News

jc asmith reddy, జేసీ అస్మిత్ రెడ్డిపై రాళ్ల దాడి.. తాడిపత్రిలో ఉద్రిక్తత! – stone pelting on tdp leader jc asmith reddy in tadipatri


టీడీపీ నాయకుడు జేసీ అస్మిత్ రెడ్డిపై బుధవారం రాత్రి రాళ్ల దాడి జరిగింది. ఈ ఘటనలో పలువురికి గాయాలయ్యాయి. దీంతో తాడిపత్రిలో మరోసారి తీవ్ర ఉద్రిక్త పరిస్థితులు నెలకొన్నాయి.

 

అనంతపురం జిల్లా తాడిపత్రిలో మరోసారి ఉద్రిక్తత పరిస్థితి నెలకొంది. తెలుగు దేశం పార్టీ నియోజకవర్గ ఇన్‌ఛార్జి జేసీ అస్మిత్‌రెడ్డిపై బుధవారం రాత్రి రాళ్ల దాడి జరిగింది. ప్రజా సమస్యలు తెలుసుకునేందుకు గత మూడు రోజులుగా తాడిపత్రి మున్సిపాలిటీలోని వివిధ కాలనీల్లో అస్మిత్‌రెడ్డి పర్యటిస్తున్నారు. ఇందులో భాగంగా బుధవారం సాయంత్రం నుంచి 3వ వార్డులో పర్యటిస్తున్నారు. ఈ క్రమంలో స్థానిక వైఎస్సార్ కాంగ్రెస్ పార్టీ కౌన్సిలర్‌ ఫయాజ్‌ బాషా బీడీ ఫ్యాక్టరీ వద్దకు రాగానే విద్యుత్‌ సరఫరా నిలిచిపోయింది.

ఈ క్రమంలో ఇళ్లపై నుంచి కొందరు అస్మిత్ రెడ్డి వాహనాలపై రాళ్లు రువ్వారు. టీడీపీ కార్యకర్తలు సైతం రాళ్లతో ఎదురుదాడికి దిగారు. దీంతో ఆ ప్రాంతంలో ఉద్రిక్త వాతావరణం నెలకొంది. ఈ ఘటనలో ఇద్దరు టీడీపీ కార్యకర్తలకు గాయాలయ్యాయి. అయితే, పలువురు వైసీపీ కార్యకర్తలు సైతం గాయపడ్డట్లు తెలుస్తోంది.

అయితే, ప్రత్యర్థుల రాళ్ల దాడి నుంచి తప్పించుకున్న జేసీ అస్మిత్‌రెడ్డి ఓ ఇంట్లోకి వెళ్లి తలదాచుకున్నారు. అనంతరం పోలీసులు అక్కడికి చేరుకొని ఇరువర్గాలను చెదరగొట్టారు. గాయపడిన వారిని తాడిపత్రి ప్రభుత్వ ఆసుపత్రికి తరలించి చికిత్స అందిస్తున్నారు. ఈ ఘటనకు సంబంధించి పూర్తి వివరాలు తెలియాల్సి ఉంది.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button