News

kcr comments on ap, YSRCP: ప్రభుత్వాన్ని కూలదోసే కుట్ర.. కేసీఆర్ కామెంట్స్‌పై ‘వైసీపీ’ రియాక్షన్ ఏంటీ..? – what will be the reaction of ysrcp leaders on kcr comments


YSRCP: దేశంలో ఇప్పటికే 8 రాష్ట్రాల్లో అక్కడి ప్రజలు ఎన్నుకున్న ప్రభుత్వాలను బీజేపీ కూల్చేసిందని.. అలాగే మరో 4 రాష్ట్రాల్లోనూ అలాంటి ఆపరేషన్ చేసిందని.. తెలంగాణ ముఖ్యమంత్రి కేసీఆర్ సంచలన ఆరోపణలు చేశారు. ఆ 4 రాష్ట్రాల్లో తెలంగాణ, ఢిల్లీ, రాజస్థాన్, ఏపీ ఉన్నాయని కేసీఆర్ వివరించారు. మిగతా మూడు రాష్ట్రాల విషయం ఎలా ఉన్నా.. చర్చంతా ఇప్పుడు ఏపీపై జరుగుతోంది. నిజంగా ఆంధ్రప్రదేశ్‌లో బీజేపీ కుట్ర చేస్తోందా అనే చర్చ నడుస్తోంది. అటు కేసీఆర్ చేసిన వ్యాఖ్యలపై ఏపీ ప్రభుత్వం, వైఎస్సార్సీపీ నేతల రియాక్షన్ ఏంటీ అనే ఆసక్తి నెలకొంది.

కేసీఆర్ చెప్పిన రాష్ట్రాల్లో ముందు రాజస్థాన్ గురించి చూస్తే.. ఆ రాష్ట్రంలో మొత్తం 200 మంది ఎమ్మెల్యేలు ఉన్నారు. వారిలో కాంగ్రెస్ పార్టీ వారు 108 మంది ఉండగా.. బీజేపీకి 71 మంది ఉన్నారు. కేసీఆర్ ఆరోపించినట్టు ఆ రాష్ట్రంలో బీజేపీ ఆపరేషన్ చేసినా.. నమ్మొచ్చు. ఇక ఢిల్లీ విషయానికి వస్తే.. అక్కడ మొత్తం 70 మంది ఎమ్మెల్యేలు ఉన్నారు. వారిలో 62 మంది ఆప్ ఎమ్మెల్యేలు కాగా.. మిగతా 8 మంది బీజేపీ ఎమ్మెల్యేలు. అక్కడ కూడా కేసీఆర్ ఆరోపించినట్టు బీజేపీ ఆపరేషన్ కాదు. కానీ.. 8 మంది ఉన్నారు కాబట్టి.. కేసీఆర్ ఆరోపణలను కొంతమంది నమ్మొచ్చు.

ఇక తెలంగాణ రాష్ట్రంలో.. ఇప్పటివరకు బీజేపీకి ముగ్గురు ఎమ్మెల్యేలు ఉన్నారు. వారిలో రాజాసింగ్‌ను బీజేపీ సస్పెండ్ చేసింది. ఉన్నది రఘునందన్ రావు, ఈటల రాజేందర్. వీరు కాకుండా.. నలుగురు ఎంపీలు ఉన్నారు. ఎంతోకొంత తెలంగాణలో బీజేపీ యాక్టివ్‌గా ఉంది కాబట్టి.. తెలంగాణలో ప్రభుత్వాన్ని కూల్చేందుకు బీజేపీ ప్రయత్నం చేసింది అంటే నమ్మొచ్చు. కానీ.. కనీసం ఒక్క ఎమ్మెల్యే కూడా లేని ఏపీలో కూడా.. ప్రభుత్వాన్ని పడగొట్టేందుకు బీజేపీ ప్రయత్నం చేసిందని కేసీఆర్ ఆరోపించారు. ఇక్కడే అనేక ప్రశ్నలు ఉత్పన్నం అవుతున్నాయి.

ఏపీలో ఇప్పుడు బీజేపీ నుంచి ఒక్క ఎమ్మెల్యే కూడా లేరు. బీజేపీతో పొత్తు ఉన్న జనసేనకు ఒక్క ఎమ్మెల్యే ఉన్నా.. ఆయన కూడా ప్రస్తుతం జగన్‌కు మద్దతు పలికారు. వైసీపీలో అధికారికంగా చేరకపోయినా.. ఆయన్ను వైసీపీ ఎమ్మెల్యేగానే చూసే పరిస్థితి ఉంది. ఇలాంటి సమయంలో కేసీఆర్ ఆరోపించినట్టు.. ఏపీలో బీజేపీ ఆపరేషన్ సాధ్యమా అనే ప్రశ్న ఉత్పన్నమవుతోంది. అంతే కాకుండా.. కేసీఆర్ లాగా జగన్ బీజేపీతో ఎప్పుడూ ఘర్షణ పెట్టుకోలేదు. రాష్ట్ర ప్రయోజనాల కోసం.. కేంద్రంతో సఖ్యతగానే ఉంటున్నారు. దాదాపు అన్ని విషయాల్లో కేంద్రానికి మద్దతుగా నిలుస్తున్నారు. ఈ నేపథ్యంలో.. ఏపీలో ప్రభుత్వాన్ని కూల్చే ప్రయత్నం బీజేపీ ఎందుకు చేస్తుందనేదే అసలు ప్రశ్న.

ఇటు కేసీఆర్‌కు జగన్‌కు మధ్య మంచి సంబంధాలు ఉన్నాయి. నిజంగానే బీజేపీ ప్రయత్నం చేస్తే.. జగన్ అలెర్ట్ అయ్యారా అనే చర్చ కూడా నడుస్తోంది. ఏపీలో జగన్ ప్రభుత్వమే ఉంది. నిజంగా బీజేపీ ఆపరేషన్ చేస్తే జగన్‌కు సమాచారం ఉండదా అనే చర్చ కూడా నడుస్తోంది. ముఖ్యంగా ఏపీలో ఇంటెలిజెన్స్ విభాగం చాలా యాక్టివ్‌గా ఉంది. ఇంకా అనేక రకాలుగా జగన్‌కు సమాచారం వెళ్తుంది. ఈ సమయంలో కేసీఆర్ ఇలాంటి ఆరోపణలు చేయడం వెనుక కారణం ఏంటీ అనే చర్చ జరుగుతోంది. కేసీఆర్ ఏపీ గురించి ప్రస్తావించడంతో.. వైసీపీ స్పందనపై ఉత్కంఠగా మారింది.

Related Articles

Back to top button