News

kuppam ysrcp leader, ‘ఓటుకు రూ.5వేలు ఇచ్చి గెలిచాం’.. కుప్పం మున్సిపల్ సమావేశంలో వైసీపీ నేత వ్యాఖ్యలతో కలకలం – ysrcp leader sensational comments in kuppam municipality meeting


Authored by Thirumala Babu | Samayam Telugu | Updated: 1 Nov 2022, 10:46 am

కుప్పంలో మున్సిపాలిటీ సమావేశం జరిగింది.. వైఎస్సార్‌సీపీ (YSRCP) 17వ వార్డు కౌన్సిలర్ దేవకి భర్త రంగయ్య చేసిన వ్యాఖ్యలకు కలకలంరేపాయి. మున్సిపల్ ఎన్నికల్లో రూ.5 వేలు ఓటుకు ఇచ్చి గెలిచామని కనీసం చిన్న పనులు కూడా చేయలేకపోతున్నామన్నారు. మున్సిపల్‌ వైస్‌ ఛైర్మన్‌ సమావేశాన్ని బహిష్కరించి వెళ్లిపోయారు. సమావేశంలో కొద్దిసేపు గందరగోళం.. రంగయ్య వ్యాఖ్యలతో అవాక్కైన వైఎస్సార్‌సీపీ నేతలు. . కౌన్సిలర్లుగా ఎన్నికై ఏడాది అవుతుందే తప్పా ఒక్క సమస్యను తీర్చలేదన్నారు.

 

ప్రధానాంశాలు:

  • కుప్పం మున్సిపల్ సమావేశం
  • వైసీపీ నేత వ్యాఖ్యలతో కలకలం
  • ఓటుకు రూ.5వేలు ఇచ్చామంటూ
‘కుప్పంలో ఒక్కో ఓటుకు రూ.5 వేలు ఇచ్చి గెలిచాం.!’అంటూ వైఎస్సార్‌సీపీ (YSRCP) నేత చేసిన వ్యాఖ్యలు కలకలంరేపాయి. ఏకంగా మున్సిపల్ కమిషనర్‌ ముందే మున్సిపాలిటీ సర్వసభ్య సమావేశంలోనే ఈ మాట చెప్పారు. పనుల్లేవు, బిల్లులు లేవంటూ సీరియస్ కామెంట్స్ చేశారు.

చిత్తూరు జిల్లా కుప్పం మున్సిపాలిటీ సర్వసభ్య సమావేశం జరిగింది. తాము మున్సిపల్ ఎన్నికల్లో రూ.5 వేలు ఓటుకు ఇచ్చి గెలిచామని కనీసం చిన్న పనులు కూడా చేయలేక ఇబ్బందులు పడుతున్నామని వైఎస్సార్‌సీపీ (YSRCP) 17వ వార్డు కౌన్సిలర్ దేవకి భర్త రంగయ్య అన్నారు. ఆమోదించిన పనులు నెలలు గడుస్తున్నా పూర్తి కావడం లేదన్నారు. ఒక్కసారిగా ఓటుకు రూ.5 వేలు ఇచ్చి గెలిచాం అని బాహాటంగా చెప్పడంతో ఒక్కసారిగా వైఎస్సార్‌సీపీ నేతలు అవాక్కయ్యారు.

అలాగే మున్సిపల్‌ వైస్‌ ఛైర్మన్‌ సమావేశాన్ని బహిష్కరించి వెళ్లిపోయారు. 15 రోజుల్లోపు పనులు పూర్తి చేస్తామని సమావేశ తీర్మానాన్ని ఆమోదించాలని మున్సిపల్ ఛైర్మన్ డా.సుధీర్‌ చెప్పగా.. ఆ సమావేశంలోనే ఆమోదిస్తాం, ఈ సమావేశాన్ని వాయిదా వేయాలని కౌన్సిలర్లు చెప్పారు. కౌన్సిలర్లుగా ఎన్నికై ఏడాది అవుతుందే తప్పా ఒక్క సమస్యను తీర్చలేదని కొందరు అన్నారు. ఈ సమావేశానికి కౌన్సిలర్ భర్త రావడం విశేషం.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button