News

india vs australia live score 2022, Matthew Wade విధ్వంసం.. 8 ఓవర్లలో భారత్ టార్గెట్ 91 – matthew wade fireworks lift australia to 90 in 8 overs vs india


Authored by Rajendra Galeti | Samayam Telugu | Updated: Sep 23, 2022, 10:33 PM

IND vs AUS 2nd T20 లో భారత ఫాస్ట్ బౌలర్ హర్షల్ పటేల్ తేలిపోయాడు. మాథ్యూవెడ్ దెబ్బకి ఆఖరి ఓవర్‌లో మూడు సిక్సర్లని అతను సమర్పించుకున్నాడు. దాంతో ఆస్ట్రేలియా 8 ఓవర్లలోనే…?

 

మాథ్యూవెడ్ (Pic Credit: AP)

ప్రధానాంశాలు:

  • నాగ్‌పూర్ టీ20 మ్యాచ్ 8 ఓవర్లకి కుదింపు
  • ఫస్ట్ బ్యాటింగ్ చేసిన ఆస్ట్రేలియా 90 పరుగులు
  • రెండు వికెట్లు పడగొట్టిన స్పిన్నర్ అక్షర్ పటేల్
  • 20 బంతుల్లో 43 పరుగులు చేసిన మాథ్యూవెడ్
భారత్‌తో నాగ్‌పూర్ వేదికగా శుక్రవారం రాత్రి జరుగుతున్న రెండో టీ20లో ఆస్ట్రేలియా బ్యాటర్ మాథ్యూవెడ్ (43 నాటౌట్: 20 బంతుల్లో 4×4, 3×6) చెలరేగిపోయాడు. వర్షం కారణంగా ఔట్‌ఫీల్డ్ చిత్తడిగా మారడంతో రెండన్నర గంటలు ఆలస్యంగా ప్రారంభమైన ఈ మ్యాచ్‌ని 8 ఓవర్లకి అంపైర్లు కుదించగా.. టాస్ ఓడి మొదట బ్యాటింగ్ చేసిన ఆస్ట్రేలియా టీమ్ 5 వికెట్ల నష్టానికి 90 పరుగులు చేసింది. భారత బౌలర్లలో అక్షర్ పటేల్ రెండు వికెట్లు, జస్‌ప్రీత్ బుమ్రా ఒక వికెట్ తీశారు. కామెరూన్ గ్రీన్, స్టీవ్‌స్మిత్ రనౌట్‌గా వెనుదిరిగారు.

మ్యాచ్‌లో టాస్ గెలిచిన రోహిత్ శర్మ ఫీల్డింగ్ ఎంచుకున్నాడు. దాంతో అరోన్ ఫించ్ (31: 15 బంతుల్లో 4×4, 1×6)తో కలిసి ఆస్ట్రేలియా ఇన్నింగ్స్‌ని ప్రారంభించిన కామెరూన్ గ్రీన్ (5) లేని పరుగు కోసం ప్రయత్నిస్తూ రనౌటయ్యాడు. ఆ తర్వాత వచ్చిన గ్లెన్ మాక్స్‌వెల్ (0), టిమ్‌ డేవిడ్ (2)ని అక్షర్ పటేల్ క్లీన్ బౌల్డ్ చేశాడు. కానీ.. నెం.5లో బ్యాటింగ్‌కి వచ్చిన మాథ్యూవెడ్ చెలరేగిపోయాడు. ఇన్నింగ్స్ ఆఖరి ఓవర్ వేసిన హర్షల్ పటేల్ బౌలింగ్‌లో మూడు సిక్సర్లు బాదిన మాథ్యూవెడ్ ఆస్ట్రేలియాకి మెరుగైన స్కోరుని అందించాడు.

కామెరూన్ గ్రీన్ ఇచ్చిన ఓ క్యాచ్‌ని జారవిడిచిన విరాట్ కోహ్లీ.. ఆ తర్వాత బంతికే అతడ్ని రనౌట్ చేశాడు. దాంతో భారత్ ఊపిరి పీల్చుకుంది. మొహాలిలో మంగళవారం జరిగిన తొలి టీ20లో కామెరూన్ గ్రీన్‌ ఇచ్చిన రెండు క్యాచ్‌లను అక్షర్ పటేల్, కేఎల్ రాహుల్ నేలపాలు చేయగా.. అతను హాఫ్ సెంచరీ బాదేసిన విషయం తెలిసిందే.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button