News

kavitha, ‘బతుకమ్మ అంటూ బతక నేర్చింది’.. చెల్లెమ్మ అనడానికి సిగ్గనిపిస్తుంది.. కవితపై మధు యాష్కీ కామెంట్స్ – madhu yashki comments on trs mlc kavitha over liquor scam


తెలంగాణ ఉద్యమంలోకి కేసీఆర్ కుటుంబ సభ్యులు జొర్రిండ్రంటూ కాంగ్రెస్ పార్టీ క‌మిటీ చైర్మన్ మ‌ధు యాష్కీ గౌడ్ మధు యాష్కి ఆరోపించారు. తెలంగాణ ఉద్యమ సమయంలో అమెరికాలో ఉన్న కేటీఆర్ ఉద్యమంలోకి జొర్రినాడని.. చెల్లెలు కవితమ్మ బతుకమ్మ అంటూ బతక నేర్చిందంటూ ఆయన సెటైర్లు వేశారు. ఈ మేరకు విలేకర్ల సమావేశంలో ఆయన మాట్లాడుతూ తెలంగాణ ఉద్యమ ముసుగలో, తెలంగాణ ప్రజల ఆకాంక్షను అడ్డం పెట్టుకుని కేసీఆర్ కుటుంబం అధికారంలోకి వచ్చిందంటూ విమర్శించారు.

“తెలంగాణను దోచుకునేందుకే టీఆర్ఎస్‌ను ఏర్పాటు చేసిన కేసీఆర్.. టీఆర్ఎస్ ఏర్పాటుకు జాగా ఇచ్చిన కొండా లక్ష్మణ్ బాపూజీ సహ అందరినీ మోసం చేశారు. తెలంగాణ రాష్ట్రం వచ్చినంక కూడా నిరుద్యోగులకు ఉద్యోగాలు రాలేదు. అమరుల కుటుంబాలకు కనీసం ఆర్థక సహాయం కూడా చేయలేదు. ఉద్యమానికి ద్రోహం చేసిన వారిని ప్రభుత్వంలో చేర్చుకున్నాడు. బహుజన బిడ్డలకు గొర్లు, బర్లు, తాటి, ఈతచెట్లు, చేప పిల్లల పెంపకం చేసుకొమ్మని చెబుతున్నారు. యువతను మత్తు పానియాలకు బానిసలుగా మార్చుతున్నారు. ఉమ్మడి రాష్ట్రంలో రూ. 10 వేల కోట్ల ఆదాయం ఉంటే.. తెలంగాణ వచ్చినంక ఈ ఎనిమిదేళ్లలో మద్యం ఆదాయం లక్ష 35 వేల కోట్ల రూపాయల ప్రజల రక్తాన్ని పీల్చారు. దేశంలోనే అత్యధిక లిక్కర్ సేల్స్ రాష్ట్రంగా కేసీఆర్ మార్చారు” అని మధు యాష్కీ ఆరోపించారు.

కవితమ్మను చెల్లెలు అని చెప్పుకోవడానికి కూడా సిగ్గనిపిస్తోందని.. తెలంగాణ వచ్చిన తర్వాత చనిపోయిన రైతు కుటుంబాలకు నెలకు రూ.5 వేలు పింఛన్ జాగృతి సంస్థ నుంచి ఇస్తానని చెప్పి రూ.300 కోట్ల వసూలు చేసి మోసం చేశారంటూ మధు యాష్కి విమర్శించారు. ఒక మహిళగా లిక్కర్ దందాలో చేయడానికి సిగ్గనిపించడం లేదాగా అంటూ ఘాటు వ్యాఖ్యలు చేశారు. ఢిల్లీ లీక్కర్ స్కామ్ కేసీఆర్ కుమార్తె ఉందని బీజేపీ ఎంపీ ఆరోపణలు చేస్తే.. కవితనే ప్రత్యేక విమానాల్లో వచ్చిన డబ్బులు ఏర్పాటు చేశారని మరో బీజేపీ నాయకుడు ఆరోణలు చేశారని మధు యాష్కి అన్నారు.

“కేసీఆర్ ముఖ్యమంత్రి కాగానే నా కొడుకు, బిడ్డపైనా అవినీతి ఆరోపణలు వస్తే క్షమించను, చర్యలు తీసుకుంటానని ప్రకటించాడు. ఈ రోజు కవిత మీడియాతో మాట్లాడుతూ.. బీజేపీ నాయకులు చేసిన ఆరోపణలను ఎక్కడా ఖండించలేదు. కేసీఆర్‌కు ఏమైనా చిత్తశుద్ధి ఉంటే వెంటనే కవితతో ఎమ్మెల్సీ పదవికి రాజీనామా చేయించి.. విచారణకు పూర్తి సహకరించాలని డిమాండ్ చేస్తున్నా. తెలంగాణ ముఖ్యమంత్రి బిడ్డపై తీవ్ర ఆరోపణలు చేసిన బీజేపీ నాయకులకు నేను ఒక్కటే డిమాండ్ చేస్తున్నా. ఇందులో కవిత వాటా ఎంత, చెట్ల సంతోష్ వాటా ఎంత? అనేది స్పష్టంగా చెప్పాలి. మనీలాండరింగ కూడా ఈ కేసులో ఉంది కాబట్టి, సీబీఐతో పాటు ఈడీతో విచారణ జరిపించాలి” అని మధు యాష్కి డిమాండ్ చేశారు.

Related Articles

Back to top button