News

india vs bangladesh odi series, బంగ్లాదేశ్‌తో వన్డే సిరీస్.. భారత జట్టులో రెండు మార్పులు.. – two changes in team india for bangladesh odis


బంగ్లాదేశ్‌తో వన్డే సిరీస్‌కు భారత జట్టులో రెండు మార్పులు చోటు చేసుకున్నాయి. యష్ దయాల్, రవీంద్ర జడేజా స్థానంలో పేసర్ కుల్దీప్ సేన్, ఆల్‌రౌండర్ షహబాజ్ అహ్మద్‌లను ఎంపిక చేసినట్లు బీసీసీఐ ప్రకటించింది. ముందుగా వీరిద్దర్నీ న్యూజిలాండ్‌తో జరుగుతోన్న వన్డే సిరీస్‌కు సైతం ఎంపిక చేశారు. కానీ కివీస్‌తో వన్డే సిరీస్ నుంచి వారిని తప్పించిన బోర్డు.. బంగ్లాదేశ్ పర్యటనకు పంపించాలని నిర్ణయించింది. న్యూజిలాండ్‌తో వన్డే సిరీస్‌కు వీరికి రిప్లేస్‌మెంట్‌ను ప్రకటించలేదు.

బంగ్లాదేశ్‌తో వన్డే, టెస్ట్ సిరీస్‌కు జడేజాను ఎంపిక చేసినప్పటికీ.. ఫిట్‌నెస్‌ సాధిస్తేనే ఆడిస్తామని ఎంపిక సమయంలో బీసీసీఐ తెలిపింది. ఆసియా కప్ సమయంలో జడ్డూ మోకాలికి గాయమైంది. అనంతరం సర్జరీ చేయించుకున్న అతడు టీ20 వరల్డ్ కప్‌కు దూరమయ్యాడు. జడేజా బీసీసీఐ మెడికల్ టీమ్ పర్యవేక్షణలో ఉండనున్నాడు. వెన్ను నొప్పి కారణంగా యష్ దయాల్ సైతం బంగ్లాదేశ్ పర్యటన నుంచి తప్పుకోవాల్సి వచ్చింది.

చివరి వన్డే వేదిక మార్పు..
డిసెంబర్ 4, 7, 10 తేదీల్లో భారత్, బంగ్లాదేశ్ మధ్య వన్డే మ్యాచ్‌లు జరుగుతాయి. తొలి రెండు వన్డేలు రాజధాని ఢాకాలో జరగనుండగా.. మూడో వన్డే చిట్టగాంగ్‌లో జరుగుతుంది. మూడో వన్డే కూడా ఢాకాలోనే జరగాల్సి ఉన్నప్పటికీ.. అదే రోజున షేక్ హసీనా ప్రభుత్వానికి వ్యతిరేకంగా ప్రతిపక్షం ఆందోళనకు పిలుపునివ్వడంతో.. వేదికను మార్చారు.

IND-A vs BAN-A 4 రోజుల మ్యాచ్‌లు..
బంగ్లాదేశ్-ఏ జట్టుతో నాలుగు రోజుల మ్యాచ్‌ల కోసం ఇండియా-ఏ జట్టును కూడా బీసీసీఐ ప్రకటించింది. టెస్టు సిరీస్‌కు ముందు ఈ జట్లు రెండు మ్యాచ్‌లు ఆడనున్నాయి. ఇండియా-ఏ జట్టు అభిమన్యు ఈశ్వరన్‌ సారథ్యంలో బరిలోకి దిగనుండగా.. ఛతేశ్వర్ పుజారా, ఉమేశ్ యాదవ్‌లను రెండో మ్యాచ్ కోసం ఎంపిక చేశారు.

కాక్స్ బజార్ వేదికగా నవంబర్ 29 నుంచి డిసెంబర్ 4 వరకు తొలి మ్యాచ్ జరగనుంది. డిసెంబర్ 6 నుంచి 9 వరకు సిల్హెట్ వేదికగా రెండో గేమ్ జరగనుంది. వరల్డ్ టెస్ట్ ఛాంపియన్‌షిప్‌లో భాగమైన భారత్, బంగ్లాదేశ్ టెస్ట్ సిరీస్ డిసెంబర్ 14న ప్రారంభం కానుంది. డిసెంబర్ 14-18 వరకు ఛత్తోగ్రామ్ వేదికగా తొలి టెస్ట్ జరగనుండగా.. డిసెంబర్ 22 నుంచి 26 వరకు ఢాకా వేదికగా రెండో టెస్ట్ జరగనుంది.

తొలి మ్యాచ్ కోసం ఇండియా-ఏ జట్టు: అభిమన్యు ఈశ్వరన్ (కెప్టెన్), రోహన్ కన్నుమ్మల్, యశస్వి జైస్వాల్, యష్ ధుల్, సర్ఫరాజ్ ఖాన్, తిలక్ వర్మ, ఉపేంద్ర యాదవ్ (వికెట్ కీపర్), సౌరభ్ కుమార్, రాహుల్ చాహర్, జయంత్ యాదవ్, ముకేశ్ కుమార్, నవదీప్ సైనీ, అతిత్ షేఠ్.

రెండో మ్యాచ్ కోసం ఇండియా-ఏ జట్టు: అభిమన్యు ఈశ్వరన్ (కెప్టెన్), రోహన్ కన్నుమ్మల్, యశస్వి జైస్వాల్, యష్ ధుల్, సర్ఫరాజ్ ఖాన్, తిలక్ వర్మ, ఉపేంద్ర యాదవ్ (వికెట్ కీపర్), సౌరభ్ కుమార్, రాహుల్ చాహర్, జయంత్ యాదవ్, ముకేశ్ కుమార్, నవదీప్ సైనీ, అతిత్ షేఠ్, ఛతేశ్వర్ పుజారా, ఉమేశ్ యాదవ్, కేఎస్ భరత్ (వికెట్ కీపర్).

Read More Sports News And Telugu News

Advertisement

Related Articles

Back to top button