News

korameenu, ‘కొరమీను’ మూవీ టీజర్ రిలీజ్.. మీసాల రాజుకి ఇప్పుడు మీసాల్లేవ్! – ‘korameenu’ movie teaser released at the hands of star director gopichand malineni


Authored by Rajendra Galeti | Samayam Telugu | Updated: 5 Nov 2022, 8:26 pm

Korameenu Teaser అభిమానుల్లో ఆసక్తిని రెట్టింపు చేసింది. మీసాల రాజుకి మీసాలు ఏమయ్యాయ్? అంటూ గత కొన్నిరోజులుగా ప్రచారం చేసుకున్న ఆ సినిమా యూనిట్ ఈరోజు జాలరిపేటలో ఎవరో తీసేశారు.. అది ఎవరు? టీజర్‌తో ఆ ఇంటస్ట్ర్‌ని మరింత పెంచింది.

 

ప్రధానాంశాలు:

  • కొరమీను మూవీ టీజర్ విడుదల
  • మీసాల రాజుకి మీసాలు తీసేసింది ఎవరు?
  • హీరోగా మారిన ప్రతినిధి, నెపోలియన్ మూవీ రైటర్
  • ఇగోల చుట్టూ నడిచే కథ
మీసాల రాజుకి మీసాలు ఎవరు తీసేశారు? గత కొన్ని రోజులుగా ‘కొరమీను’ సినిమా యూనిట్ ఈ ప్రశ్నతో బాగా ప్రచారం చేసింది. ఆదివారం ఆ మూవీకి సంబంధించిన టీజర్‌ని విడుదల చేశారు. ప్రముఖ దర్శకుడు గోపిచంద్ మలినేని ఈ ట్రైలర్‌ని రిలీజ్ చేశాడు. ఆనంద్ రవి హీరోగా నటిస్తున్న ఈ మూవీని పెళ్లకూరు సమన్య రెడ్డి నిర్మిస్తున్నారు. కొరమీను మూవీకి క్యాప్షన్‌గా స్టోరీ ఆఫ్ ఇగోస్‌ పెట్టారు. దీనిబట్టి సినిమా ఇగోల మధ్య నడిచే ఇతివృత్తంగా కనిపిస్తోంది.

‘ఈరోజు జాయిన్ అయిన మీసాల రాజు గారికి జాలరిపేటలో నిన్న రాత్రి ఎవరో మీసాలు తీసేశారని సమాచారం’ అంటూ టీజర్ మొదలైంది. దాంతో.. ఈ మీసాల వ్యవహారం సినిమాలో క్రియాశీలకంగా ఉండబోతోందని తెలుస్తోంది. డబ్బుకి ఎక్కువ పవర్ అనుకుంటారు కానీ.. అసలైన పవర్ భయానిదేరా.. అనే డైలాగ్ ద్వారా మూవీలో ఆధిపత్య పోరుని చూపించబోతున్నారని స్పష్టంగా తెలుస్తోంది. ప్రతినిధి, నెపోలియన్‌ సినిమాలతో రైటర్‌గా గుర్తింపు తెచ్చుకున్న ఆనంద్ రవి ఈ సినిమాలో హీరోగా చేస్తున్నాడు. శ్రీపతి కర్రి డైరెక్టర్.

మత్య్స‌కారుల కాలనీకి వచ్చిన పోలీస్ ఆఫీసర్‌కి ఎవరు మీసాలు తీసేశారు? అనేది ఈ సినిమాలో కీలక పాయింట్‌గా దర్శకుడు శ్రీపతి కర్రి చెప్పుకొచ్చాడు. ‘జబర్దస్త్’ ఇమ్మాన్యుయెల్ కూడా ఈ సినిమాలో నటించాడు. రాజా రవీంద్ర కూడా ఓ పాత్ర చేశాడు. డిసెంబరులో ఈ సినిమా థియేటర్లలోకి రాబోతోంది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button