News

kirti chakra 2023, పుల్వామాలో వెన్నుచూపని సైనికవీరుడికి కీర్తి చక్ర.. 15 మందికి శౌర్య చక్ర – list of kirti chakra, shaurya chakra and sena medals gallantry awardees announced for 2023


74వ గణతంత్ర దినోత్సవం సందర్భంగా సైనికులకు అందజేసే అత్యున్నత పురస్కారాలను కేంద్ర ప్రభుత్వం ప్రకటించింది. ఆరుగురు సైనిక వీరులకు కీర్తి చక్ర పురస్కారాలు ప్రకటించారు. వీరిలో నలుగురు మరణానంతరం కీర్తి చక్ర పురస్కారాలకు ఎంపికయ్యారు. 15 మంది సైనికవీరులకు శౌర్య చక్ర పురస్కారాలు ప్రకటించారు. వీరిలో ఇద్దరు మరణానంతరం శౌర్య చక్రకు ఎంపియ్యారు. 92 సేనా మెడల్స్, ఒక నావ్ సేనా మెడల్, 7 వాయు సేనా మెడళ్లు, 29 పరమ్ విశిష్ట్ సేవా మెడల్స్ సహా మొత్తం 412 గ్యాలంట్రీ పురస్కారాలను ప్రకటించారు.

గతేడాది ఏప్రిల్‌లో జమ్మూ కశ్మీర్‌లోని పుల్వామాలో ఉగ్రవాదులతో జరిగిన పోరులో అత్యుత్తమ ధైర్యసహాసాలు ప్రదర్శించిన రాజ్‌పుత్ రెజిమెంట్‌కు చెందిన నాయక్ జితేంద్ర సింగ్‌కు కీర్తి చక్రను ప్రదానం చేశారు. ఉగ్రవాదుల కాల్పుల్లో గాయపడి, రక్తమోడుతున్నా.. వెన్నుచూపకుండా ఎదురు నిలిచి ఇద్దరు ఉగ్రవాదులను మట్టుబెట్టారు జితేంద్ర సింగ్. ఆ తర్వాత అక్కడే కుప్పకూలి అపస్మారక స్థితిలోకి వెళ్లిపోయారు.

పుల్వామాలో రెండు రోజుల పాటు ఉగ్రవాదులతో జరిగిన భీకర ఎన్‌కౌంటర్‌ తర్వాత భారత సైనికులు పలువురు స్థానికులను ఉగ్రవాదుల చెర నుంచి విడిపించారు. మెరుపు దాడులు చేసి సైనికులను పొట్టనబెట్టుకున్న ఉగ్రవాదులను మట్టుబెట్టారు.

గత ఏడాది ఏప్రిల్ 24న ప్రధాని నరేంద్ర మోదీ బహిరంగ ర్యాలీ సందర్భంగా ఒక ఉగ్రవాదిని మట్టుబెట్టడంతో పాటు ఫిదాయీన్ (fidayeen) దాడిని అడ్డుకున్నందుకు 9 PARA (స్పెషల్ ఫోర్సెస్) కెప్టెన్ టీఆర్ రాకేష్‌కు శౌర్య చక్ర అవార్డు లభించింది.

నవంబర్ 2020లో జరిగిన MiG-29K విమానం ప్రమాదంలో ట్రైనీ పైలట్ ప్రాణాలను కాపాడి కన్నుమూసిన దివంగత కమాండర్ నిశాంత్ సింగ్‌ను ‘నావ్ సేనా మెడల్ (గ్యాలెంట్రీ)’ పురస్కారం ప్రకటించారు.

కీర్తి చక్ర, శౌర చక్ర పురస్కారాలు శాంతి సమయంలో అందించే అత్యున్నత అవార్డులు. దేశ శాంతి భద్రతలను రక్షించడం ఇందులో భాగంగా ఉంటాయి. యుద్ధ సమయంలో ఇచ్చే అత్యున్నత సైనిక పురస్కారం ‘పరమ వీర చక్ర’.

Netaji Jayanti: 21 దీవులకు 21 సైనికవీరుల పేరు పెట్టిన ప్రధాని మోదీ
పాక్ నుంచి భారత్‌ ‘రైలు టికెట్’.. 1947 నాటి జ్ఞాపకం, ఎంత మధురం

Advertisement

Related Articles

Back to top button