News

Kuppam Bride Suspected Death, చిత్తూరు: రెండు నెలల క్రితం ప్రేమ వివాహం.. ఇంతలో ఊహించని ఘటన – recently married woman suspected death in kuppam chittoor district


Authored by Thirumala Babu | Samayam Telugu | Updated: 4 Nov 2022, 12:02 pm

Kuppam Woman Suspected Death రెండు నెలల క్రితం పెద్దల్ని ఒప్పించి ప్రేమ వివాహం చేసుకున్నారు. ఇంతలో నవ వధువు అనుమానాస్పద రీతిలో చనిపోవడం కలకలంరేపుతోంది.

 

ప్రధానాంశాలు:

  • కుప్పంలో నవ వధువు అనుమానాస్పద మరణం
  • రెండు నెలల క్రితం పెద్దల్ని ఒప్పించి వివాహం
  • ఇంతలో యువతి ఉరి వేసుకుని విగత జీవిగా
ఆ జంట ప్రేమించి పెద్దల్ని ఒప్పించి పెళ్లి చేసుకుంది. వైవాహిక జీవితం సాఫీగా సాగిపోతోంది. ఇంతలో యువతి అనుమానాస్పద మరణం సంచలనంగా మారింది. కుప్పం పాతపేటకు చెందిన రోహిత్‌, భువనేశ్వరిలు రెండు నెలల క్రితం ప్రేమ వివాహం చేసుకున్నారు. గురువారం మధ్యాహ్నం వరకు ఆనందంగా ఉన్న భువనేశ్వరి ఇంటిపై గదిలో దూలానికి వేలాడుతూ కనిపించింది. అప్పటికే ప్రాణాలు కోల్పోయింది.

వెంటనే సమాచారం అందుకున్న పోలీసులు సంఘటనా స్థలానికి చేరుకొని మృతురాలిని కుప్పం ప్రభుత్వ ఏరియా ఆస్పత్రికి తరలించారు . భర్త ఇంటివారే తమ బిడ్డను హతమార్చారని మృతురాలి బంధువులు ఆరోపిస్తున్నారు. మృతురాలి తండ్రి శరవణ ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. భువనేశ్వరి మరణానికి కారణాలు తెలియాల్సి ఉంది. ఎంతో అన్యోన్యంగా వైవాహిక జీవితం ప్రారంభించారు.. కానీ ఇంతలో భువనేశ్వరి మరణం తీవ్ర విషాదాన్ని నింపింది. అలాగే ఈ కేసులో రోహిత్ కుటుంబ సభ్యుల్ని పోలీసులు ప్రశ్నిస్తున్నారు.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button