News

joe biden, అమెరికా అధ్యక్షుడి ‘మతిమరుపు’ తిప్పలు.. మళ్లీ ఏం చేశారో చూశారా! – us president joe biden appears lost on stage after address, video goes viral


ఆయన అగ్రరాజ్యానికి అధ్యక్షుడు (Joe Biden). వయస్సు 80 ఏళ్లు. నిపుణుడు, అనువజ్ఞుడైన నేత కావడంతో దేశాన్ని మరింత ముందుకు తీసుకెళ్తారనే విశ్వాసంతో అమెరికన్లు ఆయణ్ని మంచి మెజార్టీతో గెలిపించారు. అందుకు తగ్గట్టే తనదైన శైలిలో పనిచేస్తున్నారు. కానీ, ఆయన పాపం కాస్త అల్జీమర్స్ (మతిమరుపు) వ్యాధితో ఇబ్బంది పడుతున్నారు. తరచూ అది ఇబ్బంది పెడుతోంది. ఏ స్థాయిలో అంటే.. ద్వైపాక్షిక సమావేశాల్లో ఎదురుగా కూర్చున్న దేశాధినేత పేరే మర్చిపోతారు. ప్రసంగించేందుకు పోడియం వద్దకు వచ్చి మాట్లాడాల్సిన టాపిక్ మర్చిపోతారు. ఒక దేశం పేరు ప్రస్తావించబోయి మరొక దేశం పేరు చెబుతారు. అవును.. ఇదంతా అమెరికా అధ్యక్షుడు జో బైడెన్‌కు వచ్చిన తిప్పలే. సాధారణంగా ఇది చిన్న విషయమే కానీ, ఆయన అగ్రరాజ్యానికి అధ్యక్షుడు కావడం వల్ల బాగా హైటైల్ అవుతోంది. తాజాగా మతిమరుపుతో ఆయన తిప్పలు పడిన వీడియో ఒకటి వైరల్ అవుతోంది.

న్యూయార్క్‌లో గ్లోబల్‌ ఫండ్స్‌కు చెందిన సమావేశంలో బుధవారం (సెప్టెంబర్ 21) జో బైడెన్ కీలక ప్రసంగం చేశారు. అయితే, ప్రసంగం ముగించే సమయానికి తాను ఏ వైపు నుంచి స్టేజీ పైకి వచ్చాననే విషయం మర్చిపోయారు. పోడియం దగ్గరి నుంచి అనుమానంగా నడుచుకుంటూ వెళ్లి ఆగిపోయారు. ఏ వైపు నుంచి దిగాలో తెలియక ఇబ్బంది పడ్డారు. అక్కడున్న వాళ్లెవరైనా సాయం చేస్తారేమో అని చూస్తుంటే.. ఆ తర్వాత వచ్చిన వక్త ఆయనకు ధన్యవాదాలు చెబుతూ ప్రసంగం కొనసాగించారు. జో బైడెన్ తికమకపడుతూ గందరగోళానికి గురైన దృశ్యాలు ఇంటర్నెట్‌లో వైరల్ అయ్యాయి.

ఎయిడ్స్, మలేరియా, టీబీ లాంటి వ్యాధుల నియంత్రణ కోసం ఏర్పాటు చేసిన నిధి (Global Fund)కి విరాళాల సేకరణ కోసం నిర్వహించిన ఈ కార్యక్రమానికి అనూహ్య స్పందన వచ్చింది. రికార్డు స్థాయిలో 14.25 బిలియన్ల డాలర్లు సమీకరించగలిగారు. ఇందుకు సహకరించిన ప్రతి ఒక్కరికీ జో బైడెన్ కృతజ్ఞతలు తెలిపారు. ఆ తర్వాత వేదికపై ఈ ఘటన చోటుచేసుకుంది.

ఆగస్టు నెలలో ఇలాంటిదే మరో ఘటన చోటు చేసుకుంది. ‘చిప్స్ అండ్ సైన్స్ చట్టం’పై సంతకం చేసే కార్యక్రమంలో సెనేట్‌ మెజార్టీ లీడన్‌ చక్‌ షూమర్‌ అందరికీ షేక్‌ హ్యాండ్‌ ఇచ్చారు. అందరికంటే ముందుగా బైడెన్‌కు షేక్‌హ్యాండ్‌ ఇచ్చి, ఆ తర్వాత పోడియం వద్ద ఉన్న మిగతావారికి షేక్ హ్యాండ్ ఇచ్చారు. క్షణాల వ్యవధిలోనే తనకు షేక్‌హ్యాండ్ ఇచ్చిన విషయం మర్చిపోయారు బైడెన్. షేక్ హ్యాండ్ పొజిషన్‌లో నిల్చొని ఎదురుచూశారు. వెనక్కి తిరిగిన లీడన్ తన ప్రసంగాన్ని మొదలుపెట్టారు. అప్పుడు గానీ బైడెన్.. ముందుకు చాచిన తన చేతిని కిందకి దించలేదు.

ఇక ఉక్రెయిన్‌ – రష్యా మధ్య యుద్ధం నేపథ్యంలో మీడియాతో మాట్లాడేందుకు వచ్చిన బైడెన్.. అడ్డంగా బుక్కయ్యారు. రష్యా అధ్యక్షుడు పుతిన్‌ పేరునే మర్చిపోయారు. తనతో పాటు ఉన్న ఆమెరికా ఉపాధ్యక్షురాలు కమలా హారిస్‌ను దేశ ప్రథమ మహిళ అని సంబోధించి మరింత గందరగోళానికి కారణమయ్యారు. ఈ వీడియోపై కొంత మంది మీమర్స్ సెటైర్ల వర్షం కురిపించారు.

దేశాధినేతల వర్చువల్ భేటీలో మాట్లాడుతూ.. ఆస్ట్రేలియా ప్రధాని పేరు మర్చిపోయిన బైడెన్ ఇబ్బంది పడిన తీరు ఆ మధ్య వైరల్‌గా మారింది. చైనా దూకుడుకు కళ్లెం వేసే లక్ష్యంతో యూఎస్‌, బ్రిటన్, ఆస్ట్రేలియా మధ్య కీలక రక్షణ ఒప్పందం కుదిరింది. ఇందులో భాగంగా కిందటేడాది సెప్టెంబర్ 15న అమెరికా అధ్యక్షుడు జో బైడెన్, బ్రిటన్, ఆస్ట్రేలియా ప్రధానులు బోరిస్‌ జాన్సన్‌, స్కాట్ మోరిసన్ మధ్య వర్చువల్ సమావేశం జరిగింది. ఆ సమయంలో బైడెన్.. ఆస్ట్రేలియా ప్రధాని పేరు మోరిసన్ పేరు మర్చిపోయారు.

ఫుడ్‌ డెలివరీ చేసేందుకు వచ్చి.. యువతికి ముద్దు పెట్టాడు!
Injection Killing: ఖమ్మంలో మరో ఇంజెక్షన్ హత్య

పోలీసులు లేకుంటే చనిపోయేదాన్ని: జింఖానా బాధితురాలు

Advertisement

Related Articles

Back to top button