News

indigo new facility, IndiGo ప్రయాణికులకు సరికొత్త సౌకర్యం.. విమానం చకాచకా దిగేయొచ్చు! – indigo new facility to help passengers get off quickly from planes


IndiGo: ఇండిగో తన ప్రయాణికుల సౌకర్యార్థం సరికొత్త ఫెసిలిటీని అందుబాటులోకి తెస్తుంది. ఇక నుంచి ఇండిగో విమానం నుంచి దిగడం చాలా తేలిక కానుంది. ఈ విమానయాన సంస్థ తన ప్రయాణికులు విమానం దిగేందుకు మూడు డోర్లను ఏర్పాటు చేస్తున్నట్టు ప్రకటించింది. ఈ మూడు డోర్లతో విమానం నుంచి దిగడం ప్రయాణికులకు చాలా తేలిక కానుంది. ప్రపంచంలోనే తొలిసారి ఇండిగోనే ఈ సౌకర్యాన్ని తీసుకొస్తుంది.

ప్రయాణికులు విమానం దిగేందుకు మూడు డోర్లను ఏర్పాటు చేస్తున్న కంపెనీ.. ముందు రెండు డోర్లను, ఒకటి వెనుకవైపు ఏర్పాటు చేస్తున్నట్టు ఈ విమానయాన సంస్థ తెలిపింది. ఇండిగో 16వ వార్షికోత్సవం సందర్భంగా సీఈవో రోనోజాయ్ దుత్తా మూడు ఎగ్జిట్ పాయింట్లు ఏర్పాటు చేస్తున్న విషయాన్ని తెలిపారు. ఈ మూడు పాయింట్ల ఏర్పాటుతో ప్రయాణికులు విమానం దిగే సమయాన్ని ఐదు నుంచి ఆరు నిమిషాలు తాము ఆదా చేస్తున్నట్టు అవుతుందని తెలిపారు. దీంతో వేగంగా విమానంలో ప్రయాణికులు దిగిపోతారని అన్నారు.

సాధారణంగా ముందు వైపు ఒకటి, వెనుకవైపు ఒక డోర్ ఉండటం వల్ల.. ప్రయాణికులు విమానం దిగేందుకు 13 నుంచి 14 నిమిషాల సమయం పడుతుంది. అదే మూడు పాయింట్లను ఏర్పాటు చేస్తే.. ప్రయాణికులందరూ 7-8 నిమిషాల్లో విమానం దిగిపోతారని రోనోజాయ్ దుత్తా అన్నారు.

Also Read : స్వాతంత్య్ర దినోత్సవ వేడుకలు.. గుడ్‌న్యూస్ చెప్పబోతున్న జియో

తొలుత ఈ విధానాన్ని బెంగళూరు, ముంబై, ఢిల్లీ నగరాలకు తిరిగే విమానాలకు అమల్లోకి తెస్తామని సీఈవో చెప్పారు. ఆ తర్వాత క్రమక్రమంగా అన్ని మార్గాలకు ఈ సౌకర్యాన్ని అందిస్తామని ఇండిగో సీఈవో తెలిపారు. ఈ ప్రాసెస్‌ను ఇండిగో ఏ320, ఏ321 విమానాలకు అమల్లోకి తెస్తుంది. ప్రస్తుతం ఇండిగో వద్ద 181 ఎయిర్‌బస్ ఏ320, 65 ఎయిర్‌బస్ ఏ321 విమానాలున్నాయి.

జూన్ 2022 నాటికి 56.9 శాతం మార్కెట్ షేరుతో దేశంలో అతిపెద్ద విమానయాన సంస్థగా ఇండిగో ఉంది. ఆగస్టు 2006లో ఇది ప్రారంభమైనప్పటి నుంచి ఒక విమానం నుంచి నేడు 279 విమానాలు కలిగి ఉన్న స్థాయికి ఎదిగింది. 74 దేశీయ మార్గాలకు, 25 అంతర్జాతీయ మార్గాలకు ఇండిగో విమానాలు ఎగురుతున్నాయి.

Also read : క్రెడిట్ కార్డు పేమెంట్లు బ్యాన్.. పెన్షన్ ఫండ్ రెగ్యులేటరీ కీలక నిర్ణయం

Advertisement

Related Articles

Back to top button