News

kohli juhu flat, Virat Kohli: కోహ్లీ, అనుష్కల ఫ్లాట్.. నెల అద్దె తెలిస్తే దిమ్మదిరిగిపోద్ది.. లక్షలకు లక్షలు దానికే..! – virat kohli, anushka sharma rent apartment flat in mumbai juhu for rs 2.76 lakh a month


Virat Kohli: క్రికెటర్ విరాట్ కోహ్లీ, అతని భార్య నటి- నిర్మాత అనుష్క శర్మ దంపతులు.. ముంబయి జుహూలోని ఓ అపార్ట్‌మెంట్‌లో ఫ్లాట్ రెంట్‌కు తీసుకున్నారు. అయితే ఇందుకోసం నెలకు ఏకంగా రూ.2.76 లక్షల చొప్పున చెల్లిస్తున్నట్లు తెలిసింది. జుహూలోని హై టైడ్ బిల్డింగ్‌లోని నాలుగో ఫ్లోర్‌లో ఈ ఫ్లాట్ ఉన్నట్లు Zapkey.com తెలిపింది. ఇక్కడి నుంచి సముద్రం చక్కగా కనిపిస్తుందని, అక్కడ వాతావరణం బాగుంటుందని తెలిసింది. సీ వ్యూ కోసమే ఇక్కడ ఫ్లాట్ తీసుకున్నట్లు విశ్వసనీయ వర్గాల ద్వారా తెలిసింది.

లీవ్ అండ్ లైసెన్స్ అగ్రిమెంట్ కాపీ ప్రకారం.. కోహ్లీ ఈ 1650 చదరపు అడుగుల ఫ్లాట్ కోసం ఒక్కసారే రూ.7.50 లక్షలు డిపాజిట్ చేశాడు. అక్టోబర్ 17నే ఈ డీల్ పూర్తయినట్లు తెలిసింది. అయితే ఈ అపార్ట్‌మెంట్ క్రికెట్ అడ్మినిస్ట్రేటర్, మాజీ క్రికెటర్ సమర్‌జీత్ సింగ్ గైక్వాడ్‌దే. ఈయన బరోడా రాజ కుటుంబానికి వారసుడు కూడా. ఇంకా ఈ ఫ్లాట్‌కు అండర్‌గ్రౌండ్‌లో రెండు కార్లు పార్కింగ్ చేసే సౌలభ్యం కూడా ఉంది.

గతంలో కూడా విరాట్ కోహ్లీ- అనుష్క శర్మ జంట మహారాష్ట్ర రాయ్‌గఢ్ జిల్లా అలీబాగ్ ప్రాంతంలోని జిరాద్ గ్రామంలో 3,350 చదరపు మీటర్ల భూమి కొన్నట్లు వార్తలొచ్చాయి. ఈ ఆస్తి కోసం కోహ్లీ ఏకంగా రూ.19.24 కోట్లు చెల్లించినట్లు కూడా తెలిసింది. డాక్యుమెంట్స్ ప్రకారం.. 2022, సెప్టెంబర్ 1న కోహ్లీ ఇది కొనుగోలు చేసినట్లు సమాచారం.

Also Read: పీఎఫ్ బ్యాలెన్స్ చెక్ చేస్కుంటుండగా 1.23 లక్షలు మాయం..

2013 నుంచి విరాట్ కోహ్లీ, అనుష్క శర్మ ప్రేమలో ఉన్నారు. 2017, డిసెంబర్ 11న వివాహబంధంతో ఒక్కటయ్యారు. ఈ వేడుక ఇటలీలోని ఫ్లోరెన్స్‌లో జరిగింది. 2021, జనవరి 11న వీరికి పాప జన్మించింది. భారత్ సహా ప్రపంచ అత్యుత్తమ క్రికెటర్లలో విరాట్ ఒకడిగా నిలుస్తాడు. టీమ్‌ఇండియాకు అన్ని ఫార్లాట్లలో కెప్టెన్‌గానూ వ్యవహరించి తప్పుకున్నాడు. ఐపీఎల్‌లో రాయల్ ఛాలెంజర్స్ బెంగళూరు టీమ్‌కు ప్రాతినిథ్యం వహిస్తున్నాడు. ప్రస్తుతం ప్రపంచ క్రికెట్లో అత్యధిక సెంచరీలు చేసిన జాబితాలో సచిన్ తర్వాత రెండో స్థానాన్ని పాంటింగ్‌తో కలిసి పంచుకుంటున్నాడు. ఇప్పటివరకు 102 టెస్టుల్లో 8074 పరుగులు, 262 వన్డేల్లో 12,344 పరుగులు సహా టీ20ల్లో 115 మ్యాచ్‌ల్లో 4,008 రన్స్ చేశాడు విరాట్.

అంతర్జాతీయ క్రికెట్లో తన 71వ సెంచరీ చేసేందుకు కోహ్లీ 1000 రోజులకుపైగా సమయం తీసుకున్నాడు. చాలా సంవత్సరాల అనంతరం ఆసియా కప్‌లో అఫ్గానిస్థాన్‌పై ఎట్టకేలకు శతకం సాధించాడు. గత రెండేళ్లుగా పెద్దగా ఫామ్‌లో లేని కోహ్లీ.. మళ్లీ ఆసియా కప్‌తోనే మునుపటి ఫామ్ అందుకున్నాడు. అప్పటినుంచి మళ్లీ ఎదురులేకుండా ఆడుతున్నాడు. ఇటీవల ముగిసిన టీ-20 ప్రపంచకప్‌లోనూ అత్యధిక పరుగులు చేసిన ఆటగాడిగా నిలిచాడు.

  • Read Latest Business News and Telugu News

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.

Also Read: సరికొత్త అవతారంలో ఐఫోన్ 15.. ఆ అద్భుత ఫీచర్లు లీక్.. మార్పులేంటి? ధరెంత?

Advertisement

Related Articles

Back to top button