News

jd lakshhmi narayana, జగన్ సర్కార్ ఇలా చేస్తే బావుంటుంది.. జేడీ లక్ష్మీనారాయణ రిక్వెస్ట్ – cbi former jd lakshminarayana ineteresting comments on ap high court benches


Authored by Thirumala Babu | Samayam Telugu | Updated: 29 Oct 2022, 11:49 am

సీబీఐ మాజీ జేడీ లక్ష్మీనారాయణ (Jd Lakshhmi Narayana) మరోసారి ఆసక్తికర వ్యాఖ్యలు చేశారు. అమరావతిలో మూడు రాజధానులపై చర్చ జరుగుతున్న వేళ ఆసక్తికరంగా మారిన లక్ష్మీనారాయణ ట్వీట్. ఆయన మూడు రాజధానులపై తన అభిప్రాయాన్ని చెప్పారా.. సీబీఐ మాజీ జేడీ ఏం చెప్పాలనుకున్నారు. చర్చీనీయాంశమైన లక్ష్మీనారాయణ ట్వీట్. కేవలం హైకోర్టుకు సంబంధించి మాత్రమే ఈ ఆలోచన చేశారా.. జగన్ సర్కార్ వీవీ లక్ష్మీనారాయణ చేసిన ప్రతిపాదనను పరిగణలోకి తీసుకుంటుందా..

 

ప్రధానాంశాలు:

  • లక్ష్మీనారాయణ ఆసక్తికర ట్వీట్ చేశారు
  • సరికొత్త ప్రతిపాదనను తీసుకొచ్చారు
  • మూడు రాజధానులకు ప్రత్యామ్నాయమా?
ఆంధ్రప్రదేశ్ రాజకీయాలు మూడు రాజధానులు, అమరావతి చుట్టూ తిరుగుతున్నాయి. వికేంద్రీకరణలో భాగంగానే మూడు రాజధానుల నిర్ణయమని వైఎస్సార్‌సీపీ చెబుతుంటే.. అమరావతి మాత్రమే ఏకైక రాజధానిగా ఉండాలనేది టీడీపీ వాదన. అమరావతి రైతుల పాదయాత్రకు టీడీపీతో పాటూ మిగిలిన పార్టీలు మద్దతు తెలిపితే.. మూడు రాజధానలకు మద్దతుగా వైఎస్సార్‌సీపీ కార్యక్రమాలు చేపడుతోంది. అలాగే అమరావతి రైతుల యాత్రపై నిరసనలు కొనసాగుతున్నాయి. వికేంద్రీకరణకు మద్దతుగా ర్యాలీలు, సభలు నిర్వహిస్తున్నారు.

మూడు రాజధానులు, అమరావతి సంగతి అలా ఉంటే సీబీఐ మాజీ జేడీ లక్ష్మీనారాయణ (Jd Lakshhmi Narayana) ఆసక్తికర వ్యాఖ్యలు చేశారు. సరికొత్త లాజిక్‌ను తెరపైకి తెచ్చారు. ‘సత్వర న్యాయం మరియు సౌలభ్యం కోసం ఆంధ్రప్రదేశ్ లో గౌ|| హైకోర్టు యొక్క ప్రిన్సిపల్ బెంచ్ అమరావతిలో మరియు బెంచ్‌లను కర్నూలు మరియు వైజాగ్‌లో , మహారాష్ట్ర తరహాలో ఏర్పాటు చేస్తే బాగుంటుంది. ఆలోచించండి ’అంటూ లక్ష్మీనారాయణ ట్వీట్ చేశారు. ఆయన ఉద్దేశం ప్రకారం.. ఏపీలో కూడా మూడు హైకోర్టు బెంచ్‌లను ఏర్పాటు చేయాలని చెబుతున్నారు.

మూడు రాజధానులపై ఏపీలో చర్చ జరుగుతున్న వేళ లక్ష్మీనారాయణ ప్రతిపాదన ఆసక్తికరంగా మారింది. ఆయన మూడు రాజధానులను ఉద్దేశించి ఈ ప్రతిపాదన చేశారా.. హైకోర్టుకు సంబంధించి మాత్రమే తన అభిప్రాయాన్ని చెప్పారా అన్నది చర్చనీయాంశమైంది. మొత్తం మీద లక్ష్మీనారాయణ చేసిన ఈ సరికొత్త ప్రతిపాదన ఇంట్రెస్ట్‌గా ఉంది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button