News

kcr comments, Kishan Reddy: కేసీఆర్‌కు కిషన్ రెడ్డి కౌంటర్.. పాత ముచ్చటే చెప్పారని సెటైర్లు – union minister kishan reddy countered cm kcr


Kishan Reddy: తెలంగాణ ముఖ్యమంత్రి కేసీఆర్ దేశ రాజకీయాల్లో ప్రకంపనలు సృష్టించే విషయం బయటపెట్టారు. దేశం ముందు బీజేపీని దోషిగా నిలబెట్టే ప్రయత్నం చేశారు. తమ పార్టీ ఎమ్మెల్యేలను కొనుగోలు చేసి.. ప్రభుత్వాన్ని కూలదోసే కుట్ర చేశారని ఆరోపించారు. పక్కా ఆధారాలతో బీజేపీని ఇరుకునపెట్టే ప్రయత్నం చేశారు. అయితే.. కేసీఆర్ ప్రెస్‌మీట్‌పై కౌంటర్లు పడుతున్నాయి. తాజాగా.. కేంద్రమంత్రి కిషన్ రెడ్డి కేసీఆర్‌కు కౌంటర్ ఇచ్చారు. పాత ముచ్చటే మళ్లీమళ్లీ చెప్పారని సెటైర్లు వేశారు.

 

కేంద్రమంత్రి కిషన్ రెడ్డి

ప్రధానాంశాలు:

  • దేశ రాజకీయాల్లో ప్రకంపనలు సృష్టించిన కేసీఆర్
  • బీజేపీని దోషిగా నిలబెట్టే ప్రయత్నం చేసిన సీఎం
  • సీఎం కేసీఆర్‌కు కేంద్రమంత్రి కిషన్ రెడ్డి కౌంటర్లు
Kishan Reddy: దేశంలో ప్రజాస్వామ్యాన్ని బీజేపీ హత్య చేస్తోందని.. తెలంగాణ ముఖ్యమంత్రి కల్వకుంట్ల చంద్రశేఖర్ రావు సంచలన ఆరోపణలు చేశారు. ఎక్కడినుంచో హైదరాబాద్‌కు వచ్చి.. తమ ఎమ్మెల్యేలను కొనుగోలు చేసి.. ప్రభుత్వాన్ని కూల్చే ప్రయత్నం చేశారని వివరించారు. తమ రాజధానికి వచ్చి ఇలాంటి పనులు చేస్తే.. చూస్తూ ఊరుకోవాలా అని ప్రశ్నించారు. కేవలం తెలంగాణ మాత్రమే కాకుండా.. ఢిల్లీ, రాజస్థాన్, ఆంధ్రప్రదేశ్ రాష్ట్రాల్లోనూ బీజేపీ ఇదే పని చేస్తోందని సంచలన ఆరోపణలు చేశారు. కేసీఆర్ చేసిన ఆరోపణలపై కేంద్రమంత్రి కిషన్ రెడ్డి ఘాటుగా స్పందించారు.

‘తెలంగాణలో ప్రజాస్వామ్యాన్ని, ప్రజాస్వామ్య వ్యవస్థలను ఖూనీ చేస్తున్న ముఖ్యమంత్రి.. దేశంలో ప్రజాస్వామ్యం గురించి ఆవేదన వ్యక్తం చేస్తున్నట్లు నటించడం హాస్యాస్పదం. సొంత పార్టీనేతలతో కలిసి అందమైన అబద్ధాన్ని వీడియో తీసి ఇదే నిజం అని చెప్పేందుకు కేసీఆర్ తీవ్రంగా ప్రయత్నించారు. ఇది రోజురోజుకూ ఆయనలో పెరుగుతున్న అసహనానికి, అభద్రతా భావానికి నిదర్శనం. రాష్ట్రంలో కల్వకుంట్ల కుటుంబానికి, టీఆర్ఎస్ పార్టీకి ప్రజల్లో ఆదరణ తగ్గిపోతోందన్న ఆవేదనతో, తీవ్ర అసహనంతో మీడియా ముందుకు వచ్చిన ఫాంహౌస్ ముఖ్యమంత్రి.. పాత ముచ్చటనే పదే పదే చెప్పారు’ అని కిషన్ రెడ్డి సెటైర్లు వేశారు.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button