News

Karthika Deepam Rating, Telugu TV Serials Rating: కార్తీకదీపం కల్లాస్.. రేటింగ్‌లో నెం.1 స్థానం గోవిందా.. గత ఆరేళ్లలో ఇదే తొలిసారి – guppedantha manasu serial beats karthika deepam serial trp rating


కార్తీకదీపం సీరియల్ అంటే బుల్లితెర బాహుబలి.. జాతీయ స్థాయిలో 21.07 రేటింగ్‌తో ఇండియాలో నెంబర్ 1 సీరియల్‌గా చరిత్ర కెక్కి.. గత ఆరేళ్లుగా టీఆర్పీ రేటింగ్ పట్టికలో నెంబర్ 1 స్థానంలో కొనసాగుతున్న కార్తీకదీపం సీరియల్‌కి గడ్డు పరిస్థితులు ఎదురయ్యాయి. ఒకప్పుడు కార్తీకదీపం సీరియల్‌కి మిగిలిన సీరియల్‌కి వ్యత్యాస సగానికి సగం ఉండేది. అయినప్పటికీ కూడా కార్తీకదీపమే రేటింగ్ పట్టికలో ముందు ఉండేది.

దీప, కార్తీక్‌లను చంపేసి నెక్స్ట్ జనరేషన్ కథను మొదలుపెట్టినప్పుడు కూడా.. కార్తీకదీపమే నెంబర్ 1. కానీ ఇప్పుడు కార్తీకదీపం సీరియల్‌ హిస్టరీలోనే తొలిసారిగా రెండో స్థానానికి పడిపోయింది. సెప్టెంబర్ 3-సెప్టెంబర్ 9 వరకూ తాజాగా ప్రకటించిన బార్క్ రేటింగ్‌లో కార్తీకదీపం సీరియల్‌ 10.75కి పడిపోయి రెండే స్థానంకి పరిమితం అయ్యింది. అయితే కార్తీకదీపం సీరియల్‌గా గత కొన్నాళ్లుగా గట్టి పోటీ ఇస్తున్న ‘గుప్పెడంత మనసు’ 11.91 రేటింగ్‌తో అగ్రస్థానంలో నిలిచింది (Guppedantha Manasu Trp Rating).

నెక్స్ట్ జనరేషన్ కథ బెడిసి కొట్టడంతో.. మళ్లీ డాక్టర్ బాబు వంటలక్కల్ని సీరియల్‌లోకి తీసుకుని వచ్చారు. అయితే మళ్లీ ముద్దుల మొగుడు కోసం కొట్టుకునే ఇద్దరు పెళ్లాల కథ.. ఆడియన్స్‌కి బోర్ కొట్టడం కార్తీకదీపం రేటింగ్ పడిపోవడానికి ఒక కారణం అయితే.. అంతకు మించిన బలమైన కారణం మరొకటి ఉంది.

స్టార్ మా ఛానల్‌లో సెప్టెంబర్ 4న బిగ్ బాస్ సీజన్ 6 ప్రారంభం అయినది. అప్పటి నుంచి గుప్పెడంత మనసు సీరియల్‌ని ఉదయం 6 గంటలకు హాట్ స్టార్‌లో స్ట్రీమింగ్ చేయడం మానేశారు. నిజానికి స్టార్ మా ఛానల్‌లో వచ్చే సీరియల్స్ కోసం హాట్ స్టార్‌ ప్లాన్స్ తీసుకున్నారు చాలామంది. ఎందుకంటే.. స్టార్ మా ఛానల్‌లో రాత్రి వచ్చే సీరియల్స్ అన్నీ.. హాట్ స్టార్‌లో ఉదయం 6 గంటలకే స్ట్రీమింగ్ చేస్తారు. ఎప్పుడో రాత్రి వరకూ వెయిట్ చేయాల్సిన పని లేకుండా హాట్ స్టార్‌లోనే సీరియల్స్ అన్నీ చూసేవారు.

అయితే ఎప్పుడైతే బిగ్ బాస్ మొదలైందో.. అప్పటి నుంచి ‘గుప్పెడంత మనసు’ సీరియల్‌ని హాట్ స్టార్‌లో ఉదయం 6 గంటలకు స్ట్రీమింగ్ చేయడం మానేశారు. దీంతో ఈ సీరియల్ ఫ్యాన్స్ తీవ్ర నిరాశ చెందుతుండగా.. రాత్రి వరకూ ఈ సీరియల్ కోసం వెయిట్ చేస్తున్నారు. కార్తీకదీపం ఇతర సీరియల్స్‌ని హాట్ స్టార్‌లో చూసే అవకాశం ఉంది కానీ.. ‘గుప్పెడంత మనసు’ మాత్రం రాత్రి తరువాతే స్ట్రీమింగ్ చేస్తున్నారు. దీంతో ఒక్కసారిగా ‘గుప్పెడంత మనసు’ సీరియల్‌ని టీవీలో చూసే వారి సంఖ్య రెట్టింపు అయ్యింది. దీంతో ఆ సీరియల్ రేటింగ్ కూడా భారీగా పెరిగి.. నెంబర్ 1 స్థానంలో ఉన్న కార్తీకదీపం సీరియల్‌ని వెనక్కి నెట్టింది. ఒకవేళ హాట్ స్టార్‌లో ‘గుప్పెడంత మనసు’ సీరియల్ స్ట్రీమింగ్ అయితే మాత్రం ఈ లెక్కలు మారేవి కాదు అనడానికి కూడా లేదు.

ఎందుకంటే.. ప్రస్తుతం స్టార్ మా ఛానల్‌లో ప్రసారం అవుతున్న సీరియల్స్‌లో ‘గుప్పెడంత మనసు’ సీరియల్ మాత్రమే చూడొచ్చు అనేట్టుగా ఉంది. ప్యూర్ లవ్ స్టోరీ అండ్ ఎమోషనల్ డ్రామాకి తోడు.. ఈ సీరియల్‌లోని రిషి, వసుధార, జగతి, మహేంద్ర పాత్రలు ప్రేక్షకుల్ని మెప్పించే విధంగా ఉన్నాయి. సోది డ్రామాలతో చిరాకు పుట్టించకుండా వాస్తవాలకు దగ్గరగా ఈ సీరియల్‌లోని పాత్రలు ఉండటంతో ఆడియన్స్‌కి దగ్గరౌతోంది గుప్పెడంత మనసు. ఏదైతేనేం.. మొత్తానికి బుల్లితెర బాహుబలి అంటే నిన్నటి వరకూ కార్తీకదీపం సీరియల్.. కానీ ఇప్పుడు గుప్పెడంత మనసు (Guppedantha Manasu).

టీవీ సీరియల్స్ తాజా రేటింగ్స్

Advertisement

Related Articles

Back to top button