News

kantamaneni uma maheswari family details, NTR Daughter: ఉమామహేశ్వరి మంచి మనసు.. చివరి కోరిక తీర్చిన కుటుంబసభ్యులు – ntr daughter kantamaneni uma maheswari death and family details


మాజీ ముఖ్యమంత్రి దివంగత ఎన్టీఆర్ చిన్న కుమార్తె కంఠమనేని ఉమామహేశ్వరి హఠాన్మరణ వార్త తెలుగు రాష్ట్రాల ప్రజలను దిగ్భ్రాంతికి గురిచేసింది. ఆమె ఆత్మహత్య చేసుకున్నారన్న వార్త (NTR Daughter Death) సామాన్యులతో పాటు ప్రముఖులను కలవరపాటుకు గురిచేస్తోంది. ఉస్మానియా ఆస్పత్రి మార్చురీలో ఉమామహేశ్వరి పార్థీవదేహానికి వైద్యులు పోస్టుమార్టం నిర్వహించారు. ఉరి వేసుకోవడం వల్ల ఆమె మరణించినట్లు ప్రాథమికంగా భావిస్తున్నట్లు వైద్యులు తెలిపారు. పోస్టుమార్టం నివేదిక రెండు రోజుల్లో రానుంది. పోస్టుమార్టం అనంతరం ఉమా మహేశ్వరి పార్థీవదేహాన్ని కుటుంబసభ్యులకు అప్పగించారు. ఉస్మానియా ఆస్పత్రి నుంచి ఉమామహేశ్వరి మృతదేహాన్ని జూబ్లీహిల్స్‌లోని నివాసానికి తరలించారు.

సోమవారం (ఆగస్టు 1) ఉదయం 10 గంటల తర్వాత ఉమామహేశ్వరి తన గదిలోకి వెళ్లారని పని మనిషి తెలిపారు. 12 గంటలకు వెళ్లి తలుపు తట్టగా.. లోపల నుంచి గడియ పెట్టకున్నట్లు గమనించడంతో వెనక్కి వచ్చినట్లు ఆమె చెప్పారు. అనంతరం 12.45 గంటల సమయంలో మరోసారి తలుపు తట్టగా లోపల నుంచి స్పందన రాకపోవడంతో ఉమామహేశ్వరి కుమార్తె దీక్షితకు సమాచారం అందించినట్లు తెలిపారు.

ఉమామహేశ్వరికి ఇద్దరు కూతుళ్లు కాగా.. పెద్ద కుమార్తె విశాల అమెరికాలో ఉంటున్నారు. ఇటీవలే వివాహమైన చిన్న కుమార్తె దీక్షిత బాచుపల్లిలో నివాసం ఉంటున్నారు. దీక్షిత తన భర్తతో కలిసి ఆదివారం రాత్రే తన పుట్టింటికి వచ్చారు. సోమవారం మధ్యాహ్నం ఒంటి గంట తర్వాత తన తల్లి ఉన్న గది తలుపులను బలవంతంగా తెరిచి చూడగా.. ఆమె చున్నీకి వేళాడుతూ ఉన్నారని దీక్షిత తెలిపారు. చున్నీని కట్ చేసి కిందకి దింపినట్లు దీక్షిత, ఆమె భర్త తెలిపారు.

అనంతరం బాలకృష్ణకు, చంద్రబాబు నాయుడుకి, దగ్గుబాటి వేంకటేశ్వర రావుకు ఫోన్ చేసి సమాచారం అందించినట్లు దీక్షిత తెలిపారు. జూబ్లీహిల్స్ పోలీసులకు సమాచారం అందించడంతో వారు 2.30 గంటల ప్రాంతంలో నివాసానికి చేరుకొని పరిశీలించారు. ఉమామహేశ్వరి మృతదేహాన్ని ఉస్మానియా ఆస్పత్రికి తరలించి పోస్టుమార్టం నిర్వహించారు.

తన తల్లి కొంత కాలంగా అనారోగ్య సమస్యలతో మానసికంగా ఒత్తిడికి గురవుతున్నారని దీక్షిత తెలిపారు. రోజూలాగే గదిలోకి వెళ్లి నిద్ర పోతున్నారని భావించామని ఆమె చెప్పారు. దీక్షిత ఫిర్యాదు మేరకు జూబ్లీహిల్స్ పోలీసులు అనుమానాస్పద మృతిగా కేసు నమోదు చేశారు. ఉమామహేశ్వరి గత కొంత కాలంగా యాంటీ డిప్రెషన్‌తో పాటు మెడికేషన్‌లో ఉన్నట్లు తెలుస్తోంది.

ఉమామహేశ్వరి భర్త శ్రీనివాసరావు వ్యాపార లావాదేవీల నిమిత్తం వెళ్లారు. గత 3 రోజుల నుంచి ఇంట్లో లేరు. ఇవాళ 3 గంటల సమయంలో నివాసానికి చేరుకున్నారు. శ్రీనివాసరావు గతంలో అమెరికాలోని ఓ యూనివర్సిటీలో ప్రొఫెసర్‌గా పనిచేసి రిటైర్‌ అయ్యారు. ఆ తర్వాత వారు హైదరాబాద్‌కు షిఫ్ట్‌ అయ్యారు. ఉమామహేశ్వరి ఆత్మహత్యకు పాల్పడిన సమయంలో ఇంట్లో అల్లుడు, కూతురు, భర్త సోదరి, వంట మనిషి, పని మనుషులు ఉన్నారు.

ఉమామహేశ్వరి నేత్రదానం.. భౌతికకాయానికి ఎంబామింగ్
ఉమామహేశ్వరి భౌతికకాయానికి ఉస్మానియా ఆస్పత్రి డాక్టర్లు ఎంబామింగ్‌ ప్రక్రియ నిర్వహించారు. ఆమె పెద్ద కుమార్తె విశాల అమెరికా నుంచి రావాల్సి ఉండటంతో అంత్యక్రియలు ఆలస్యమయ్యే అవకాశం ఉంది. ఈ నేపథ్యంలో ఆమె భౌతికకాయానికి ఎంబామింగ్‌ నిర్వహించారు. మరోవైపు.. ఉమామహేశ్వరి చాలా మంచి వారని, ఎవరినీ పల్లెత్తు మాట కూడా అనేవారు కారని బంధువులు, పనివాళ్లు చెబుతున్నారు. ఉమామహేశ్వరి కోరిక ప్రకారం.. ఆమె నేత్రాలను కుటుంబ సభ్యులు దానం చేశారు.

శునకంపై ఈ దంపతులకు ఎంత ప్రేమ.. విగ్రహం, ఏటా వర్ధంతి
ఆస్పత్రిలో బురద క్లీన్ చేస్తుంటే కాటేసిన పాము.. మహిళ పరిస్థితి విషమం

Advertisement

Related Articles

Back to top button