News

ipl mini auction details, IPL 2023 Auction: ఐపీఎల్ వేలంలో 991 మంది ఆటగాళ్లు.. ఆసీస్ నుంచి అత్యధికంగా.. – 991 players to participate in ipl 2023 mini auction to be held on december 23


డిసెంబర్ 23న కేరళలోని కొచ్చిలో ఐపీఎల్ మినీ వేలం జరగనుంది. మొత్తం 991 మంది క్రికెటర్లు వేలంలో పాల్గొననున్నారు. వీరిలో 714 మంది భారత క్రికెటర్లు కాగా.. 277 మంది విదేశాలకు చెందినవారు. నవంబర్ 30 వరకు ఆటగాళ్లు వేలం కోసం రిజిస్ట్రేషన్ చేసుకున్నారు. మొత్తం పది ఫ్రాంచైజీలు కలిపి 87 మంది ఆటగాళ్లను ఎంపిక చేసుకోనున్నాయి. 20 అసోసియేట్ దేశాలకు చెందిన 185 మంది క్యాప్డ్ ప్లేయర్లు, 786 మంది అన్‌క్యాప్డ్ ప్లేయర్లు వేలంలో పాల్గొననున్నారు.

వేలానికి రానున్న 991 మంది ఆటగాళ్లలో 19 మంది భారత క్యాప్డ్ ప్లేయర్లు కాగా.. 166 మంది అంతర్జాతీయ క్యాప్డ్ ప్లేయర్లు, 604 మంది భారత అన్‌క్యాప్డ్ ఆటగాళ్లు, 88 మంది ఇంటర్నేషనల్ అన్‌క్యాప్డ్ ఆటగాళ్లున్నారు.

వేలంలో పాల్గొననున్న విదేశీ క్రికెటర్ల విషయానికి వస్తే ఆస్ట్రేలియా నుంచి అత్యధికంగా 57 మంది ఆటగాళ్లు ఉండగా.. సౌతాఫ్రికా నుంచి 52 మంది క్రికెటర్లున్నారు. ఇంగ్లాండ్ నుంచి 31 మంది క్రికెటర్లు వేలంలో పాల్గొనబోతున్నారు.

ఇంగ్లాండ్ క్రికెటర్లు సామ్ కర్రన్, బెన్ స్టోక్స్, అదిల్ రషీద్‌లతోపాటు.. సన్‌రైజర్స్ హైదరాబాద్ రిలీజ్ చేసిన కేన్ విలియమ్సన్, ఆస్ట్రేలియా ఆటగాడు కామెరాన్ గ్రీన్ వేలంలో ప్రధాన ఆకర్షణగా నిలవనున్నారు. టీ20 వరల్డ్ కప్‌లో ప్లేయర్ ఆఫ్ ది టోర్నీగా నిలిచిన సామ్ కర్రన్ రూ.2 కోట్ల బేస్ ప్రైజ్‌తో వేలంలోకి రానున్నాడు. భారత ఆటగాళ్లెవరూ రూ.2 కోట్ల బేస్ ప్రైజ్ పరిధిలో వేలంలోకి రావడం లేదు.

ఐపీఎల్ 2023 మినీ వేలం క్రిస్మస్ పండుగ ముందు జరుగుతుండటం.. ఎక్కువ శాతం ఫ్రాంచైజీల సహాయక సిబ్బంది విదేశాలకు చెందిన వారు కావడంతో.. వేలాన్ని వాయిదా వేయాలని ఫ్రాంచైజీలు బీసీసీఐ అడుగుతాయని ప్రచారం జరిగింది. దీనికి బోర్డు సుముఖత వ్యక్తం చేసే అవకాశం ఉందని కూడా భావించారు. కానీ బోర్డు మాత్రం ముందుగా నిర్ణయించిన తేదీనే వేలం నిర్వహించడానికి సమాయాత్తం అవుతోంది.

హ్యూజ్ ఎడ్మిడెస్ ఆధ్వర్యంలో మినీ వేలం ప్రక్రియ జరగనుంది. ఈ ఏడాది ఫిబ్రవరిలో నిర్వహించిన ఐపీఎల్ 2022 మెగా వేలం సమయంలో ఎడ్మిడెస్ కుప్పకూలడంతో ఆయన స్థానంలో చారు శర్మ వేలాన్ని నిర్వహించారు. మెగా వేలం తుది దశలో ఎడ్మిడెస్ వేలంలో పాల్గొన్నారు.

Read More Sports News And Telugu News

Advertisement

Related Articles

Back to top button