News

komatireddy venkat reddy, మా నాయకుడు చెప్పిండు.. మునుగోడు ప్రచారానికి వస్తా: కోమటిరెడ్డి వెంకట్‌రెడ్డి – congress mp komatireddy venkat reddy says he will participate in munugode election campaign


Authored by Sreenu Gangam | Samayam TeluguUpdated: Aug 25, 2022, 8:20 PM

Munugode: మునుగోడు ఉపఎన్నికలో ప్రచారం చేసేందుకు తాను సిద్ధమని కాంగ్రెస్ ఎంపీ, ఆ పార్టీ స్టార్ క్యాంపెయినర్ కోమటిరెడ్డి వెంకట్‌ రెడ్డి (Komatireddy Venkat Reddy) స్పష్టం చేశారు. పార్టీ ఆదేశిస్తే ఎప్పుడంటే అప్పుడు ప్రచారంలోకి వచ్చేందుకు సిద్ధమని ప్రకటించారు. సీఎల్పీ నేత మల్లు భట్టి విక్రమార్క గురువారం సాయంత్రం కోమటిరెడ్డి నివాసంలో ఆయనతో భేటీ అయ్యారు. మునుగోడు ఉప ఎన్నిక, పార్టీ అభ్యర్థిఎంపిక అంశాలపై చర్చించారు. అనంతరం మీడియా ప్రతినిధులతో మాట్లాడారు.

 

కోమటిరెడ్డి వెంకట్‌రెడ్డి
మునుగోడులో ప్రచారం చేసేందుకు తాను సిద్ధమని కాంగ్రెస్ స్టార్ క్యాంపెయినర్, భువనగిరి ఎంపీ కోమటిరెడ్డి వెంకట్‌రెడ్డి (Komatireddy Venkat Reddy) ప్రకటించారు. పార్టీ ఆదేశిస్తే.. వెంటనే ప్రచారం చేసేందుకు వస్తానని స్పష్టం చేశారు. సీఎల్పీ నేత మల్లు భట్టి విక్రమార్క గురువారం (ఆగస్టు 25) సాయంత్రం కోమటిరెడ్డి వెంకట్‌రెడ్డి నివాసానికి వెళ్లి ఆయణ్ని మర్యాదపూర్వకంగా కలిశారు. మునుగోడు ఉపఎన్నిక, పార్టీలో తాజా రాజకీయ పరిణామాలు, అభ్యర్థి ఎంపిక తదితర అంశాలపై చర్చించారు. అనంతరం ఇరువురు నేతలు మీడియా ప్రతినిధులతో మాట్లాడారు. ఈ సందర్భంగా మనుగోడులో ప్రచారానికి వెళ్తానని కోమటిరెడ్డి వెంకట్‌రెడ్డి తెలిపారు.

అభ్యర్థి ఎంపిక విషయంలో తన అభిప్రాయాలు, సలహాలను భట్టి విక్రమార్కకు తెలిపానని కోమటిరెడ్డి వెంకట్‌రెడ్డి చెప్పారు. ఎవరి పేరు సూచించారు అని మీడియా ప్రతినిధులు ప్రశ్నించగా.. అది పార్టీ అంతర్గత వ్యవహారమని.. పార్టీ అభ్యర్థిని ప్రియాంక గాంధీ ప్రకటిస్తారని తెలిపారు. ‘మునుగోడులో ప్రచారానికి వెళ్తానని.. నిన్న ప్రియాంక గాంధీకి చెప్పా. నేను మా సీఎల్పీ నేత భట్టి విక్రమార్కకు చెప్పా’ అని ఆయన అన్నారు.

మునుగోడు ఎన్నికల ప్రచారానికి తాను దూరంగా ఉంటానని.. పార్టీలో ఒక వర్గం కావాలని పనిగట్టుకొని తనపై అనుచిత వ్యాఖ్యలు చేస్తున్నారని కోమటిరెడ్డి వెంకట్‌రెడ్డి రెండు రోజుల కిందట కాంగ్రెస్ అధినేత్రి సోనియా గాంధీకి లేఖ రాసిన విషయం తెలిసిందే. ఈ అంశం కాంగ్రెస్ పార్టీలో ప్రకంపనలు సృష్టించిన నేపథ్యంలో ప్రియాంక గాంధీ చొరవ తీసుకొని కోమటిరెడ్డి వెంకట్‌రెడ్డితో మాట్లాడారు.

Raja Singh Arrest: బేగంబజార్‌లో దుకాణాలు బంద్.. కేసీఆర్ దిష్టిబొమ్మ దహనం

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Advertisement

Related Articles

Back to top button