News

jayaprada, జయప్రదకు ఎన్టీఆర్ చలనచిత్ర శతాబ్ది పురస్కారం – jayaprada to receive ntr chalachitra shatabdi award from balakrishna


విశ్వవిఖ్యాత నటసార్వభౌమ స్వర్గీయ నందమూరి తారకరామారావు (NTR) శతజయంతి ఉత్సవాల్లో భాగంగా ప్రదానం చేస్తోన్న ఎన్టీఆర్ చలనచిత్ర శతాబ్ది పురస్కారానికి సీనియర్ నటి జయప్రద (Jayaprada) ఎంపికయ్యారు. ఈ పురస్కారాన్ని ఆమె నటసింహా నందమూరి బాలకృష్ణ చేతుల మీదుగా అందుకోబోతున్నారు.

బాలకృష్ణ గౌరవ అధ్యక్షతన, మాజీ మంత్రి ఆలపాటి రాజేంద్ర ప్రసాద్ నేతృత్వంలో సంవత్సర కాలం పాటు ఎన్టీఆర్ శతజయంతి మహోత్సవాలు జరుగుతున్న సంగతి తెలిసిందే. ఈ ఉత్సవాల్లో భాగంగా తెనాలిలో ఈనెల 27న సాయంత్రం 5 గంటలకు నాజర్‌పేట ఎన్వీ‌ఆర్ కన్వెన్షన్ సెంటర్‌లో ఎన్టీఆర్ శతాబ్ది చలనచిత్ర పురస్కార మహోత్సవ సభ జరగనుంది. ప్రముఖ మాటల రచయిత సాయి మాధవ్ బుర్ర సభా నిర్వహణలో ఎన్టీఆర్ శతాబ్ది చలనచిత్ర పురస్కార గ్రహీత సినీ నటి జయప్రదకు ఎన్టీఆర్ కుమారుడు నందమూరి రామకృష్ణ చేతుల మీదుగా పురస్కారాన్ని అందించబోతున్నారు.

ఈ పురస్కార ప్రదానోత్సవ కార్యక్రమానికి జయప్రకాశ్ నారాయణ ముఖ్య అతిథిగా, ప్రముఖ సినీ దర్శకుడు ఎ.కోదండరామిరెడ్డి ఆత్మీయ అతిథిగా హాజరుకానున్నారు. వీరితో పాటు ఎన్టీఆర్ అభిమాన సత్కార గ్రహీత డాక్టర్ మైథిలి అబ్బరాజు, మాజీ మంత్రి నెట్టెం రఘురాం కూడా ఈ కార్యక్రమంలో పాల్గొననున్నారు.

ఎన్టీఆర్ శతజయంతి ఉత్సవాల్లో భాగంగా తెనాలి పెమ్మసాని (రామకృష్ణ) థియేటర్‌లో ఏడాది పొడవునా ఎన్టీఆర్ సినిమాలను ప్రదర్శిస్తున్న సంగతి తెలిసిందే. ఈ నేపథ్యంలో ఈనెల 28న ‘‘అడవి రాముడు’’ సినిమాను ప్రదర్శిస్తునారు. ఈ ప్రదర్శనకు జయప్రద, నందమూరి రామకృష్ణ, ఎ. కోదండరామిరెడ్డి హాజరై ప్రేక్షకులతో కలిసి సినిమాను చూస్తారు. ఈ సినిమాలో జయప్రద హీరోయిన్‌గా నటించారు.

ఎన్టీఆర్‌తో జయప్రద పలు సినిమాల్లో హీరోయిన్‌గా నటించారు. వీటిలో ప్రధానమైనవి ‘అడవి రాముడు’, ‘చాణక్య చంద్రగుప్త’, ‘యమగోల’, ‘రామకృష్ణులు’, ‘రాజపుత్ర రహస్యం’, ‘శ్రీ తిరుపతి వేంకటేశ్వర కళ్యాణం’, ‘ఛాలెంజ్ రాముడు’, ‘సూపర్‌మేన్’, ‘సర్కస్ రాముడు’.

కాగా, ఈ ఏడాది మే 28న ప్రారంభమైన ఎన్టీఆర్ శతజయంతి ఉత్సవాలను 2023 మే 28 వరకూ నిర్వహించనున్నారు. ఈ ఏడాది మే 28న నిమ్మకూరులో ఈ శతజయంతి ఉత్సవాలను మొదలుపెట్టారు. ఆ తరవాత తెనాలిలోని పెమ్మసాని (రామకృష్ణ) థియేటర్‌లో సినిమాల ప్రదర్శన, పురస్కారాల ప్రదానోత్సవాలను ప్రారంభించారు. 365 రోజులపాటు ఈ థియేటర్‌లో వారానికి 5 సినిమాల ప్రదర్శన, వారానికి 2 సదస్సులు, నెలకు రెండు పురస్కార ప్రదానోత్సవాలు జరగనున్నాయి. ఈ ఏడాది పాటు జరిగే కార్యక్రమాల్లో తమ కుటుంబం నుంచి నెలకొక్కరు చొప్పున పాల్గొంటామని బాలకృష్ణ ఆనాడే ప్రకటించారు.

  • Read more Cinema News and Telugu News

Related Articles

Back to top button