News

it raids, Mallareddy ఇంటిపై ఐటీ రైడ్స్.. ల్యాప్‌టాప్ విషయంలో హైడ్రామా.. అసలేం జరిగింది ? – police case has been registered against minister mallareddy on the complaint of it officials


Authored by Sundeep Poola | Samayam Telugu | Updated: 24 Nov 2022, 9:58 am

Minister Mallareddy: మంత్రి మల్లారెడ్డి , ఆయన బంధువుల ఇళ్లు, కార్యాలయాల్లో గత రెండు రోజులుగా కొనసాగిన ఐటీ దాడులు ముగిశాయి. కర్ణాటక,ఒడిశా నుంచి వచ్చిన దాదాపు 400 మంది ఐటీ అధికారులు 65 బృందాలుగా విడిపోయి సోదాలు నిర్వహించారు. ఈ దాడుల్లో భారీగా నగదు, పలు కీలక పత్రాలు స్వాధీనం చేసుకున్నట్లు సమాచారం. అయితే దాడులు ముగిశాక పంచనామా పత్రాలపై సంతకాలు చేసే విషయంలో అర్థరాత్రి హైడ్రాామా నెలకొంది. మంత్రి మల్లారెడ్డి, ఐటీ అధికారులు పరసస్పరం పోలీసు స్టేషన్లలో ఫిర్యాదు చేసుకునే వరకు వెళ్లింది.

 

మల్లారెడ్డి

ప్రధానాంశాలు:

  • మంత్రి మల్లారెడ్డిపై పోలీసు కేసు నమోదు
  • ఐటీ అధికారుల ఫిర్యాదుతో పలు సెక్షన్ల కింద కేసు
  • సాక్ష్యాలు, ఆధారాలు ధ్వంసం చేశారని ఆయనపై కంప్లైంట్
Minister Mallareddy: మంత్రి మల్లారెడ్డి ఆస్తులపై ఐటీ (IT Raids) అధికారుల దాడులు ముగిశాయి. గత రెండు రోజులుగా మల్లారెడ్డి అతని ఇద్దరు కుమారులు, అల్లుడు, సమీప బంధువుల ఇళ్లలో 400 మంది ఐటీ అధికారులు 65 బృందాలుగా విడిపోయి సోదాలు చేశారు. ఈ సోదాల్లో రూ.10 కోట్ల 50 లక్షల నగదు స్వాధీనం చేసుకున్నట్లు సమాచారం. సోదాలు ముగిసిన అనంతరం పంచనామా పత్రాలపై సంతకాలు చేయించేందుకు ఐటీ అధికారులు దాదాపు మూడు గంటల పాటు ఇబ్బందులు పడినట్లు తెలుస్తోంది. మంత్రి మల్లారెడ్డి పంచనామా పత్రాలపై సంతకం చేయకపోవడంతో అధికారులు ఆసుపత్రిలో ఉన్న మల్లారెడ్డి పెద్ద కుమారుడు మహేందర్ రెడ్డితో సంతకాలు చేయించుకున్నారు. అనంతరం ఆ పంచనామా పత్రాలను మల్లారెడ్డికి అందించారు.

పత్రాల మీద ఉన్న సంతకం చూసి మల్లారెడ్డి అధికారులపై ఆగ్రహం వ్యక్తం చేసినట్లు తెలిసింది. తన కొడుకుని బలవంతంగా కొట్టి సంతకాలు పెట్టించారంటూ ఆయన ఆరోపించారు. మల్లారెడ్డి అర్ధరాత్రి హాస్పిటల్‌కి వెళ్లి.. తన కొడుకుతో మాట్లాడి బయటికి వచ్చాడు. తాము ఎలాంటి తప్పు చేయకపోయినా బలవంతంగా సంతకాలు చేయించుకున్నారని ఆగ్రహం వ్యక్తం చేశాడు. ఈ క్రమంలో ఆసుపత్రిలో ఉన్న రత్నాకర్ అనే ఐటీ అధికారిని మల్లారెడ్డి నిర్బంధించాడని ఆరోపణ. ఐటీ అధికారి రత్నాకర్ ల్యాప్‌టాప్, సెల్‌ఫోన్‌ను లాక్కొని.. ఆయన్ను బోయిన్‌పల్లి స్టేషన్‌కు తీసుకెళ్లి.. అతనిపై ఫిర్యాదు చేశాడు. ఐటీ అధికారులు తన కొడుకుపై దాడి చేసి బలవంతంగా సంతకాలు పెట్టించుకున్నారని, రూ.100 కోట్లు డొనేషన్ పేరుతో బలవంతంగా సంతకాలు పెట్టించారని, తమ దగ్గర దొరకని డబ్బులను కూడా దొరికినట్లుగా చూపించి సంతకాలు చేయించుకున్నారని మల్లారెడ్డి పోలీస్ స్టేషన్‌లో ఫిర్యాదు చేశాడు.

అంతలోనే బోయిన్ పల్లి పోలీసు స్టేషన్‌కు చేరుకున్న ఐటీ అధికారులు తమ అధికారిని మల్లారెడ్డి నిర్బంధించారని పోలీసులకు ఫిర్యాదు చేశారు. తమ అధికారి ల్యాప్‌టాప్‌, ఫోన్లు లాక్కున్నారని ఐటీ అధికారులు ఆరోపించారు. అంతలోనే ఐటీ అధికారి ల్యాప్‌టాప్‌ను మల్లారెడ్డి అనుచరులు పోలీస్ స్టేషన్‌కు తీసుకువచ్చారు. అయితే పోలీసు స్టేషన్‌ను తమ అదుపులోకి తీసుకున్న కేంద్ర బలగాలు మల్లారెడ్డి అనుచరులు తీసుకువచ్చిన ల్యాప్‌టాప్‌ను లోపలికి తీసుకువెళ్లేందుకు అనుమతించలేదు. దీంతో పోలీస్ స్టేషన్ గేటు ముందు ల్యాప్‌టాప్‌ను పెట్టి మల్లారెడ్డి అనుచరులు అక్కడి నుంచి వెళ్లపోయారు. కాసేపటికి ల్యాప్‌టాప్ స్టేషన్ లోపలికి తీసుకొచ్చినా.. అధికారులు దాన్ని తీసుకోలేదు. పైగా.. అసలు అది తమ ల్యాప్‌టాప్ కాదు అని ఐటీ అధికారులు చెబుతున్నారు. ప్రస్తుతానికి ఆ ల్యాప్‌టాప్ బోయిన్‌పల్లి పోలీస్‌స్టేషన్‌లోనే ఉంది. సివిల్ సర్వెంట్‌ విధులకు ఆటంకం కలిగించడం, సాక్ష్యాలు, ఆధారాలను ధ్వంసం చెయ్యడం, ల్యాప్‌టాప్‌, ఫోన్‌లను దొంగిలించారన్న ఆరోపణలతో ఐటీ అధికారులు ఇచ్చిన ఫిర్యాదు మేరకు మంత్రి మల్లారెడ్డిపై పోలీసులు పలు సెక్షన్ల కింద కేసు నమోదు చేశారు.

  • Read Latest Telangana News and Telugu News

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button