3.50 లక్షలు అవసరమవుతాయని వైద్యులు చెప్పడంతో ఆ డబ్బు ఎక్కడ నుంచి తీసుకురావాలో ఆ దంపతులకు అర్థం కాలేదు. ఈ క్రమంలో సీఎం శివరాజ్‌సింగ్‌ చౌహాన్‌.. సాగర్ పర్యటనకు వస్తున్నట్టు తెలిసి ఆయనను కలిసి తమ సమస్యను చెప్పుకుందామని భార్యాభర్తలు వెల్లారు.
ముఖ్యమంత్రిని కలవడానికి ముకేశ్ ప్రయత్నించినా సాధ్యం కాలేదు. పోలీసులు, అధికారులకు తన బిడ్డ ఆరోగ్య పరిస్థితి గురించి చెప్పినా కనికరించలేదు. దీంతో తీవ్ర ఆవేదనకు గురైన ముకేశ్ విపరీత చర్యకు పాల్పడ్డాడు. సీఎం ప్రసంగిస్తున్న సమయంలో ఒక్కసారిగా తన చేతిలో ఉన్న బిడ్డను వేదికపైకి విసిరేశాడు. అయితే, అక్కడ ఉన్న భద్రతా సిబ్బంది ఆ చిన్నారిని కిందపడిపోకుండా తమ చేతుల్లో ఒడిపట్టి కాపాడారు. అనంతరం తల్లికి అప్పగించారు. మొదట ముకేశ్ చర్యకు విస్తుపోయినా.. చిన్నారి సమస్యను తెలుసుకున్న సీఎం చౌహన్ హృదయం ద్రవించింది.
బాబుకు వైద్యసహాయం అందించాలని సాగర్ కలెక్టర్ దీపక్ ఆర్యకు ఆదేశాలు జారీ చేశారు. తన సమస్యను చెప్పుకోడానికి వెళ్తే పోలీసులు, అధికారులు ఎవరూ సాయం చేయలేదని, అందుకే ఎలాగైనా ముఖ్యమంత్రి దృష్టిలో పడాలని బిడ్డను విసిరేశానని వాపోయాడు. తాను అలా చేయడం సరైంది కాకపోయినా మరో మార్గం లేదని, తన సమస్య తెలుసుకున్న సీఎం తనను వచ్చి కలవమన్నారని చెప్పాడు.
Read More Latest National News And Telugu News
