News

kantara ott release date, Kantara OTT డీల్ క్యాన్సిల్? పునరాలోచనలో పడిన మేకర్స్ – kannada blockbuster ‘kantara’ producer called off a major ott deal?


Authored by Rajendra Galeti | Samayam Telugu | Updated: 29 Oct 2022, 3:52 pm

Kantara గత నెల రోజుల నుంచి థియేటర్లలో సందడి చేస్తోంది. ఆ సినిమాలో రిషబ్ శెట్టి నటకకి ప్రేక్షకులు ఫిదా అయిపోయారు. భాష, ప్రాంతంతో సంబంధం లేకుండా ఈ మూవీకి ప్రేక్షకులు బ్రహ్మరథం పడుతున్నారు. ఈ నేపథ్యంలో…?

 

కాంతార ఓటీటీ అప్‌డేట్

ప్రధానాంశాలు:

  • కాంతార మూవీ ఓటీటీ డీల్‌పై అప్‌డేట్
  • నవంబరు 4 నుంచి స్ట్రీమింగ్ కాబోతున్నట్లు ప్రచారం
  • ఇంకా థియేటర్లలో సక్సెస్‌ఫుల్‌గా నడుస్తున్న కాంతార
  • పునరాలోచనలో పడిన కాంతార మేకర్స్
విడుదలైన అన్ని భాషల్లోనూ సూపర్ హిట్‌గా నిలిచిన ‘కాంతార’ (Kantara) మూవీ ఓటీటీ డీల్ క్యాన్సిల్ అయినట్లు వార్తలు వస్తున్నాయి. కర్ణాటక‌లోని తుళునాడులో ఉన్న ఏళ్ల నాటి సంప్రదాయం ‘భూతకోల’ బ్యాక్‌డ్రాప్‌ వచ్చిన ఈ మూవీ ఫస్ట్ కన్నడలో మాత్రమే రిలీజైంది. రూ. 15-16 కోట్ల బడ్జెట్‌తో రూపొందిన ఈ సినిమా సెప్టెంబరు 30న కర్ణాటకలో రిలీజై బ్లాక్ బాస్టర్ హిట్‌గా నిలిచింది. దాంతో తెలుగు, తమిళ్, మలయాళం, హిందీ భాషల్లో కూడా అక్టోబరు 15న రిలీజ్ చేశారు.

కాంతార మూవీ (Kantara Movie) రిలీజైన తర్వాత చాలా సినిమాలు ఈ ఐదు భాషల్లోనూ వచ్చాయి. కానీ.. కాంతార కలెక్షన్ల ముందు అవి తేలిపోయాయి. ఒక్క తెలుగులోనే ఈ కాంతార మూవీ ఏకంగా రూ.45 కోట్లు కలెక్ట్ చేసినట్లు ట్రేడ్ వర్గాల సమాచారం. ఈ మూవీని తెలుగులో అల్లు అరవింద్ కేవలం రూ. 2 కోట్లకి కొనుగోలు చేశారు. అలానే తమిళ్‌లో సూపర్ స్టార్ రజనీకాంత్ స్వయంగా మూవీ చూసి తనదైన స్టైల్‌లో రివ్యూ కూడా ఇచ్చారు. దెబ్బకి అక్కడ కూడా కలెక్షన్లు క్రమంగా పెరుగుతున్నట్లు కనిపిస్తోంది. ఓవరాల్‌గా అన్ని భాషల్లో కాంతార మూవీ ఇప్పటికే రూ.200 కోట్లకి పైగా వసూళ్లు రాబట్టినట్లు తెలుస్తోంది.

కాంతార మూవీ ఓటీటీ రైట్స్‌ని అమెజాన్ ప్రైమ్ భారీ ధరకి కొనుగోలు చేసినట్లు వార్తలు వచ్చాయి. అంతేకాకుండా నవంబరు 4 నుంచి అమెజాన్‌లో స్ట్రీమింగ్ కాబోతున్నట్లు కూడా ప్రచారం జరిగింది. కానీ థియేటర్లలో ఇప్పటికీ హౌస్ ఫుల్ కలెక్షన్లతో నడుస్తున్న కాంతార మూవీ కాస్త లేట్‌గా ఓటీటీలోకి వస్తే బాగుంటుంది అని ఆ మూవీ మేకర్స్ హోంబలే ఫిలిమ్స్ భావిస్తోంది. కానీ అమెజాన్ మాత్రం మునుపటి డీల్ ప్రకారం నవంబరు 4న స్ట్రీమింగ్ చేసేందుకు సిద్ధమైందట. దాంతో ఓటీటీ డీల్ క్యాన్సిల్ చేసుకోవాలని హోంబలే ఫిలిమ్స్ నిర్ణయించుకున్నట్లు సమాచారం. అయితే ఈ విషయమై ఇటు ఓటీటీ ప్లాట్‌ఫామ్ అటు కాంతార మేకర్స్ ఇంకా అధికారిక ప్రకటన చేయలేదు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button