News

Kidambi Srikanth, Commonwealth Games: క్వార్టర్ ఫైనల్స్‌కి చేరిన కిదాంబి శ్రీకాంత్ – kidambi srikanth advances to quarterfinals in commonwealth games 2022


Kidambi Srikanth: కామన్వెల్త్ గేమ్స్‌లో భారత్‌కి కిదాంబి శ్రీకాంత్ పతకం అందించేలా కనిపిస్తున్నాడు. పురుషుల సింగిల్స్‌లో వరుస మ్యాచ్‌ల్లో.. అది కూడా వరుస సెట్లలో శ్రీకాంత్ విజయం సాధిస్తున్నాడు. అతని జోరు చూస్తుంటే?

 

కిదాంబి శ్రీకాంత్ (Pic Source: Twitter)

ప్రధానాంశాలు:

  • కామన్వెల్త్ గేమ్స్‌లో క్వార్టర్స్ చేరిన కిదాంబి శ్రీకాంత్
  • శ్రీలంక షట్లర్‌పై ఈరోజు అలవోక గెలుపు
  • పతక ఆశల్ని పెంచుతున్న కిదాంబి
కామన్వెల్త్ గేమ్స్‌ 2022 (Commonwealth Games 2022)లో భారత స్టార్ షట్లర్ కిదాంబి శ్రీకాంత్ (Kidambi Srikanth) జోరు కొనసాగుతోంది. బ్యాడ్మింటన్ ఫురుషుల సింగిల్స్‌లో భాగంగా శుక్రవారం శ్రీలంక షట్లర్ దుమిందు అబీవిక్రమతో ప్రీక్వార్టర్ ఫైనల్‌లో తలపడిన కిదాంబి శ్రీకాంత్.. అలవోక విజయాన్ని అందుకున్నాడు. మ్యాచ్‌లో భారత షట్లర్‌కి కనీస పోటీని కూడా దుమిందు ఇవ్వలేకపోయాడు.

మ్యాచ్ ఆరంభం నుంచి దూకుడుని కొనసాగించిన కిదాంబి శ్రీకాంత్.. తొలి సెట్‌ని 21-9తో అలవోకగా చేజిక్కించుకున్నాడు. ఆ తర్వాత రెండో సెట్‌లో దుమిందు పుంజుకునే ప్రయత్నం చేసినా శ్రీకాంత్ అతనికి అవకాశం ఇవ్వలేదు. చకచకా పాయింట్లు సాధిస్తూ 21-12తో రెండో సెట్‌ని గెలవడం ద్వారా మ్యాచ్‌ని ముగించేశాడు.

గురువారం ఉగాండా షట్లర్‌ డేనియల్‌పై కూడా ఇలానే వరుస సెట్లలో కిదాంబి శ్రీకాంత్ గెలుపొందాడు. ఫస్ట్ సెట్‌ నుంచి డేనియల్ తేలిపోగా.. కిదాంబి 21-9, 21-9తో మ్యాచ్‌ని చేజిక్కించుకున్నాడు. కిదాంబి శ్రీకాంత్ జోరు చూస్తుంటే.. కామన్వెల్త్ గేమ్స్‌లో భారత్‌కి పతకాన్ని అందించేలా కనిపిస్తున్నాడు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Related Articles

Back to top button