News

Kamareddy road accident, రోడ్లపై ధాన్యం పోస్తున్నారా.. ఎంత ఘోరం జరిగిందో చూశారా! – woman killed in road accident in kamareddy as bike hits rice heap


Authored by Sreenu Gangam | Samayam Telugu | Updated: 4 Nov 2022, 11:58 pm

Kamareddy woman death: కామారెడ్డి జిల్లా గాంధారి మండలంలో దిగ్భ్రాంతికర ఘటన చోటు చేసుకుంది. రోడ్డుపై ఆరబోసిన వడ్ల కుప్ప ఓ మహిళ ప్రాణాన్ని బలి తీసుకుంది. బంధువుల ఇంటికి వెళ్లిన మహిళ.. తన మేనల్లుడితో కలిసి బైక్‌పై వస్తుండగా, రాత్రి సమయం కావడంతో రోడ్డుపై పోసిన వరి కుప్ప కనిపించగా బైక్ ప్రమాదానికి గురైంది. తీవ్రంగా గాయపడిన మహిళ ఆస్పత్రికి తరలిస్తుండగా మధ్యలోనే మరణించింది. ఆ కుటుంబంలో విషాదం నెలకొంది.

 

మృతురాలు కాశవ్వ

రోడ్లపై ధాన్యాన్ని ఆరబోసే దృశ్యాలు తరచూ చూస్తుంటాం.. పంటల నూర్పిడి సమయంలో ఇలాంటి దృశ్యాలు ఎక్కువగా కనిపిస్తుంటాయి. అలా రహదారిపై ఆరబోసిన ధాన్యం కుప్ప ఓ నిండు ప్రాణాన్ని బలి తీసుకుంది. కామారెడ్డి జిల్లా గాంధారి మండలం మొండిసడక్‌‌లో ఈ విషాదం చోటు చేసుకుంది. సర్వాపూర్‌కు చెందిన పిట్ల కాశవ్వ (56) అనే మహిళ బుధవారం (నవంబర్ 2) రాత్రి తన మేనల్లుడు కాశీరాంతో కలిసి బైక్‌పై బాన్సువాడలోని తన బంధువుల ఇంటి నుంచి బయల్దేరి వస్తోంది. మొండిసడక్‌ సమీపంలో రోడ్డుపై కొంత మంది రైతులు ధాన్యం కుప్పలను పోశారు. రాత్రి సమయం కావడంతో చీకట్లో అవి కనిపించక వీరు ప్రయాణం చేస్తున్న బైక్ ప్రమాదానికి గురైంది.

రోడ్డుపై పడిన కాశవ్వ తలకు తీవ్ర గాయమైంది. చికిత్స నిమిత్తం నిజామాబాద్‌ ప్రభుత్వ ఆసుపత్రికి తరలిస్తుండగా మార్గమధ్యంలోనే ఆమె మృతి చెందింది. దీంతో ఆమె కుటుంబంలో తీవ్ర విషాదం నెలకొంది. ఈ ఘటనతో రోడ్లపై ధాన్యం కుప్పలను పోస్తున్న వ్యవహారం స్థానికంగా చర్చనీయాంశంగా మారింది.

నచ్చలేదు.. కన్నకూతురినే చంపేసిన తండ్రి, విశాఖలో దారుణం

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Advertisement

Related Articles

Back to top button